Chapter 2.

“This is ridiculous Jacob!” sigaw ni Reinna sa pagmumukha ng dati niyang asawa habang kaharap ito sa sala ng mansion ng mga Salazar. Ito ang naging reaksyon niya matapos niyang marinig ang sinabi ng attorney.

Na lahat daw ng mga ari-arian ng mga magulang niya ay mapupunta lahat kay Jacob at sa kanya ni isa ay wala, kahit pa ba na pinaghirapan ito na ipundar ng mga magulang niya.

“Hindi mo ba narinig ang sinabi ng abogado Reinna o baka hindi mo naiintindihan at gusto mo isa-isahin ko pa sa iyo?” ani Jacob at sarkastikong tumawa.

“Buhay pa lang ang ama mo Reinna ay lulong na siya sa utang sa pamilya ko, kay daddy. Pero dahil may share siya sa kumpanya at kaibigan ni dad ay hinayaan lang ito ng ama ko. Hanggang sa namatay na lang ang mga magulang mo ay hindi pa rin nila nagawang bayaran ang mga utang na iyon. Dahil iyon sa bisyo ng iyong ama, babae at sugal sa casino,” ani pa nito sa kanya. “At ngayong sinabi ng doctor na maliit na lang ang chansa na mabuhay si dad at hiwalay na rin naman na tayo ay oras na para maningil,” dagdag pa ni Jacob at ngumisi sa kanya ng nakaka-asar.

“Jacob, please kung totoo man iyang mga sinasabi mo, hayaan mo lang muna ang share ni daddy sa kumpanya mo at ako ang bahala na magpatakbo. Babayaran kita kahit paunti-unti,” pakiusap niya sa lalaki. Hinihiniling na sana ay pumayag ito sa mungkahi niya.

Ngunit umiling lang si Jacob. “No!” matigas nitong sagot at napapatiim bagang na nakatingin sa kanya. “Anong alam mo Reinna? Wala! Wala kang alam sa negosyo. Dahil nga kahit experience sa trabaho ay wala ka, negosyo pa? Ano nga ba ang alam mo? Magluto ng umagahan, tanghalian, at hapunan na wala naman lasa at hindi masarap. Ano pa? Maglinis, maglaba?” mapanuyang sabi nito. “Kahit sa kama ay hindi ka rin magaling at hindi ako satisfied sa ‘yo. Isa pa, look at yourself. Wala pang anak pero lusyang na,” mapanakit na mga salita ni Jacob ang narinig ni Reinna.

Napakuyom ang mga kamao niya sa narinig. Hindi magaling? Pero sarap na sarap naman sa katawan niya ang wakanghiya! Wala na yata talagang magandang salita na lumalabas sa bibig nito para sa kanya. Puro pang-uuyam at pang-iinsulto na lang sa pagkatao niya bilang babae.

Mabuti na lang at nakaalis na ang abogado nito kundi doble-dobleng pagkapahiya sana ang inabot niya sa walang tinik nitong mga dila.

“Go upstairs, pack your things and leave this mansion now!” sigaw pa nito at tinuro ang hagdan paakyat sa taas.

Hindi gumalaw si Reinna kundi napatitig lang siya sa siraulong mukha ni Jacob. Hanggang sa marinig niya ang isang boses na sumigaw sa likod niya.

“Daddy!”

Napalingon bigla si Reinna at nakita niya ang isang dalagitang babae at tinawag na daddy si Jacob. Kasunod nito si Angela, ang babaeng ipinalit ng asawa niya sa kanya. Ang babaeng ahas na tinuring niyang kaibigan. Taas noo na naglalakad ang babae na may matamis na ngiti at lumapit din kay Jacob saka humalik sa labi ng dati niyang asawa mismo sa harapan niya.

“Daddy? Ano ang ibig sabihin nito, Jacob?” naninigkit ang mga matang tanong ni Reinna sa dating asawa. Yes, she know na may kabit ang asawa niya pero hindi niya alam na may anak ito at ganito na kalaki?

“You heard what my daughter called me, right?” And to answer you, yes Jasmine is my daughter. Anak namin ni Angela,” tila proud na sabi ni Jacob kay Reinna.

“Kailan pa Jacob?” nanghihina na tanong ni Reinna.

“Bakit ba kailangan mo pang malaman? Hiwalay na tayo hindi ba? At isa pa hindi ko na kailangan pang sabihin sa iyo lahat. Pero mukhang mas masaya nga naman kung malalaman mo,” wika ni Jacob na mariin siyang pinakatitigan.

“Angela, was 17 years old nang mabuntis ko siya. Pero hindi ko magawang panagutan dahil sa lintik na kasunduan ng daddy ko sa dad mo. Wala rin akong choice kundi itago na muna sila sa publiko. Pero ngayong annulled na tayo, ay hindi ko na sila itatago pa. Lalong-lalo na sa iyo,” wika nito sabay ngisi ng nakakaloko.

“Walanghiya ka, sa lahat ng walanghiya Jacob, alam mo ba iyon? Ni hindi mo man lang nirespeto ang kasal natin noon, kahit iyon man lang sana!” bulyaw niya sa lalaki. Tumawa lang naman ito ng pagak at hinablot siya sa braso nang mahigpit kaya napangiwi si Reinna. Lalo pa at nakaramdam siya ng sakit mula roon.

“Wala na akong panahon pa para magpaliwanag sa iyo my dear ex-wife. What I have said earlier to you, ay lumayas ka na rito ngayon din. So go upstairs, pack your things and leave. Bago pa kita ipakaladkad sa mga bodyguard ko palabas at wala kang madala ni isa sa mga gamit mo!” sigaw ni Jacob sa tainga niya na halos ikabingi niya. Marahas din siya nitong binitawan sa braso kaya nawalan siya ng balanse at natumba sa sahig.

Napapikit sandali si Reinna dahil nakaramdam siya ng sakit sa balakang niya. Hayop na Jacob ‘to walang awa! Mas naging demonyo pa ito ngayon dahil nagawa siyang saktang ng ex-husband niya sa unang pagkakataon.

Pagdilat niya ng mga mata ay nakita niya ang impaktang ngiti ni Angela sa tabi ni Jacob. Tila tuwang-tuwa pa ito sa pang-aalipusta sa kanya ni Jacob.