Chapter 96

Pakiramdam ni Seojun, masyadong kaswal ang relasyon nilang mag-asawa. Paminsan-minsan, nagagawa niya itong halikan sa noo o hawakan ito sa kamay. Pero bukod doon, wala na. Alam naman niyang mas marami ang ginagawa ni Marion kaysa sa kaniya. Nagbibigay din ito ng oras kay Eclaire at EJ kaya kung sakali man na mauna itong matulog, hindi na siya nagrereklamo.

Lalaki siya… May pangangailangang pisikal… Pero kahit mahigit isang taon na silang kasal ng asawa, hindi niya ito hinawakan nang walang permiso mula rito. Naiintindihan niya na kakaiba talaga ang takbo ng utak ng asawa niya. Kung para sa iba, madali lang na mahulog ang loob sa isang tao na palaging nakakasama, hindi ganoon si Marion. Masyado itong lohikal kung mag-isip kaya naman nahihirapan itong iproseso ang konsepto ng romance. Kagaya nga ng palagi nitong sinasabi, lahat ng mabubulaklak na mga salita na kayang sabihin ng isang manliligaw, nabasa na niya. Wala nang ‘kilig’ na hatid iyon sa kaniya.

“Oo nga pala… N