Chapter 3

Zara’s POV

Hindi ko mapigilang ngumiti dahil sa ginagawa ni Fletcher. Hindi ko alam na may ganito pala siyang ugali dahil sa pagkakaalam ko ay para siyang bato dahil sa wala itong reaksiyon lagi. Dumagdag pa na blangko lagi ang ekspresyon nito at hindi mo talaga mabasa kung ano iniisip o nararamdaman niya.

Magkaibang-magkaiba talaga sila ni Felix… Napakaexpressive lagi ni Felix at agad mong mapapansin kung ano ang mali sa kaniya. Iyon lang, ‘di ko napansin na lolokohin niya lang pala ako.

Nalasahan ko ang pait sa aking panlasa. Nararamdaman kong babagsak ulit ang aking mga luha kaya pinilig ko ang ulo ko at umiling-iling upang mawala iyon sa isipan ko. Naglakad ako paunti-unti sa pintuan ng bahay ko…

Nang maipasok ko ang susi sa doorknob ay nagtaka ako na magaan ito na parang bukas ang p***o. Sumikdo ang aking dibdib. Pa’no kung may nakapasok na magnanakaw?

Dahan-dahan kong ipinihit ang p***o upang silipin kung sino ang nakapasok sa bahay ko.

Nang tuluyan kong buksan at nakita kung sino iyon ay napakuyom ang aking kamay. Naging matalas ang aking tingin.

Sa aking dibdib ay naglalagabgab ang aking galit at gustong-gusto ko siyang tupukin hanggang magkapira-piraso siya. Gusto ko siyang murahin, saktan sa paraang habang-buhay niyang pagdudusahan. Pero sa aking nagniningas na galit ay katawa-tawang humahalo roon ang ilang karayom na nakaturok sa aking puso. Ramdam na ramdam ko ang pait ng pagtataksil niya, dumagdag pa ang mga tanong na nagsisirkulo sa aking isipan.

‘Pa’no niya nagawa sa akin iyon?’

‘Bakit niya iyon ginawa?’

‘Minahal niya ba talaga ako?’

Mga tanong na sa pagkagat ng dilim ay kumukutkot sa aking tiwala sa sarili.

Tumitig siya sa akin. Ang kaniyang mga mata ay nagsusumamo at nangungusap. Mapapansing namumula ito at namamaga dahil sa pag-iyak.

Sa lahat ng bahagi ng kaniyang katawan ang kaniyang mga mata ang pinakagusto kong tingnan dahil sa kakaibang kislap nito lalo na kung ngumingiti siya. Pero ngayon…

Gustong-gusto ko itong dukutin dahil pinagugulo niya ang sistema ko.

 "Anong ginagawa mo dito?" Pigil na galit na tanong ko.

Iniunat niya ang kaniyang kamay na parang aabutin niya ako. Umatras ako ng ilang hakbang.

“Huwag kang lalapit sa ‘kin!” Buong lakas kung sigaw sa kaniya. Nandidiri akong tumingin sa mga kamay niya parang may nakakahawang sakit siya. Nakita ko na parang nasaktan siya naging kilos ko at wala siyang nagawa kundi bawiin ang kaniyang kamay.

“L-love… I can expla--” Hindi ko siya pinatapos sa pagsasalita.

Tumawa ako nang pagak. “Explain what? Na aksidente lang ‘yon? O dapat, ‘di ko ‘yon nakita? HA? GANO’N BA FELIX?” Hinuli niya ang kamay ko dahilan para marahas ko siyang maitulak. “WAG NA WAG MO AKONG HAHAWAKAN! NANDIDIRI AKO SA’YO!!! NAPAKABABOY MO!! KINAMUMUHIAN KITA!!!” Humihingal kong saad sa kaniya. Nandidilim ang paningin ko at sumasakip ang aking dibdib.

“P-please let me explain… Please…” Lumuluha siyang lumuhod sa harapan ko. Ang puso ko ay kumikirot sa kalagayan niya.

Hinawakan niya ang binti ko at mahigpit na yumakap akin. "Z-zara… L-love… I'm sorry. Hindi ko talaga sinasadya ang mga nangyari…”

Mapait akong natawa. Hindi daw niya sinadya iyon? Wow! Napailing-iling ako dahil ‘di ako makapaniwala sa mga salitang lumalabas sa kaniyang bibig.

“P-pa’no naging aksidente ‘yon, Felix? Ha? Pa’no?”

“Pinagsamantalahan niya ako… M-may kung ano siyang inilagay sa inumin ko… K-kaya nagawa ko ’yon. Nawalan ako ng kontrol…P-please, Love maniwala ka sa ‘kin. Please…  Please, Zara... Forgive me..."

Mapakla akong tumawa. “Napakagaling mong gumawa ng kwento, Felix… Pwede ka nang maging scriptwriter sa sobrang galing mo.” Pumalpak pa ako sa pagkabilib sa kaniya.  

Ibang klase siya. Huling-huli ko na nga siyang nakikipaghalikan sa babaeng ‘yon tapos gagawa pa siya ng kwento? Ang lala niya!  Sa halos tatlong taon naming pagsasama, hindi ko alam na may ganito pala talaga siyang parte ng pagkatao. Napakadesente niya sa pagkakakilala ko. Kapag nag-aaway kami siya lagi ang laging gagawa ng paraan para magkaayos kami. Halos wala na akong ibang hilingin dahil lahat nasa kaniya na, pero ang hindi ko pala alam na ang halos perpekto niyang pagkatao ay ‘di lang pala para sa ‘kin.

Umiling-iling siya ang mga basang mga mata ay nagsusumamo.

“H-hindi ako nagsisinungaling, Zara… Please, maniwala ka naman… Wala ka ba talagang tiwala sa akin?”

“Felix, naririnig mo ba ang sarili mo? Malaki ang tiwala ko sa’yo pero gumuho iyon dahil sa ginawa mo… H-hindi mo alam kung ga’no kasakit ‘yun para sa ‘kin… ‘Yung taong ilan taon mong pinagkatiwalaan ay niloko ka na lang ng basta-basta… Anong gusto mong gawin ko? Magbulag-bulagan? Magkunwari na hindi ko ‘yun nakita Felix? ‘yun ba ang gusto mong gawin ko? H-ha? H-hindi mo alam ang mga pagkwestiyon ko sa sarili ko dahil sa ginawa mo Felix… H-hindi mo alam ‘yun…”

Sa tingin niya napakadali lang na patawarin ang ginawa niya? Hindi ako tanga para kalimutan lahat ‘yun…

‘Yung mga labi niyang nagsabi ng mahal niya ako at humalik sa akin ay hayon tumitikim sa putahe ng iba. Hinding-hindi ko ‘yun makakalimutan at mapapatawad. May gana pa siyang ipasa ang pagkakamali sa babae na kung sa katunayan ay siya naman talaga ay may malaking pagkakamali. Pumatol siya sa ibang babae kahit may nobya na siya. Tapos kitang-kita ko naman na nag-enjoy siya. Mas ganadong-ganado nga siya sa ginagawa niya eh.

“She seduced me!”

“Wow, galing mo talagang magpalusot. Ibinunton mo ang sisi sa babae na parang hindi ka nag-enjoy. Sa nakita ko kagabi, grabe para kang nakalayang hayop na hayok na hayok!!! Ako pa talaga ang pinagloloko mo! Mababawasan sana ang kasalanan mo kung mas naging honest ka eh."

Umiling-iling siya habang tumutulo ang mga luha. Tinatanggal ko ang pagpulupot ng mga daliri niya, kapag mas hinihigpitan niya ay kinukurot ko.

 "Bitiwan mo nga ako! Nandidiri ako sa 'yo!!! Wala na tayo Felix!!! Gustong-gusto mo ‘yun diba? EH DI MAG-ENJOY KA KASAMA SIYA!!! Don't worry, nasarapan naman ako sa kambal mo. Buti pa 'yon mas worth-it kaysa sa 'yo!!!" Peke akong ngumiti.

 Doon na siya nawalan ng lakas at dumausdos ang kamay. Kumurap-kurap ang mga mata niya at ‘di makapaniwalang tumingin sa ‘kin.

“W-what do you mean?”

Ngumisi ako. Sa kagustuhan kong suklian siya ng sakit ay nagamit ko ang pangalan ng kakambal niya kahit walang katotohanan.

“Sinalo niya ‘ko, Felix dahil dakila kang cheater. Kung nag-enjoy ka kagabi, siyempre ako rin. Galing nga ng kakambal mo.”

Malakas ko siyang tinulak, dahil na rin sa panghihina nito ay kaagad ko siyang naitulak sa labas. Malakas niyang kinatok ang p***o nang ilang beses.

“Zara! Please, mag-usap tayo. Zara!!”

Sa nakasarang p***o ay nanghihina akong dumausdos at umupo sa sahig habang tahimik na humihikbi…