CHAPTER 16: UNACCEPTABLE CONDITION

Nagsalin ng alak sa baso ang binata at naalala ang nangyaring drag racing sa pagitan nila ni Archie. Hinawakan niyang mabuti ang kanyang manibela at tinapakan ang accelerator ng kanyang sasakyan matapos niyang makita ang pagbaba ng flaglet. Muli siyang pinagpawisan ng malamig at nakita ang isang nakakatakot na pangitain ng siya ay maaksidente. Nagpaikut-ikot ang kanyang kotse sa kalsada at sumalpok siya sa isang sementadong harang. Hinding hindi siya maaaring maaksidente sa pangalawang pagkakataon habang nasa alangain ang buhay ni Gretel.

Muling nangarap si Anton ng kasal sa hinaharap dahil kay Gretel.

“Gretel! Whew, bakit ba ang rupok mo, Anton?” Lumabas si Anton at naglakad-lakad. Pagtapat sa unang bahay ay tinawag si Gretchen. “Gretel! Gretel! Gretel! Lumabas ka diyan at kausapin mo ako. Harapin mo ako!”

“Hello, Tony.” Nasa taas ito ng terrace.

“Halika rito. Lumabas ka diyan at harapin mo ako.” Pasuray-suray na ang lalaki sa dami ng nainom. Mukhang hinahamon nito ng away ang babae