Chapter 6

"Bakit nga pala nandito kayong tatlo?" tanong ni Hendrick sa mga kaibigan niya. "Sa pagkakaalam ko wala naman akong sakit para dumalaw kayo ngayong araw."

"Na-miss kasi namin si Kate, eh," tugon sa kaniya ni Josh.

"Dude, puwede ba namin siyang isama sa ibang bansa?" pagpapaalam ni Paul sa kaniya. "May business trip kasi kaming tatlo at balak naming isama si Althea. Ang sabi niya kasi sa amin ay hindi pa raw siya nakakarating sa ibang bansa, eh. Kawawa naman 'yong kapatid mo kung hindi niya mararanasan kung gaano kaganda ang mundo."

Tinaasan niya ito ng kilay. "Hindi puwede." Kung makapagsalita ang baliw na 'to akala mo naman ikinukulong niya si Althea sa bahay na 'to.

Hindi niya lang talaga pinapayagan ang babaeng 'yon na umalis sa bahay na 'to na wala ang permiso niya dahil ayaw niya itong mapahamak.

"Bakit? Kaming tatlo naman ang kasama niya kaya hindi siya mapapahamak, Pare," sabad naman ni Rome.

"Pumayag ka na! Isang linggo lang naman, eh," sabay-sabay na usal ng mga kaibigan niy