Kabanata 10 - Ang Plano

Eloise's POV

Sunod-sunod ang ginawa kong pagbuntong hininga, kausap ko ngayon sa kabilang linya si Brynne. Naglalasing na naman ito dahil sa niloko na naman siya ng kanyang nobyo.

"Ano ka ba, Brynne. Hindi iniiyakan ang mga lalaking manloloko." Mariin na saad ko dito.

"Mahal na mahal ko siya, Eloise. Hindi ko kaya kung mawawala siya." Umiiyak na usal naman ni Brynne sa kabilang linya. "Kung hindi dahil sa babaeng 'yon, hindi niya ako iiwan."

Nakaramdam ako nang awa para sa aking kaibigan. Lagi na lamang itong iniiwan ng mga lalaking nakakarelasyon niya, ngunit ngayon lamang ito nasaktan ng sobra.

"Huwag kang mag-alala, makakahanap ka rin ng lalaking mas higit pa sa kanya."

"No! Mamamatay muna ako bago siya mapunta sa iba."

Napailing na lamang ako sa sinabing iyon ng aking kaibigan. Samantala, hindi ko maiwasan na makaramdam ako nang galit para sa lalaking nanakit dito. Gusto kong damayan si Brynne ngunit malayo ako sa kanya.

"Huwag mong sabihin iyan, Brynne. Bakit hindi mo ayusin ang