Chapter Five

“Ano best, napili ka ba?” bungad na tanong sa’kin ni Saffie, kakauwi ko lang sa bahay nila, at siya agad ang hinanap ko para ibalita ang nangyari sa Alera quarters.

Hanggang ngayon naiisip ko pa rin ang mga ikinikilos ni Miss Rodrigo, lalo lang niyang pinapatunayan sa’kin na siya ang tinutukoy niyang ex-lover ni Kael.

Anong gusto niyang palabasin? Halata namang wala nang amor sa kaniya ‘yong lalaki. 

Bakit pa kasi sila naghiwalay? At bakit kasi masyadong nangingialam ang pamilya ni Kael sa lovelife niya?

“Best, natulala ka na riyan. Okay ka lang?” tanong ni Saffie at nag-snap pa sa mukha ko.

Napakurap ako ng mga mata at umiling para mawala sa isipan ko ang mga naisip ko.

Bakit ba kasi iniisip ko ang tungkol sa kanila? Wala naman akong pakialam do’n dahil allowance at tuition ang top priority ko.

“Best, hindi ka maniniwala sa nangyari,” sabi ko para hindi mag-isip ng kung ano-ano si Saffie.

“Ano?”

“Kilala mo ‘yong new instructor sa educ diba?” tanong ko at nilapag sa mesa ang bag, bago tumabi kay Saffie sa kama.

“Si Miss Rodrigo?”

“Pumunta siya ng Alera quarters kanina.”

“Anong tea naman tungkol sa kaniya?” tanong ni Saffie, na halatang curious sa ibabalita ko.

“Parang kilala ko na kung sino ang ex-full scholar ni Kael.”

“Si Miss Rodrigo?”

“Tumpak! At alam mo kanina, parang threatened siya na may bagong full scholar si Mr. Funder, nagseselos siya best!”

“Interesting,” sabi ni Saffie at tumawa nang malakas.

Ako naman ang naging clueless sa sinabi niya. Interesting na siya sa lagay na ‘yon?

“Ngayon na nasa Valerio ang ex niya, sure akong may war na magaganap,” tumingin siya sa’kin na parang binabalaan ako, “hindi nga lang maingay.”

“Ewan ko sa’yo, Saffie,” kumunot ang noo ko at nag-isip-isip kong tama ba na tinanggap ko ‘yong kontrata.

Hindi naman siguro ako aawayin ni Miss Rodrigo. Alam niyang allowance ang puntirya ko, hindi ang cold hearted na super strict na Kael na ‘yon.

“Oh, masyado nang malalim ang iniisip mo diyan. Tara labas tayo.”

—

“Hindi ko maintindihan ‘yang Alera, Calla,” sabi niya sabay s****p sa straw ng chocolate drink niya, pagkatapos ay nilunok kaagad, “naghanap sila ng full scholar in public ha at alam ng ilan na for fake dating lang iyon. Tapos, gusto ni Mr. Kael na itago ang contract niyo? At ayaw niyang malaman ng public na fake couple kayo?”

“Kaya siguro naging rumor na lang ang tungkol diyan,” sabi ko at s******p sa straw ng iniinom kong iced coffee boba.

“Kaya kailangan mong mag-ingat dahil kapag nabuking kayo, ikaw ang maiipit.”

“Sino ba ang nag-apply sa’kin dito?”

“Sorry na. Hindi ko naman inakalang pipiliin ka.”

“Wala na tayong magagawa, nandiyan na ‘yan. 7 months lang naman ‘yon,” sabi ko at napatingin sa isang coffee shop, at sa loob ay nakita ko ang pamilyar na mukha ng dalawang tao na kilala ko.

Mukhang may pinag-uusapan sila na mahalaga, pero seryoso lang si Kael, samantalang si Miss Rodrigo ay panay salita.

“Best, anong tinitingin mo diyan?”

“Ang sagot sa mga tanong ko.”

Naglakad ako papalapit ng coffee shop, pumuwesto sa tanim na naka-display sa labas, at sumilip sa bintana.

“Eh, kung pumasok kaya tayo, ano?” sabay hila sa’kin papasok ng coffee shop.

Umayos naman ako para hindi kami mapansin nina Kael. Pumuwesto kami sa likod nila nang hindi nila napapansin. Pero hindi ko marinig ang pinag-uusapan nila.

“Good evening, ma’am. May I have your order po?”

“Siya, siya mag-o-order,” sabi ko nang hindi inaalis ang tingin kina Kael.

“Anong ako? Ikaw kaya ang may gusto na pumunta rito,” sagot ni Saffie.

“Ha? Sino ba ang nanghila sa’kin papasok dito?” saad ko naman at tiningnan si Saffie ng ‘sumabay-ka-sa’kin’ look.

Mukhang nakuha naman niya ang gusto kong iparating kaya napilitan si Saffie na umorder kahit naka-order na kami kanina.

“Pahamak ka talaga!” mahina niyang bulong, nginisian ko na lang siya at binalik ang tingin kina Kael, pero wala na sila sa puwesto nila.

“Saffie kasi umalis na tuloy.”

Matapos mag-order ni Saffie ay umalis rin ang waiter. Pero hindi ko na nahanap pa sina Kael at Miss Rodrigo.

“Bayaran mo na, alis na tayo,” sabi ko at tumingin sa bintana, nagbabakasakaling makita ko si Kael.

“Ano? Nang hindi ko manlang naiinom ‘yong chocolate ko?”

“Sige, ikaw na bahala diyan. Alis na ako,” sabi ko at nagmadaling umalis para hanapin si Kael.

Malakas talaga ang kutob ko na may something nga sila. At baka nagkita sila kasi gusto ni Miss Rodrigo na magkabalikan sila!

“Saan na kasi ang lalaking ‘yon.”

“Looking for me?” tanong ng pamilyar na boses na kaagad kong nilingon.

Tumambad sa akin ang blangko niyang mukha at malalamig na titig. Parang nagsitayuan ang mga balahibo ko.

“Asa ka. Hinahanap ko bestfriend ko ‘no,” sabi ko at tumingin sa ibang direksyon.

“You just left her, remember?”

Napakagat ako ng labi dahil ‘di alam ang sasabihin. Alam niyang sinusundan ko siya. Baka isipin niyang secret admirer niya ako at inii-stalk ko siya.

“Hindi kaya,” sabi ko at kunwaring nakita ko si Saffie, “There she is. Maiwan na kita, Mr. Kael.”

Pero, nakakaisang hakbang pa lang ako nang hawakan niya ang braso ko at hinila ako paharap sa kaniya. Nakita ko na naman ang malamig niyang mga mata na nagpakaba sa’kin.

“You’re not going anywhere, love,” malamig niyang sabi sabay higit sa’kin papalapit, “may gagawin tayo.”

Napalunok ako ng wala sa oras, pero parang natuyo ang lalamunan ko. Hindi ko alam kong saan ibabaling ang mga mata ko. Sobrang lakas ng kabog ng dibdib ko, na parang nagpa-panic sa nangyayari.

“Teka nga,” sabi ko at tinulak siya nang malakas, “anong love pinagsasasabi mo? Adik ka ba?”

Wala siyang reaksyon sa ginawa ko kaya lalo akong kinabahan.

Anong gagawin niya sa’kin?!

“You’ve signed the contract, Calla,” sabi ni Kael sabay tingin sa kamay nitong pinaglalaruan ang mga daliri, “And you must do it. Starting now…”