Chapter 5

Dylan's Pov.

Napapailing na pumasok ako sa kwarto ko dito sa office para kumuha ng pera. Hindi ko akalain na luluhod ang maingay na babaeng 'yon sa harapan ko. Mukhang kelangan nga niya ng trabaho. Pero sa tingin ko ay hindi siya pasado bilang assistant ko.

She's too annoying.

Ayaw ko sa lahat iyong maingay.

Tsk!

She's a college graduate and an editor of the magazine tapos mag-apply siya bilang assistant.

Unbelievable!

Kumuha na lang ako ng pera sa wallet ko. Sampung libo ang kinuha ko bago naglakad papunta sa pinto.

"Hello, nay," rinig ko pa nang buksan ko ang pinto ng kuwarto ko.

Napatingin ako sa may pintuan palabas ng office ko. Nakasandal siya doon habang may kausap sa cellphone at nakayuko.

Tiningnan ko lang siya habang tahimik na naglakad ako papunta sa table ko.

"Nay, pasensiya na po, ah. Hindi pa ako nakahanap ng pera na maipadala riyan eh," sabi pa nito sa kausap.

Nakatingin lang ako sa kaniya. Halatang problemado talaga siya base sa mukha niya.

"Kasi po n-nag resign ako sa pinagtrabahuan ko, nay. Mahabang istorya po pero naghahanap na po ako ng trabaho. Kaya lang po wala pa akong nahanap. Kaya wala akong maipadala riyan," halata ang pagpipigil ng emosyong sabi pa niya.

Nakaramdam ako ng awa habang nakatingin sa kaniya. Napabuntong-hininga na lang ako. Kaya pala gano'n na lamang siyang magmakaawa para lang tanggapin ko.

Am I that bad?

"'Wag kang mag-alala, inay, hindi po ako hihinto sa paghanap ng trabaho para makapadala ako riyan. Ilan na po ba ang bill niyo sa hospital?" mahinang tanong pa nito.

Bill sa hospital?

"Gano'n po ba? Sige, sikapin ko po makahanap ng trabaho ngayon para makabale ako. Sige po. Ikamusta mo na lang ako kay bunso. Mag-ingat po kayo, inay. Hmm. Ayos lang po ako. Ako pa! Malakas kaya 'to! Sige po, bye." Ibinaba ang tawag.

Nakita ko pang pilit siyang ngumiti bago bumuntong-hininga. I sighed heavily.

Napapailing na lang ako. Halata namang hindi siya okay sa ganiyang lagay.

Tsk!

Nakita ko pang napapunas siya sa mata bago tumalikod at binuksan ang pinto.

Akmang lalabas na siya nang magsalita ako dahilan upang mapatigil siya.

"Come here," kaswal na sabi ko habang prenteng nakasandal sa swivel chair ko.

Hindi siya kumilos at nanatiling nakatalikod.

"A-ah, aalis na po ako. Maghahanap pa ako ng trabaho eh," sabi nito bago lumabas.

"I said, come here!" sigaw ko kaya napatigil na naman siya.

So stubborn.

Para naman siyang natakot at dahan-dahang bumalik at nakayukong tumayo sa harapan ko.

Silly girl!

"Put your resume here." Turo ko sa ibabaw ng mesa.

Takang nag-angat siya ng tingin sa akin psh!

"B-bakit naman? Sabi mo hindi mo ako––"

"Don't talk too much. Just follow what I've said,” putol ko sa kaniya.

"Sungit!" mahinang bulong pa niya.

Agad na itong sumunod kaya inabot ko sa kaniya ang perang nasa mesa ko.

Nanlaki pa ang mata niyang napatingin sa akin.

Psh!

"Get this,"

"Po? B-bakit mo naman ako bibigyan ng pera––?"

"I said, don't talk too much. Get this," seryusong sabi ko.

Napalunok pa siya sabay abot ng perang inabot ko sa kaniya.

Binilang pa niya ang pera sa harap ko at nakita ko ang pagsilay ng ngiti sa labi niya.

I look away. She's quite attractive to be honest.

Napapailing na lang ako.

"Ito po ba ang unang sahod ko?" nakangiting tanong pa nito.

Silly girl!

"Tsk! Wala pa akong sinabing tanggap ka na. Hindi ka pa nagsisimula, sahod agad?" balik tanong ko.

Nahihiyang ngumiti na lang siya sabay kamot.

Well… cute.

"A-ah, ibabalik ko na lang. Hindi pala ako tanggap eh. Sinasayang mo lang ang oras ko," sabi pa niya sabay balik ng pera.

Bahagya akong natigilan dahil sa sinabi nito. Sinasayang ko ang oras niya? Ako pa talaga?

Unbelievable!

"What did you say? Hindi ba't ikaw ang nagsasayang ng oras ko?" kunot-noong tanong ko.

Mabilis niyang binawi ang resume niya bago tumalikod.

"Eh, 'di aalis na lang ako!" masungit na sabi niya.

What the!

Kaya siguro walang tumatanggap sa babaeng ito dahil sa kaniyang ugali. Naghahanap ba talaga 'to ng trabaho?

"Are you insane?"

"Che! Hindi ako baliw! Ikaw ang baliw! Hindi kita maintindihan! Pinapalagay mo sa mesa mo ang resume ko tapos binigyan mo ako ng pera. Tapos sasabihin mong hindi pa ako tanggap! Abay sira ka pala, eh!" mabilis at maangas na sabi pa nito.

"What the..." tanging naibulalas ko habang nakatingin sa kaniya.

Sinamaan pa ako ng tingin.

Unbelievable!