CHAPTER TEN

"HAY D'yos ko! Anak talaga ng tipaklong oh. Ano na naman bang kakainin ko ngayon?"

Pabagsak kong isinara ang pinto ng ref ko nang walang makitang pagkain roon. Kagabi pa walang laman ang sikmura ko. Nitong mga nakaraang araw naman ay panay itlog, sardinas at noodles nalang ang kinakain ko.

Kinuha ko ang wallet ko para tingnan kung may nasingit pa ba akong barya doon pero halos maiyak na ako nang makitang ni limang piso nga ay wala ako.

"Grabe namang kahirapan 'tong nararanasan ko ngayon! Kailan ba ako yayaman? Kailan ko ba mararanasang kumain ng tatlong beses sa isang araw-"

"Pag bumalik kana sa inyo."

Nakakunot ang noo kong napalingon sa likod ko. At ganoon na lang ang pagtikwas ng kilay ko nang makitang ang magaling kong pinsan na si Rusty ang nakapamewang na nakasandal sa hamba ng pintuan ko.

"Anong ginagawa mo dito Rusty the monkey? As far as I can remember, hindi kita tinawagan at mas lalong wala akong utang sayo."

Isa isa kong pinulot ang mga nagkalat na damit ko sa sahig at