Chapter 8

Pagkatapos nilang kumain ni Hendrick ay agad siyang nagpahinga sa kuwarto niya. Nakahilata siya habang balot na balot ng kumot ang katawan niya.

Tila ngayon lang umepekto ang pananakit ng buong katawan niya dahil sa pagkakadapa niya kanina.

Mayamaya pa ay nakarinig siya ng mahinang katok pero tinatamad siyang pagbuksan ito ng pinto. Hindi naman kasi naka-lock ang pinto ng kuwarto niya. Isa pa, alam niyang si Hendrick lang naman ang kumakatok.

Napabuntong-hininga siya ng malalim at ipinagdadasal na sana umuwi na si Aling Magda ngayon.

Ang kasambahay kasi nilang iyon ay minsan umuuwi rin kaagad at hindi na hinihintay na dumating pa ang araw ng lunes.

Sana nga umuwi na ito mamaya. Si Aling Magda kasi ay may kaalaman sa paghihilot kaya magpapahilot siya rito dahil pakiramdam niya ay napilayan siya.

"Althea?" tawag ni Hendrick sa pangalan niya nang buksan nito ang pinto ng kuwarto niya.

"Bakit?" Nasa hamba lang ito ng pinto at nakasilip sa kaniya.

"Lalabas lang ako sandali," imporma nito