Kabanata 7

Imbes na sayangin ang oras niya sa panonood, itinuon nalang niya ang kanyang atensyon sa mga pasyente niyang nakapila. Naging magtagumpay naman siya sa pagbaling niya sa kanyang atensyon sa ibang bagay dahil lumipas ang ilang oras na hindi na hinahanap pa ng kanyang mga mata si Dmitri.

Sumapit ang tanghalian kung saan dumating si Elara. Sa pagkakataong iyon, hindi na maiwasan pa ni Autumn ang mapatingin sa gawi nina Dmitri at ni Elara. Agad na sinalubong ng lalaki ang asawa nito at kinuha ang dala nitong malaking tupperware.

"Magandang tanghali po, Kap. Nagluto po ako ng dagdag na ulam para sa mga doctor at sa mga tauhan sa barangay," nakangiting wika ni Elara.

"Naku, maraming salamat, ineng. Ang bait-bait mo talaga," masaya namang anas ng kapitan.

"Ang swerte talaga ni Dmitri sayo, Elara. Bukod sa sexy at maganda, marunong pang magluto," kinikilig na sambit ng isang staff sa barangay.

"Naku, maswerte din naman ako sa asawa ko. Bukod sa gwapo na, masipag pa," masiglang sagot ni Elara at sumandal kay Dmitri.

Ipinalibot naman ng lalaki ang kanan nitong braso sa balikat ni Elara. Napalunok siya para mawala ang bikig sa kanyang lalamunan. Why does it hurt so much when Dmitri isn't connected to her?

Maya-maya pa'y lumingon sa gawi niya si Dmitri. Sa ikalawang pagkakataon, nag-iwas siya ng tingin. Natatakot siyang makita nito ang ekspresyon sa kanyang mukha. Baka tuluyan na itong magtaka sa mga ikinikilos niya at pag-isipan pa siya ng masama.

"Doc, break muna kayo para makapagtanghalian kayo kasama si Doc Vina. Kami na muna nina Jeric ang bahala dito," ani Doc Raymond, ang isa pang lalaking doctor na kasama din nila sa medical mission.

"Thank you, Doc Raymond," aniya at tumayo na mula sa kanyang pwesto.

Nagtungo siya sa mesa kung saan naroon ang pagkain. Nauna narin sa kanya si Doc Vina at kasalukuyan ng kumakain. Umupo siya sa bakanteng silya sa tabi nito at kumuha na ng pagkain.

"Pasensya ka na, Doc at nauna na ako. Gutom na gutom na kasi ako. Hindi ko inaasahan na ganito pala karami ang darating sa unang araw natin dito."

Tipid siyang ngumiti bago umiling. "Okay lang, Doc Vina. Walang problema iyon sa akin."

"Doc, tikman mo itong pininyahan na adobong manok ni Elara. Grabe! Ang sarap!" Ani Vina at iniusog ang tupperware na dala ni Elara kanina.

Sandaling pinagmasdan ni Autumn ang ulam. Mukha naman iyong masarap at mabango din ang aroma. But she doesn't understand herself as to why she can't bring her hand to have a taste. Maybe she sounded bitter but that's what she feels right now.

"Pasensya na pero hindi ako mahilig sa adobo, Doc Vina," malumanay niyang tanggi at itinulak palayo sa kanya ang tupperware.

"Oh, ganun ba? Sige akin nalang," kaswal nitong wika.

Nagpatuloy siya sa pagkain nang maramdaman niyang tila may nakatingin sa gawi niya. Inilinga niya ang tingin sa paligid hanggang sa dumako iyon sa kabilang tent. She caught Dmitri staring at her direction pero ang kaibahan lang nila, hindi ito nag-iiwas ng tingin kahit nahuli na niya ito.

Isang tikhim ang pumukaw sa kanyang diwa na nagmumula kay Doc Vina. Mahina pa siya nitong siniko habang may makahulugan na ngiti sa labi. "Naku, Doc, ano yang mga tinginan nayan?" Mapanukso nitong wika.

Huminga siya ng malalim at inalis ang kanyang tingin kay Dimitri saka nilingon si Doc Vina. "Walang kahulugan yan, Doc Vina. May asawa nayan si Dmitri."

Napanguso naman ang dalaga. "Oo nga no? Pero kung wala, feeling ko bagay kayong dalawa Doc. Ang gwapo pa naman din ni Dmitri tsaka ang matcho pa! Ang sarap sigurong maheadlock ng braso niya ano? Ano kaya ang nagawa ni Elara sa past life niya at ang swerte niya ngayon sa asawa niya."

Hindi na siya sumagot pa at nagpatuloy na sa pagkain. Hangga't maaari, kailangan niyang ibaling ang kanyang atensyon sa ibang bagay at hindi kay Dmitri. Ayaw niyang magkasala at makasira ng pamilya kahit paman kamukhang-kamukha ito ni Nicolo.

Pagkatapos nilang kumain, sandali pa silang nagpahinga sa loob ng barangay. May isang oras pa sila kaya naman napagpasyahan niyang umidlip muna saglit lalo pa't wala siyang maayos na tulog kagabi.

Nasa kalagitnaan siya ng pagkakahimbing nang makarinig siya ng komosyon sa labas dahilan para magmulat siya ng mga mata at lumabas ng barangay.

"Ano pong nangyari?" Tanong niya sa isang staff na nakatayo sa may pintuan at nakatayo sa unahan.

"Hinimatay po si Elara, Doc pero tinulungan narin naman siya ng ng iba niyo pang kasama."

"Hinimatay? Bakit daw?"

"Hindi ko po alam pero haka-haka ng mga kasama namin, buntis yang si Elara. Mukhang may magiging kapatid na si Mateo..."