5

MIRABELLA

KINABUKASAN, nakangisi akong dumating sa opisina at agad kong pinatawag si Clara sa private office ko. Hindi ko na kayang itago sa kanya ang mga naiisip ko dahil siya ang isa sa mga taong lubos kong pinagkakatiwalaan. Bukod sa pagiging personal assistant ko, matagal ko na siyang kaibigan at alam kong hindi niya ako huhusgahan kahit gaano pa kagulo ang desisyon na sasabihin ko sa kanya.

“Clara, may sasabihin ako sa iyo pero huwag kang mabibigla,” bungad ko nang makaupo na siya sa harap ng desk ko.

“Ano na namang ginawa ni Jonas?” tanong niya agad. “May bago na naman bang kalokohan?”

Napabuntong-hininga ako bago ko siya tiningnan.

“May plano ako.”

“Anong plano?”

“Itutuloy ko na ang binabalak kong paghihigantihan sa panloloko niya sa akin.”

Natahimik si Clara at pinagmasdan ako nang ilang segundo.

“Anong klaseng ganti naman ang gagawin mo?”

“Gagawin ko sa kanya kung ano ang ginawa niya sa akin.”

Bahagya siyang napakunot-noo. “Mirabella, huwag mong sabihin sa akin na may balak kang makipagrelasyon sa ibang lalaki para lang makaganti sa kanya.”

“Hindi basta ibang lalaki.”

“Ano?”

Tinitigan ko siya nang diretso bago ko sinabi ang pangalan ng taong matagal ko nang alam na hindi ko dapat iniisip nang ganito.

“Si daddy Adam.”

Nanlaki ang mga mata niya. “Si Adam? Si Adam Sandler? Ang daddy ni Jonas?”

“Oo.”

Ilang segundo siyang hindi nakapagsalita. Halatang hindi niya alam kung matatawa ba siya, magagalit, o pipigilan akong gawin ang naiisip ko. Maya-maya ay napahawak siya sa noo niya at napailing.

“Grabe ka, Mirabella. Akala ko may ordinaryong lalaki kang gagamitin mo. Pero talagang ama niya?”

“Alam ko kung gaano kabaliw pakinggan.”

“Hindi lang kabaliw. Delikado rin. Kapag nalaman ni Jonas, siguradong magwawala iyon.”

“Deserve niya iyon. Hindi puwedeng ako lang ang masaktan ng sobra.”

“Hindi ko sinasabing hindi niya deserve ang sakit na nararamdaman mo, pero sigurado ka ba talaga sa gusto mong gawin?”

Sandali akong natahimik bago ko siya sinagot.

“Hindi ko alam kung tama ba ito, pero ayoko nang ako lang ang nasasaktan habang si Jonas parang walang pakialam sa ginawa niya. Ilang buwan niya akong niloko kasama ang sarili kong kaibigan, Clara. Gusto kong maramdaman niya kung gaano kasakit mawalan ng taong akala niya ay mananatili sa tabi niya kahit ano pa ang gawin niya.”

Huminga ng malalim si Clara at tumingin sa akin nang seryoso.

“Pero may gusto ka ba talaga kay Adam?”

Hindi ako agad nakasagot. Alam kong iyon ang tanong na matagal ko nang iniiwasan.

“Wala…pero nalaman kong matagal na pala niya akong pinagnanasaan. At iyon ang dahilan kung bakit siya ang pinili ko.”

Mas lalo siyang natahimik bago tuluyang napailing.

“Okay sige! I-go mo na iyan at susuportahan kita sa gusto mo! Hindi na rin talaga uso ang manahimik na lang. Talagang mas masaya kung gaganti ka.”

Napangiti ako ng malawak.

“Tama ka…hindi puwedeng iiyak na lang ako basta.”

“Oo…at sigurado akong mag-e-enjoy ka naman sa byenan mo. Kahit nasa edad 48 na, ang guwapo pa rin at ang sarap!”

Humalakhak ako sa sinabi niya.

“Oo…talagang guwapo siya at masarap!”

“Oh di ba? Bongga ang gagawin mong revenge!”

Napailing ako habang tumatawa. “Sige na. Magtrabaho ka na.”

Pagkatapos ng usapan namin, bumalik ako sa trabaho at sinubukan kong huwag nang isipin ang plano ko. Pero habang lumilipas ang mga oras, lalo lamang akong nagiging excited umuwi. Hindi ko alam kung dahil ba gusto kong makaganti kay Jonas o dahil gusto ko lang makita si Adam.

Nang makarating ako sa mansyon nang hapon, agad akong bumaba ng sasakyan at pumasok sa main entrance. Habang naglalakad ako papunta sa likod ng bahay, napansin kong bukas ang malaking glass door papunta sa pool area.

Napahinto ako nang makita ko si Adam na nasa swimming pool.

Nasa tubig siya at kasalukuyang lumalangoy papunta sa kabilang bahagi ng pool. Nang umahon siya, inayos niya ang buhok niyang basa at saglit na tumingin sa paligid bago muling lumangoy. Hindi ko namalayang nakatayo pala ako roon nang ilang segundo habang pinagmamasdan siya.

Sh1t…ang sarap niya. Ang ganda ng katawan niya. At bakat na bakat ang malaki niyang tit3.