Chapter 2 [Sorpresa]

Dala ng kuryosidad, dahan-dahan kong tinungo at tiningnan kung ano ang ginagawa ng dalawa. Kung bakit panay ang mahinang ungol ng babae. Natuod ako sa aking kinatatayuan nang makita ng dalawa kong mata ang kahalayang ginagawa nina Kuya Francis at ng isang babaeng hindi ko kilala. Hindi ko inaasahan na mapanood ang ganoong palabas.

Pinaghalong emosyon ang naramdaman ko nang mga sandaling iyon. Kumudlit ang kirot na para bang tinutusok ng matalim na bagay ang aking puso. Nasasaktan ako, naiinggit, nagseselos at nagtatampo. Lalo na nang makita si Kuya Francis na sabik na hinahalikan ang leeg ng babae pababa sa kaniyang nakabukas na dibdib. Halos iluwa na ng kaniyang damit ang kaniyang breasts.

Umungol pa ang babae na para bang nasasarapan sa ginagawa ni Kuya Francis sa kaniya. Hindi ko matanggap sa aking sarili na makitang may ibang kalantari ang lalaking gusto ko. Gusto ko silang patigilin pero hindi ko magawa. Unti-unting namuo ang luha sa aking mata. Hindi pa man nila tuluyang nahuhubad pareho ang pang-ibabang kasuotan ng bawat isa, nang biglang matigilan ang babae nang mapatingin sa ‘kin.

“T-Teka Francis… sino siya?”

Lumingon si Kuya Francis sa direksyon ko. Nagulantang siya nang makita akong nakatayo distansya mula sa kanila.

“Gab?” Mabilis siyang kumawala sa babae at agad na nagsuot ng damit. “Lumabas ka!” utos niya sa babae nang balingan ito.

“Ano?” takang tanong nito.

“I said, get out!”

“Pero–” Tinaliman ako ng tingin ng babae saka mabilis na pinulot ang blouse sa sahig. Halos padabog na lumabas ng silid.

Hindi ako nakakibo nang muli akong sulyapan ni Kuya Francis. Magulo ang kaniyang buhok gawa ng pagsabunot ng babae sa kaniya kanina.

“I'm sorry, Gab. It was just a–what are you doing here, anyway?”

Napalunok ako at umiwas ng tingin. “I came here, just to greet you a ha-happy b-birthday,” nauutal kong bulong.

Lumapit siya sa ‘kin. “Thank you, but you should have text me first bago ka sana nagpunta rito,” saad niya sa baritonong boses.

I cleared my throat. “I wanna surprise you, but I guess–wrong timing yata ako. I'm sorry to disturb you.”

Hindi siya sumagot. Nakatitig lamang sa akin. It felt so awkward. Nanaig ang saglit na katahimikan sa pagitan naming dalawa saka ko iyon binasag.

“I-I have to go, ka-kainin mo ‘yung cake sa mesa..”

Napahinto ako sa pagmamadaling lumabas nang hawakan niya ako sa kamay at pigilan.

“Stay for a while,” maawtoridad niyang saad. Malamig ang boses niya ngunit malalim.

Napatingin ako sa kaniyang kamay na nakahawak sa ‘kin, saka ko inangat ang aking mukha. Nagtama ang aming paningin. Nakatitig pa rin siya sa ‘kin. Ang mga mata niya'y may nais ipahiwatig na kung anong hindi ko mawari. Muli akong yumuko.

Pinasadahan niya ako ng tingin at agad na napakunot-noo. “Ba't ganyan ang suot mo?”

Hindi ako nakaimik. Tikom ang aking bibig nang mapatingin sa kaniya. Hindi ko alam kung bakit ako kinakabahan sa mga titig niyang iyon na hindi ko naman naramdaman noon sa tuwing tinitingnan niya ako.

“Ah.” Bahagya akong ngumiti. “R-Regalo sa akin ni Leslie, t-in-ry ko lang,” kabado kong saad. “T-Tinatanong nga pala ni Mommy, kung uuwi ka ba raw?” pag-iiba ko agad ng usapan upang mabawasan ang pressure na nararamdaman ko nang mga sandaling iyon.

Binitiwan niya ako at siya’y tumalikod na. Naglakad siya para buksan ang ilaw sa mini bar. Napasunod na lamang ako ng tingin sa kaniya.

“I texted her, at sinabi kong sa weekend na ako uuwi. Marami pa akong inaasikaso sa trabaho,” kalmado niyang saad nang buksan ang takip ng whiskey.

‘Inaasikasong babae gaya ng nakita ko kanina?’ tanong ng aking isipan.

Napayuko ako nang muli niya akong titigan nang seryoso. “Thank you sa effort. Kung alam ko lang na pupunta ka rito–hindi ko na sana dinala rito si Dianna.”

‘Dianna pala ang pangalan niya..’ bulong ko sa sarili.

“Magandang pangalan, bago mong g-girlfriend?” kunwaring tanong ko.

Napangiti siya sabay iling. “Bago?”

Namula ang aking pisngi. “Kung gayon–”

“Thanks for the cake, gawa mo?” ngiti niyang tanong habang nasa mesa ang direksyon ng mata.

Tumango ako. “B-in-ake ko kanina. Sana magustuhan mo.”

“Alam mo ‘di ba, that I hate sweets? But I will still try, since gawa mo naman.” Kumuha siya ng whiskey glass at sinalinan iyon ng alak.

Nakalimutan kong hindi nga pala siya mahilig sa matatamis. Lihim akong napakaltok sa noo ko.

‘Another palpak..’ saad ko pa sabay yuko.

“Drink with me,” aya niya sa akin nang iabot ang wine glass na may laman ng red wine na kakasalin niya lang din.

Hindi na ako nakatanggi pa. Napasunod ako ng inom nang uminom siya. Iyon lang ang kaya ko. Hindi rin kasi ako mahilig sa mga inuming alak. Napatingin ako sa lalamunan niya nang makitang muli siyang lumagok ng kaniyang alak. Napalunok ako kasabay ng pag-iwas ko ng tingin sa matulis niyang Adam's apple.

Pinilit ko na lamang kalimutan ang mga nakita ko kanina. Habang one-on-one na nakikipag-inuman sa kaniya, lumalim pa ang aming usapan. Napag-alaman ko mula sa kaniya na kakikilala niya pa lang pala kay Dianna kanina. Ayon pa sa kaniya, nagasgasan daw nito ang kotse niya kaya't bilang kabayaran. Pumayag ito sa usapang maging bed warmer niya nang isang gabi. Tamang-tama bilang birthday gift niya rin sana sa gabing ito.

Natahimik ako at medyo na-guilt. Pakiramdam ko tuloy ako ang naging dahilan para maudlot ang sana'y kaligayahan niya ngayon kasama ang babaeng iyon. Habang kinukuwento niya sa akin iyon, muli akong nakaramdam ng pagseselos. Itinago ko na lamang iyon upang hindi niya mahalata para wala rin siyang masabi laban sa ‘kin. Inisip ko na lamang na normal lang iyon sa kalalakihan, pero apektado pa rin ako sapagkat lihim ko siyang gusto.

Napapaisip na lamang ako kung ilan na kayang babae ang ikinama niya? Maaaring hindi ito ang unang beses na nagdala siya ng babae sa condo niya. Bigla akong nakaramdam ng selfishness, gusto ko na tanging ako lang ang dapat na magbigay sa kaniya ng hinahanap niyang kaligayahan.

Napabuntong-hininga ako sa isiping iyon. Masyado akong makasarili pero kasalanan ko ba kung iyon ang tunay kong nararamdaman? Hindi ko naman maiwasan. Marami ang nagsasabing mabait akong tao at totoo. Kaya siguro hindi ko maiwasang i-deny sa sarili ko ang tunay kong nararamdaman sa kaniya.

Ilang bote pa ng alak ang naubos namin. Kilala ko si Kuya Francis, dragon siya pagdating sa inuman, matagal malasing. Habang ako, eto, nagsisimula nang lumabo ang paningin at pakiramdam ko ay nahihilo na ako.