Kabanata 19

Hindi naiwasan ni Calvin na magdabog papasok ng kanyang kwarto. Si Terrence naman ay tila nagtataka sa ikinikilos ng kanyang kapatid. Babatiin sana niya ito ng makita niyang pumasok sa loob ng mansyon pero hindi naman din siya napansin ni Calvin. Tuloy lang ang paglakad nito.

Gusto sana ni Terrence magtanong sa nangyari. Kaya lang mukhang gustong mapag-isa ni Calvin.

Lumipas ang araw na iyon ay pinuntahan agad ni Calvin si Tajana sa kanilang mansyon. Wala doon si Don Ismael at ang buong pamilya ng Campoverde. Abala sila sa mga sari-sariling lakad nila. Pero nagtanong pa rin ang binata sa mga kasambahay na nandoon. Hinahanap niya si Tajana sa mga ito.

"Ah pasensya na po. Pero hindi po siya nakauwi kagabi. Sinilip na rin po namin sa kanyang silid."

"Sigurado ba kayo?"

Hinanap ni Calvin sa buong mansyon at maging sa mga taniman ng Campoverde si Tajana pero hindi siya natagpuan. Hindi na niya alam ang gagawin niya. Gusto niyang makausap agad si Tajana. Nagsisisi