Chapter 2

Matapos kaming kumain, agad kaming bumalik ni Amarah sa kanyang kuwarto upang ipagpatuloy ang aming ginagawa.

Bago tuluyang makapasok sa loob, napalingon pa ako sa dining area. Hindi ko alam kung bakit, pero muli kong sinulyapan ang daddy ni Amarah.

Nagulat ako nang makitang nakatingin din s'ya sa akin. Nagtama ang aming mga mata. Agad akong umiwas ng tingin at mabilis na naglakad papasok ng kuwarto.

Hindi ko maintindihan kung bakit, pero parang may kakaiba sa mga tingin niya ngayong gabi. Pilit ko iyong isinantabi at sinabihan ang sarili na baka nag-iisip lang ako ng kung anu-ano.

Pagkapasok namin sa kuwarto, agad naming ipinagpatuloy ang paggawa ng presentation para sa reporting namin. Unang araw pa lang ng klase, reporting agad ang ibinigay sa amin.

Habang abala ako sa pagta-type sa laptop, bigla akong tinawag ni Amarah. "Athena." "Hmm? Bakit?" tanong ko nang hindi inaalis ang tingin sa screen. Napansin kong nakatitig siya sa akin nang may pagtataka.

"Bakit mo pala hindi sinasagot si Marco?"

Napalingon ako sa kanya.

"Si Marco?" ulit ko. Tumango siya.

"Oo. Halata namang gusto ka no'n. Kanina pa nga nakatingin sa'yo sa classroom."

Napabuntong-hininga ako.

"Hindi ko kasi siya type." "Ha? Gwapo kaya no'n!" reklamo n'ya. Napangiti ako at umiling. "Ewan ko. Hindi ko talaga gusto."

"Kung gano'n, ano bang tipo mo?" usisa n'ya. Sandali akong nag-isip bago sumagot.

"Gusto ko kasi 'yung mas mature... 'yung mas matanda sa akin."

Nanlaki agad ang kanyang mga mata.

"Gaano katanda?" Napatawa ako sa reaksyon n'ya. "Basta mas matanda. 'Yung tipong alam na kung ano ang gusto sa buhay at may sense kausap."

"Sus! Kaya pala hindi mo pinapansin ang mga manliligaw mo rito sa school," natatawang sabi n'ya.

Napailing na lamang ako at muling ibinalik ang atensyon sa laptop. Ngunit hindi ko alam kung bakit, sa mismong sandaling iyon, isang pamilyar na mukha ang biglang sumagi sa isip ko. At 'yon ang lalong ikinagulo ng aking isipan.

Nang matapos namin ang presentation, pareho na kaming nahiga ni Amarah sa kanyang kama. Pagod na rin kami sa buong araw na klase kaya balak na sana naming matulog.

Tahimik na sana ang buong silid nang bigla siyang nagsalita. "Athena, pwede bang may favor akong hihingin?" Napalingon ako sa kanya at agad na nagtaka sa tono ng boses n'ya. "Ano na naman 'yan? Baka isa na naman 'yan sa mga kalokohan mo, Amarah. Patay tayo sa daddy mo kapag nalaman niya," mahabang sabi ko.

Ngumiti siya nang alanganin. "Monthsary kasi namin ni Jay bukas." Agad akong napaupo at tinitigan s'ya. "Tapos?" tanong ko habang nakataas ang isang kilay.

Lalo pang lumawak ang kanyang ngiti, dahilan para kabahan ako.

"Kasi... nagpaalam ako kay daddy kahapon. Sinabi kong sa inyo ako matutulog bukas."

Naningkit ang mga mata ko. "At?" "Pero ang totoo..." bahagya siyang napatawa. "Sa condo talaga ni Jay ako pupunta."

Napahilamos ako ng mukha sa narinig.

"Naku, Amarah naman!" "Ano ba? Monthsary lang naman namin." "Monthsary? Kaya magsisinungaling ka sa daddy mo?" sita ko.

Napasimangot siya at yumakap sa unan.

"Hindi naman kasi ako papayagan ni daddy kapag sinabi ko ang totoo." "Natural! Kaya nga hindi ka pinapayagan." "Please na, Althea." Umiling ako. "Ayaw ko ngang madamay sa mga kalokohan mo."

Umusog siya palapit sa akin at pinagdikit ang mga palad na parang nagmamakaawa.

"Isang gabi lang. Kapag tinawagan ka ni daddy, sabihin mo lang na nasa inyo ako."

Napabuntong-hininga ako.

Hindi ko alam kung ano ang mas nakakatakot—ang pagsisinungaling sa daddy niya o ang posibleng mangyari kapag nalaman nitong kasabwat ako.

"Amarah..." babala ko. Ngunit sa nakikita kong pamilyar na pakiusap sa kanyang mga mata, alam kong hindi siya titigil hangga't hindi niya nakukuha ang gusto n'ya. At iyon ang mas lalong nagpapasakit ng ulo ko.

"Makikipag-sex ka lang doon, eh?" sabi ko habang nakataas ang isang kilay at pinagdududahan ang kanyang mga sinasabi. Agad siyang napaiwas ng tingin at napakamot sa batok. "Natural lang naman 'yon sa magkasintahan," depensa n'ya.

Mas lalo ko siyang pinagmasdan.

"Amarah... "

Ano ba?" reklamo n'ya. Napabuntong-hininga siya bago niyakap ang kanyang unan. "Ilang linggo na rin kasi kaming hindi nagsesex ni Jay. Siyempre gusto rin naming makapag-spend ng time sa monthsarry Namin nang kami lang."

Hindi ako agad nakasagot.

Kung titingnan si Amarah, iisipin mong napakainosente niyang babae. Palagi siyang masayahin, makulit, at parang walang iniisip na problema sa buhay.

Pero habang tumatagal, mas lalo kong nakikitang marami rin pala siyang itinatagong sikreto. "Kahit na," sabi ko. "Hindi pa rin tama na magsinungaling ka sa daddy mo." Napasimangot s'ya. "Alam ko naman." "Eh bakit mo pa ginagawa?"

"Dahil hindi niya ako papayagan."

Napailing na lamang ako.

Mahal na mahal ni Amarah ang kanyang ama, at alam kong ganoon din ito sa kanya. Kaya alam kong hindi magugustuhan ng daddy niya ang planong ito. "Please, Althea," muling pakiusap niya. "Isang gabi lang naman."

Tinitigan ko siya nang matagal bago napabuntong-hininga. Talagang marunong mangulit ang babaeng ito. At sa paraan ng pagngiti niya sa akin, pakiramdam ko ay matagal na niyang alam na mahihirapan akong tanggihan s'ya. "Bahala ka na nga," sabi ko habang napapailing.

Wala na rin naman akong magagawa. Kilala ko si Amarah. Kapag may naisip na itong plano, mahirap na iyong pigilan.

Agad namang lumiwanag ang kanyang mukha.

"Salamat, Athena! Excited na ako para bukas!" masaya niyang sabi habang yakap ang unan. Napatingin ako sa kanya nang may hinala. "Excited sa ano?" tanong ko habang nakapikit ang isang mata.

Nanlaki ang kanyang mga mata bago siya kunwaring inosente. "Ha? Wala!" "Amarah..."

Napatawa siya nang mahina. "Excited lang akong makita si Jay." "Talaga lang?" duda kong tanong. Tumalikod siya sa akin at niyakap nang mahigpit ang unan.

"Huwag mo na nga akong tanungin."

Napailing na lamang ako habang pinagmamasdan ang kanyang likod.

"Ikaw talaga. Kapag nalaman ito ng daddy mo, pareho tayong lagot." Natawa s'ya.

"Hindi malalaman ni Papa."

"Sigurado ka?"

"Oo naman." Napabuntong-hininga ako.

Hindi ko alam kung saan nanggagaling ang kumpiyansa niya, pero may kutob akong hindi magiging ganoon kadali ang lahat.

At kung may isang taong hindi madaling lokohin, iyon ay ang daddy ni Amarah.

Sa isip pa lamang na baka madamay ako kapag nabuking ang plano n'ya, nagsisimula na akong kabahan.

Samantalang si Amarah naman ay halatang masayang-masaya at hindi na halos mapakali sa paghihintay sa susunod na araw.