Chapter 2

Ramdam ni Kate ang panginginig ng katawan niya the moment she heard Charlene’s voice in the background. Although aware na siya sa affair ni Aiden sa babaeng ito, hindi niya pa rin maiwasang masaktan. 

Malinaw sa kanya na si Charlene ang priority niya lalo at kinamumuhian siya ni Aiden dahil sa kasalanang hindi naman niya ginawa. 

Kahit ganun si Adam, pinagsilbihan niya ito at naging ulirang asawa siya. She makes it a point na siya ang nag-aasikaso ng pagkain ni Aiden lalo pa at may diet itong sinusunod.She did everything to please him pero bato ang puso ni Adam sa kanya ay kahit pa ganun she still tried her best. She made sure everything na kailangan nito ay naihahanda niya kahit pa nawalan na siya ng pag-asa na magbabago pa ang pakikitungo nito sa kanya.

Bago umuwi si Aiden nakahanda na ang mga gamit niya at ganun din naman pagpasok nito sa umaga. They never share the same bed at buhat nung ipanganak niya si Pauleen, he never touched her. Pero hindi na iniisip ni Kate ang bagay na iyon dahil ang mahalaga, umuuwi sa kanila si Aiden.

Kahit pa si Pauleen na lang ang dahilan ng pag-uwi niya, ipinagpasalamat pa rin ito ni Kate pero hindi pala ito magtatagal.

Pagtuntong ni Pauleen ng three years old ay doon nalaman ni Kate ang tungkol kay Charlene Figueroa. The same year na hindi na halos umuuwi si Aiden sa bahay. Sa isang linggo, dalawa o tatlong beses lang siya nandito para kamustahin ang anak niya. 

Hindi niya alam kung kailan at kung paano ito nakilala ni Aiden pero naging malinaw sa kanya ang affair ng dalawa noong aksidenteng makita niya ang mga ito sa isang hotel.

May meeting sa nasabing hotel ang kanyang father in law at kasama siya nito noong panahon na iyon. Paalis na sila noon at papasok naman si Aiden at ang isang babae na halos magpabuhat na sa kanya habang papasok sa hotel.

Mabuti nalang, hindi ito nakita ng biyenan niya at nung umuwi si Aiden ay agad niya itong tinanong pero nagalit pa ito sa kanya.

“Wala kang karapatang pakialaman ako, Kate! Huwag mong  isipin na porke pinakasalan kita, may say ka na sa buhay ko!” gigil na sagot ni Aiden sa kanya

“Aiden, kasal tayo! Baka naman pwedeng igalang mo iyon dahil pinag-uusapan na tayo ng mga tao lalo at binabalandra mo sa publiko ang babae mo!” paliwanag ni Kate sa kanyang asawa pero pinagtawanan lang siya ni Aiden

“Do you really think I care? Alam ng mga taong sinasabi mo ang dahilan kung bakit kita pinakasalan, Kate! Kaya wala akong pakialam kung pag-usapan nila tayo!” matigas na sagot ni Aiden

“Bakit ba sa akin mo pa rin isinisisi yun, Aiden! Wala naman akong kasalanan dahil biktima lang din ako!” naiiyak na sabi ni Kate

Pero wala ng puwang sa puso ni Aiden ang mga paliwanag niya. For him, Kate is a liar and a cunning woman! And he detest her for that!

“Dahil yun ang totoo, Kate! At habang nabubuhay ako, hinding-hindi kita mapapatawad! Kung hindi lang dahil kay Pauleen, hinding-hindi kita pakakasalan!” 

Hindi na nakapagsalita si Kate matapos niyang marinig ang sinabi ni Aiden. At sa loob ng pitong taon, nasanay na siya at ang puso niya sa pananakit ng asawa.

Emotional stress is far more worse than physical pain. Kung paano niya kinaya, yun ay dahil sa anak niya pero sa nakikita niyang pakikitungo ni Pauleen sa kanya, nawawalan na din siya ng pag-asa!

Limang taon na si Pauleen nung minsang isama ito ni Aiden para mamasyal. Gusto niyang sumama pero hindi ito pumayag at dahil ayaw niyang magalit ito sa kanya, hindi na siya nagpumilit.

At halos gumuho ang mundo niya noong masayang umuwi si Pauleen matapos ang kanilang pamamasyal at bukambibig na niya si Charlene at tinatawag na niya itong Tita.

Sinumbatan niya si Aiden dahil para sa kanya, sobra-sobrang pang-iinsulto na ito sa kanyang pagkatao at sa pagiging ina niya.

Sino bang matinong lalake ang isasama ang anak niya sa lakad na kasama ang kabit niya?

She cried a river lalo nung magkibit-balikat lang si Aiden at sabihing masyado siyang insecure kay Charlene.

Galit na galit siya kay Aiden at kay Charlene at lahat ng iyon ay isinasalaysay niya sa kanyang Lola Bien.

Wala namang magawa ang Lola niya dahil may edad na din ito. Pero isa lang ang sinasabi nito sa kanya at para sa kanya, suntok sa buwan na iyon.

‘Makikita din ni Aiden ang halaga mo’

Naisip niya, hindi siguro! Dahil sa nangyayari ngayon, baka nga hinihintay na lang ni Aiden na mamatay na siya para maging malaya na sila ng babae niya.

Mahirap ang sitwasyon ni Kate lalo na noong magkasakit ang Lola niya. Wala na siyang masabihan ng kanyang mga problema lalo at umalis na din sa bansa ang matalik na kaibigan niyang si Deniz.

Palagi naman itong tumatawag sa kanya at alam niyang malaki na ang galit nito kay Aiden dahil sa mga nababalitaan niyang pagtataksil nito.

She even convinced her to file for annulment pero hindi naman iyon sumagi sa isip ni Kate, not until today na napagod na siya sa kanyang sitwasyon.

Sagad na din ang pang-unawa at pasensya niya kaya naman nag-iisip na siya na gawin ang payo sa kanya ni Deniz.

“Paano ang anak ko?” tanong niya dito noong minsang magkausap sila dahil kahit ganun si Pauleen, anak pa rin niya ito

“Ikaw ang nanay kaya may karapatan ka pa rin sa bata! You can have joint custody, Kate! Uso naman ang co-parenting!” paliwanag sa kanya ni Deniz

Pero natatakot pa rin si Kate na baka gamitin ni Aiden ang pera at impluwensya niya para mawalan siya ng karapatan kay Pauleen kaya naduduwag siyang gawin ang bagay na ito.

Nahilot ni Kate ang sentido niya dahil pakiramdam niya, sumasakit na iyon sa mga bagay na gumugulo sa isip niya.

Bibigay na nga yata siya at mukhang mauuna pa siya sa kanyang Lola Bien. 

Nagpasya na siyang matulog dala na din ng pagod at hindi na niya inisip na balikan si Pauleen para asikasuhin. Alam niyang mali, pero hindi niya maiwasang sumama ang loob sa kanyang anak na nagpapakita ng hindi magandang ugali sa kanya.

Siguro, bukas na lang dahil talagang pagod na siya. 

Naalala niya si Aiden as she closed her eyes at naisip niya na kausapin na ito ng masinsinan bukas tungkol sa annulment ng kasal nila. Masyado ng matagal at kung ito ang paraan para manumbalik ang respeto niya sa kanyang sarili, gagawin niya kahit masakit.

Palalayain na niya si Aiden!

Nagulat nalang siya nung mag-ring ang telepono niya at nung abutin niya ito ay nakita niyang si Aiden ang tumatawag. Ayaw na sana niya itong sagutin pero ginawa pa rin niya lalo at ayaw tumigil sa pagtunog ang telepono niya.

“Bakit ang tagal mong sagutin?” tanong niya dito

“Natutulog na ako!” maiksing sagot niya

“Ihanda mo ang gamit ni Pauleen bukas, ipapasundo ko siya bukas ng umaga! Isang linggo kaming mawawala!” pahayag ni Aiden at alam na ni Kate ang dahilan

Dahil birthday ni Charlene, aalis sila.

“Okay! Yun lang ba?” matabang na sagot niya at nung hindi na sumagot si Aiden, pinatay na niya ang telepono.