Kabanata 2

Masaya si Tajana na ilang araw pa ang natitirang oras niya para makapaglibot sa syudad. Mas gusto niya ang buhay doon at mas gusto niya na mabuhay siya ng hindi kailangan limitahan ang sarili niya. Mahigpit ang Campoverde sa pamilya. Ang gusto ni Don Ismael ay ang maging perpekto ang pamilyang meron sila. Kaya nga para sa kanya ay isang kahihiyan si Alicia. Hindi rin naman gustong bumalik nito sa probinsya nila. Umiikot na ang mundo niya sa syudad. At hinayaan niya rin na si Tajana ay mapunta sa pamilya niya. Para kay Alicia, nasira na ang kanyang pinangarap na buhay simula ng iwan siya ni Flavio.

"Mukhang marami kang oras ngayon at nandito ka ulit." puna ni Zoe kay Tajana na umiinom ngayon ng isa sa mga paborito niyang cocktail sa bar kung nasaan sila.

"Walang bantay ngayon." sagot naman ni Tajana matapos niyang ibaba ang kanyang iniinom. Ngumisi siya sa babaeng kasama niya ngayon. Nabibighani naman lalo si Zoe habang tinitingnan ang mukha ni Tajana. Wala itong ginagawa pero naaakit siya lalo dito. Para bang mahirap para sa kanya ang makalimutan ang gandang meron ito.

Inilapit ni Zoe ang kanyang mukha kay Tajana para halikan ito sa pisngi. Dahil madalas naman niya iyong ginagawa ay binaliawala lang ni Tajana. Ngunit tumatagal ito kaya medyo napalayo siya kay Zoe.

"Bakit?" nagtatakang tanong ni Zoe. Hinawakan niya ang baywang nito at sinubukang halikan siya sa labi. Ngumisi si Tajana kaya hindi na naituloy ni Zoe ang halikan siya.

Ang mukha ni Tajana ngayon ay mukhang bigo at natatawa dahil sa ginagawa ni Zoe.

"Anong problema Jana?" Uminom muna ito ng cocktail bago sumagot sa tanong.

"I don't like kissing on the lips, baka hindi mo ako malimutan." nakangising sabi ni Tajana habang nakatingin sa mga mata ni Zoe.

"Baka ikaw ang hindi makakalimot sa'kin." tatawa-tawa namang sagot ni Zoe pero hindi natinag ang ngisi ni Tajana.

"Don't kiss me on my lips kung ayaw mong maghiwalay tayo." may pagbabanta nitong sabi ng hindi nakatingin sa kausap niya. Sa mga salita lang na 'yon ni Tajana ay natakot na si Zoe kaya naman hindi na niya inulit. Masyado ang pagkabighani niya sa dalaga kaya hindi niya gustong suwayin ang gusto nito. Hindi siya papayag na mawala si Tajana sa kanya. 

Sa gitna ng mga taong nagsasayawan ay nakisaya rin ang dalawa. They are dancing like this is the most happy moment they have in their lives. Kitang-kita ang kaligayahan sa mga mata at ngiti ni Tajana. She's free in this place. She's being herself. No rules, no eyes on her. At lahat ng ginagawa niya mali man o tama ay walang magsasabi nito sa kanya.

Nang mas lumakas ang tunog sa loob ay mas lalong dumami ang mga taong nagpunta sa gitna ng lugar para sumayaw. Kung hindi ka sanay sa ganitong lugar ay hindi mo maiintindihan kung bakit masaya ang kanilang mga ngiti at mukhang hindi sila napapagod sa pakikipagsayaw. Ilang mga grupo din ang nakisama sa sayawan kaya naman nakita ni Tajana na nahihiwalay na siya kay Zoe pero ngumiti lang siya. Iyon ang gusto niya.

Kahit na magkarelasyon sila ni Zoe ay gusto pa rin ni Tajana na gawin ang gusto niya sa gabing ito. May isang lalaking sumayaw sa likod ni Tajana at ramdam niya ang pagdikit nito sa kanya na tila ba'y gusto siyang akitin para angkinin ngayon. Umangat ang labi ni Tajana pero hindi pa rin niya hinaharap ang lalaki. Itinuloy lang rin niya ang pagsayaw. Ang naiisip niya ngayon ay naaawa siya sa lalaki dahil alam niyang mababaliw lang iyon sa sobrang ganda niya pero hindi siya makukuha nito.

"Hi." narinig niyang bati ng lalaki mula sa likod niya at naramdaman niya pa ang hininga nito sa kanyang tenga. Mas lalong napangisi ang dalaga.

"Hi din." maiksing sagot niya na para bang walang pakialam sa lalaki.

"I'm Terrence and you are?" pagpapakilala nito. Dinig na dinig niya ang malalim na boses nito kaya hindi na siya nagdalawang-isip na harapin pa ang lalaki.

"Jana." sagot niya ng makaharap siya dito. Napaawang ang bibig ng lalaki ng makita si Tajana. Hindi siya makapaniwala sa gandang taglay nito. Para bang kahit na lagi niyang masilayan ang dalaga ay hinding-hindi siya magsasawang tingnan ito.

"You're very beautiful." namamangha nitong sabi ng may ngiti sa kanyang labi at pareho silang napatigil sa pagsayaw. Nakatitig lang sila sa mata ng isa't isa. Hinawakan ni Terrence si Tajana sa kanyang bewang para ilapit sa kanya. Mas tinitigan niya ng mabuti ang dalaga.

Ang mga mata naman ni Tajana ay naglakbay sa pagtingin sa lalaking nasa harap niya. Makapal at medyo salubong ang kilay nito, napakatangos ng ilong, ang labi nito ay mapupula at ang mga mata niya ang pinakagusto ni Tajana, para itong nang-aakit kapag nakatingin sa iyo. Sobrang ganda ng mga mata niya kapag tumingin, para bang kahit anong iutos niya ay susunod ka sa kanya dahil nakakaakit talaga ito.

Hindi alam ni Tajana kung anong nangyayari sa kanya pero sobrang init ng pakiramdam niya ngayon. At labag sa kanyang gawain sa syudad ang pumatol sa dalawang tao para maging kasintahan niya. Gustuhin niya mang gawin iyon pero dapat siyang makipaghiwalay muna kay Zoe. Ayaw niya ng komplikadong lokohan sa relasyon, kapag nakakaramdam na siya ng pagkakagusto sa ibang tao ay hinihiwalayan na niya ang kasintahan niya.

Halos maubos na ang oras nila sa tinginan na iyon kaya naman hindi na napigilan ni Terrence ang bumaba ang tingin niya sa labi nito. Unti-unti siyang lumapit at hinalikan ito. Hindi gumalaw si Tajana, hinayaan niya lang na halikan siya ng lalaking ito. Iyon ang gusto niya ngayon. She wants him. Dinama niya ang marahan na paghalik ng lalaki bago humalik ito pabalik.

"JANA!" Halos mapalundag si Tajana sa malakas na sigaw ni Zoe. Hinila agad siya nito palayo sa lalaki.

Tinapunan ng malulutong na mura ni Zoe ang lalaki ng mailayo si Tajana dito. Pero hindi iyon pinansin ng lalaki, nakatingin pa rin siya sa napakagandang babaeng nakilala niya. Nakalayo na ito sa kanya pero ang mga mata niya ay nakatingin pa rin dito hanggang sa hindi na niya ito tuluyang makita.

"Anong nangyayari sayo Jana? Sinabi mo sa'kin na hindi ka nakikipaghalikan sa labi! Ano 'yong nakita ko?!" galit na galit nitong sigaw.

Ngumisi si Tajana. Para bang hindi niya maintindihan kung anong mali sa ginawa niya.

"Nahilo lang ako. Bigla na lang nangyari." Nagpatuloy siyang maglakad. Hindi na niya pinansin pa ang hitsura ngayon ni Zoe.

"Do you love me?" tanong ni Zoe ng magpunta na siya sa harap nito.

"Gusto mo ba talagang sagutin ko ang tanong mo na 'yan?" Umangat ang labi ni Tajana. Hindi nakakilos agad si Zoe dahil sa tanong nito sa kanya. Inisip niya na ayaw niyang mawala si Tajana sa kanya.

"Forget it. Halika na." sagot nito bago humawak sa bewang ni Tajana para alalayan siya papuntang kotse.

"Gusto mo bang matulog sa bahay?" tanong ni Zoe ng makapasok na sila sa kotse ni Tajana. Siya ngayon ang magmamaneho nito dahil mukhang iba ang naging tama ng alak sa kasintahan niya.

"Kung wala kang gagawin sa'kin ay ayos lang. Pero alam kong hindi mo mapipigilan. Sa hotel ako matutulog." sagot ni Tajana habang hinihilot pa ang sentido niya. Hindi na pinilit ni Zoe ang gusto niya. Nakinig lang siya dito. Ayaw niyang magsawa sa kanya ito kaya hindi siya susuway sa gusto ng dalaga.

Sinamahan lang niya sa hotel si Tajana at nang makapag-check in na ito ay iniwan na niya dahil hindi rin gusto ng dalaga na hayaan siya sa loob ng kwarto. Alam niyang hindi napipigilan ng mga tao kapag nakikita siyang tulog. Alam niyang may gagawin ito sa kanya.

Hilo pa rin si Tajana matapos niyang makatulog ng ilang oras pero pinilit niyang dumilat para kumuha ng tubig dahil parang natutuyo ang kanyang lalamunan. 

Medyo nagising siya ng marinig niya ang maingay na boses sa kanyang pintuan. Mukhang may nagpupumilit na pumasok dito. Napaangat ang labi niya habang napapailing ng maisip na baka si Zoe iyon. Pakiramdam niya ay may pinainom sa kanya ang babaeng 'yon kaya naman sobrang nag-iinit ang katawan niya. Malakas din ang tolerance niya sa alak kaya hindi niya maintindihan kung bakit ganito ang pakiramdam niya ngayon.

Binuksan niya ang pinto. Tumambad sa kanya ang isang napakaguwapong lalaki, nakakaakit ang mga mata nito. Nagulat siya ng mapagtantong may nagbukas ng pintuan.

"Jana?" gulat nitong sabi. Iniisip niya kung paano iyon nakapasok sa kanyang kwarto.

"Terrence." nakangising banggit ni Tajana sa pangalan nito. Naramdaman na naman niya ang init sa katawan niya ng magkatinginan sila.

"What are you doing in my room?" tanong ng lalaki.

"This is my room." sabay halukipkip ni Tajana. Tiningnan muli ni Terrence ang card na hawak niya. 

"Oh shit. Mali pala ang pagtingin ko sa number." sagot niya matapos makita iyon. Bumalik na ang tingin niya kay Tajana.

"I'll go to my room now. Sorry." nakangiti niyang paalam.

Bumuntong hininga si Tajana. May kakaiba talaga siyang nararamdaman ngayon lalo na kapag tinitingnan siya ng lalaking ito.

"I don't mind sharing my room with you." imik ng dalaga na nagpahinto sa paglalakad ni Terrence. Ibinalik niya ang tingin niya dito. Kumurba naman ang isang ngiti sa labi ni Tajana. This man wants him too. 

Lumapit muli si Terrence at hinawakan niya muli ang bewang ni Tajana para mailapit ito sa kanya.

"You'll regret this. You're drunk." nakangising sabi ng lalaki bago nagbigay ng maiinit na halik dito.

Walang maintindihan si Tajana sa nangyayari. Siya ba ito? Bakit hinahayaan niya ang lalaking ito na lumapit sa kanya?

Ang mga mata nito ay nakakaakit, napapasunod niya ako.