Chapter 1

Huminga ng malalim si Kate bago siya pumasok sa malaking bahay kung saan siya nakatira. This place was her home for the past seven years of her life buhat nung ikasal siya kay Aiden Buenavista. 

Kakagaling lang niya sa probinsya dahil dinalaw niya ang kanyang Lola Bien na may sakit at nanatili siya doon ng dalawang buwan dahil gusto niyang makasama ang kanyang lola. 

Hindi na niya isinama si Pauleen dahil maiinip lang ito doon at hindi naman ito sanay sa buhay probinsya. Oo nga at hacienda ang lugar kung saan nandoon ang kabuhayan ng mga Hidalgo pero natitiyak niyang hindi ito magugustuhan ng kanyang anak kaya naman inihabilin niya muna ito kay Manang Siony

“Nandyan ka na pala!” sabi ni Manang Siony saka nito kinuha ang mga gamit niya

“Kamusta po kayo dito Manang?” tanong ni Kate at ngumiti naman ito 

“Ayos lang kami dito, iha! Kung may problema naman, itatawag ko agad sa iyo!” sabi pa niya kay Kate

“Si Aiden po, umuuwi naman ba?” 

Tumango naman si Manang kaya napanatag naman si Kate na may nakakasama si Pauleen habang wala siya dito ng dalawang buwan

“Nasaan po si Pauleen?” tanong niyang muli dahil miss na niya ang kanyang anak

“Nasa kwarto niya, iha!”

Mabait si Manang Siony at hindi naman lingid sa kaalaman niya ang kalagayan ng mag-asawa. Bagong kasal pa lang sila noon ay siya na ang kasama nila dito kaya naman nakikita niya kung ano ang pinagdadaanan ni Kate sa araw-araw.

Palagi na lang siyang pinapayuhan nito na balang araw, makikita din ni Aiden ang halaga niya. And she will just smile kahit pa wala na siyang nakakapang pag-asa sa puso niya na maayos pa silang mag-asawa.

Siguro, pagod na din siyang umasa.

“Pupuntahan ko lang po si Pauleen.” sa wakas ay sabi ni Kate saka siya pumihit para umakyat sa hagdan at puntahan ang kanyang anak

Kumatok siya sa pinto at nung nagsalita ang anak niya ay pinihit niya ang seradura at pumasok na siya sa pinto.

“Pauleen, Mommy’s here!” aniya pero nilingon lang siya ng kanyang anak at bumalik muli sa kanyang ginagawa

Halos mapaiyak na si Kate sa nakikita niya sa kanyang anak! Maaring matiis niya ang hindi magandang pagtrato sa kanya ni Aiden pero ang makita ang anak niya na lumalaking katulad ng kanyang ama, is way too much for her.

Pero anak niya si Pauleen at hindi niya ito pwedeng sukuan kaya naman nilapitan niya ito at niyakap mula sa kanya likuran.

“Ano ba ang pinagkakaabalahan mo?” tanong niya dito 

Nakita niya na gumagawa si Pauleen ng bracelet na yari sa shells kaya naman napangiti siya dahil nakikita niya ang artistic side ng bata. Bagay na nakuha nito sa kanya.

“I am making a bracelet! Regalo po namin ito ni Daddy kay Tita Charlene!” masayang sabi ni Pauleen at halos hindi nakahinga si Kate sa sinabi ng kanyang anak

“Binili po ni Daddy ang materials nito abroad, Mommy! Pero may ibang gift din po yata si Daddy kay Tita para sa birthday niya. Excited na po akong ibigay kito sa kanya.” 

Huminga ng malalim si Kate at pinigilan  niya ang luhang nagbabadyang pumatak sa kanyang mga mata. 

Sa edad ni Pauleen na anim, hindi man lang ito gumawa ng anything special for her kahit pa alam nito na birthday niya. There was no celebration kaya naman twing birthday niya, umuuwi na lang sila ni Pauleen sa bahay ng parents niya. 

And in  those seven years, never na nagpunta si Aiden sa birthday celebration niya. He must really hate her birthday!

“Ganun ba? I am sure, magugustuhan ni Tita Charlene ang regalo mo.” napatingin sa kanya si Pauleen at pumikit-pikit siya para hindi malaglag ang mga luha sa harap ng anak niya

“Okay ka lang, Mommy? Bakit parang sad ka?” tanong nito sa kanya

“Hindi baby! Masaya nga ako kasi nakauwi na ako dahil na-miss kita! Ikaw, na-miss mo ba si Mommy?” tanong niya sa anak niya

“Mmm….sige na Mommy, I have to finish this! Iwan niyo na po ako!” napangiti si Kate ng mapait dahil sa nakikita niya, ni hindi man lang hinanap ng anak niya ang kanyang presensya

“Okay anak! Maliligo lang si Mommy!” paalam niya pero hindi na siya sinagot ng bata dahil nagpatuloy na siya sa paggawa ng bracelet

Ano kaya ang regalo ni Aiden kay Charlene? Hindi niya mapigilang maghinanakit dahil sa tagal nilang mag-asawa, hindi siya nakatanggap ng kahit ano mula dito. Aiden supports the needs of the house pero ang personal na gastos niya ay galing sa sariling kita niya bilang sekretarya ng kanyang father in law sa kumpanya ng mga Buenavista.

Ayaw ni Aiden na magtrabaho siya pero dahil kagustuhan iyon ng kanyang biyenan, at bilang presidente pa rin siya ng kumpanya, walang nagawa si Aiden kaya naman sinabihan siya nito na hindi siya bibigyan ng pera for her personal needs dahil may pera naman siyang kinikita.

At isa yun sa maraming bagay na sinabi at ginawa ni Aiden sa kanya na nagpababa ng kumpyansa niya bilang tao at  bilang babae.

Kilala siya bilang asawa ni Aiden sa kumpanya ng mga Buenavista pero wala siyang nakukuhang paggalang mula sa mga tao dito. Siguro kasi, naniniwala sila sa isang bagay na ibinibintang sa kanya ni Aiden kahit na hindi naman iyon totoo.

Taliwas kay Aiden at sa kapatid niyang si Gianna na palagi siyang pinagsasalitaan, mabait sa kanya ang mga magulang ni Aiden. Lalo na si Madam Armida, ang lola ni Aiden. 

Nathan, her brother in law, ay normal lang naman. They  are of the same age at hindi siya pinakitaan nito ng kagaspangan ng ugali.

Bata pa lang siya, magiliw na sa kanya ang Lola ni Aiden. Madalas siyang isama ng kanyang Daddy sa tahanan ng mga Buenavista at naging kalaro pa nga niya doon si Gianna at si Nathan. Nakakalungkot nga lang na wala na ang Daddy niya dahil kung buhay pa ito, hindi nito hahayaang masaktan siya.

Ang Mommy naman niya, iniwan ang kanyang Daddy noon tatlong gulang palang siya kaya naman ang Lola niya ang nagpalaki sa kanya. 

Pagpasok niya sa kwarto ay agad siyang naligo dahil gusto na din niyang magpahinga. Pagod na din siya sa biyahe lalo at nag-commute lang naman siya paluwas ng siyudad.

After her bath ay tinuyo na niya ang kanyang buhok para makatulog na din siya hanggang sa maalala niyang tawagan si Aiden para ipaalam na nakabalik na siya.

Kahit pa alam niyang wala naman itong pakialam, she still made that call at matagal bago ito sagutin ng kanyang asawa.

“What!?” hindi na nagulat si Kate dahil sanay na siya na ganito ang pakikitungo sa kanya ng lalaking minahal niya eversince she was a teenager

Simpleng crush, puppy love hanggang sa nauwi sa one great love. Kaya nga masaya siya noong ipakasal sila ng kanilang mga magulang at kahit pa alam niyang abot-langit ang galit ni Aiden sa kanya, she still took the chance dahil umasa siya na mapapalambot din niya ang puso ng kanyang asawa.

“Nakabalik na ako.” maiksing saad ni Kate pero tahimik lang naman ang kabilang linya hanggang sa marinig niya ang isang tinig

“Aiden darling, c’mon! The water in the tub is ready!”

And then, naputol na ang linya.