Chapter Seven

ILANG ORAS na ang nakalilipas pero wala pa rin naisusulat si Anastasia. Nakatitig lang siya sa screen ng laptop niya. Walang napasok na kahit na anong ideya sa isip niya.

Marahas siyang nagbuntong hininga habang ang mga mata ay nasa screen ng laptop niya.

Dalawang araw na mula noong pumayag si Craig na bigyan siya ng isang buwan para mapabago ang isip nito, pero sa dalawang araw na lumipas palagi namang abala si Craig. Nasasayang ang araw para sa isang buwan na palugit.

Napapiksi siya nang may gustong makipag video call sa online apps niya. Nang makita niya na ang kaibigan niyang si Virginia ang natawag ay agad niya iyong sinagot.

"Kumusta, bruha?" bungad nito nang sagutin niya iyon.

Ipinuwesto niya ang cellphone kung saan malayang makikita ang mukha niya. "Ito buhay pa naman," pabiro niyang sagot.

"Mukhang nangayayat ka ahh. Halos magdadalawang Lingo ka pa lang nandyan, pero ang laki na ng ipinayat mo. Ini-stress ka ba ng asawa mong hilaw?"

Natawa siya sa paraan ng pagtawag nito kay