Chapter 94

February 14, 2023. Araw ng martes. Dahil hindi naman talaga naranasan ni Marion na mag-celebrate ng Valentines day bilang isang maybahay ni Seojun noong nakaraang taon, hindi siya nag-expect ng kahit ano. Pero nang mapansin niya ang maliit at kulay puti na envelope sa ibabaw ng side table, isang imbitasyon para sa isang dinner date ang huling bagay na nasa utak niya. Kahit kasi mag-asawa na sila, natutulog sa iisang kuwarto at kama, hindi sila intimate sa isa’t isa… Inakala niyang ganoon talaga kapag may anak na.

“T-tayong dalawa lang ba rito?” Hindi niya mapigilan ang pagguhit ng matamis na ngiti sa kaniyang mukha. “Wala si Dad o ang mga bata?”

“Oo naman. Para satin lang iyan.” Kakalabas lang ni Seojun sa banyo kaya naaamoy niya ang ginamit nitong shampoo sa loob ng kanilang silid. “Nakapagpaalam na ko sa Daddy mo. Ang sabi niya, siya na ang bahala sa mga bata habang wala tayo.”

Sumingkit ang kaniyang mga mata dahil pakiramdam niya, may ‘catch’ iyon sa dulo at