Chapter Four

MALALIM na ang gabi, ngunit nanatili pa ring gising si Cassandra; hindi siya dalawin ng antok. Nagpasya siyang lumabas ng kanyang silid at nagtungo sa balcony. Umihip ang malakas na hangin at humampas sa kanyang buhok.

Napatingin siya sa labas ng mansyon at tiningnan ang mga bantay. Kung dati ay isang katirba ang nakapaligid sa buong mansyon, ngayon ay mabibilang na sa daliri ang mga bodyguards na nagbabantay sa kaniya. Pakiramdam niya, naging maaliwalas ito sa kanyang paningin. Meron din naman palang magandang idinulot ang mga ginawa ni Christopher sa pagtanggal ng ibang bodyguards na may mga criminal records. Hindi niya maitatangi na ang lahat ng karangyaan na kanyang tinatamasa ngayon ay dahil na rin sa baril at bala. Ngunit, hindi niya pa rin matanggap ang pagkawala ng kanyang mga magulang. Sa kabila ng magandang buhay na meron siya ngayon, ang kapalit ay ang buhay ng kanyang mga magulang. Nangako siya sa kanyang sarili na bibigyan niya ng hustisya ang pagkawala ng kanyang mga magulang.

Saglit siyang napahinto sa kanyang pagmuni-muni nang maramdaman niyang may taong nakatayo sa kanyang likuran. Lumingon siya upang tingnan kung sino ang aninong nasa likuran. Napataas ang kilay niya nang makita niyang si Christopher na pinagmamasdan siya.

"Gising ka pa rin pala," sabi nito.

"Oh, bakit? Bawal ba? Pati ba ang pagtulog kailangan may permiso galing sa'yo?" inis na sagot niya.

Napatawa ng mahina si Christopher at lumapit sa kanyang tabi at napatingin din sa labas ng mansyon.

"Talaga bang polisopo ka?" natatawang sabi nito sa kaniya.

"Depende sa kausap ko," mataray na sagot niya kay Christopher.

Muling napatawa ng mahina si Christopher sa kanyang mga sinabi at napailing na lamang, na lalong nagdudulot ng matinding pagkainis kay Cassandra.

Hinawakan ni Christopher ang kanyang braso at hinila ito papalapit sa kaniya, na ikinabigla ni Cassandra. Parang may kung anong kuryente ang gumagapang sa kanyang katawan nang hawakan ni Christopher ang kanyang kamay. May kinuha siyang bracelet sa kanyang bulsa at isinuot ito kay Cassandra.

"What is this?" itinaas niya ang kanyang braso at pinagmasdan ang bracelet. Ang strap nito ay gawa sa isang plastic rubber band na kulay itim. Meron itong malaking bilog na katulad ng wristwatch. May pinindot sa bandang gilid si Christopher dahilan upang magkaroon ito ng kulay.

"I have that kind too. It's a device that I can easily track you. Kung saan ka pumupunta, and aside from that, malalaman ko kung nasa panganib ka."

Tiningnan ni Cassandra ang bracelet na isinuot ni Christopher. Ibig sabihin nito ay bawat galaw niya ay malalaman ni Christopher. Mas lalo niyang nararamdaman na masyado na siyang nasasakal sa mga ginagawa sa kanya ng lalaking ito.

"I will explain to you." Muli niyang hinawakan ang braso ni Cassandra at ipinaliwanag sa kanya ang ibig sabihin ng mga ilaw na lalabas sa device na ikinabit sa kanya.

"It will always color green, meaning you are safe. The yellow one is like a map that I can track you kung nasaan ka, and this red light means that your life is in danger. Anyone who will attract you, it turns to red color."

Pakiramdam ni Cassandra, lalong nagiging masikip ang kanyang mundo dahil sa Christopher na'to. Daig niya ang nasa panahon ng Martial Law. Bawat galaw niya ay kailangan nakareport sa kaniya. She's fine without him. Hindi niya kailangan ang isang bodyguard na tulad niya; pakiramdam niya limitado ang lahat ng kanyang gagawin.

Walang sinuman ang nagsasabi o mag-uutos ng kanyang mga gagawin. Bodyguard lang siya at hindi niya trabaho ang kontrolin ang bawat galaw at buhay niya. Kailangan makaisip siya ng paraan kung paano paaalisin sa buhay niya ang pakialamerong bodyguard na'to.