Chapter 92

"Tinakbo naman ng kasintahan si Selina ng makitang bumagsak itong duguan sa sahig. Nakita ng boyfriend ni Selina ang kutsilyo sa sahig kaya dinampot ito at sa nanlalabong paningin ay galit na lumapit kay Maggie at akmang sasaksakin ito"

"Babarilin din sana ni Maggie ang lalaki ni Selina dahil lumapit ito at akmang sasaksakin si Maggie pero bigla na akong lumabas at inagaw kay Maggie ang baril at ako ang nakabaril sa lalaki kalaguyo ni Selina" habol ang hiningang kuwento ni Mario.

"Napilitan na akong lumabas sa pinagtataguan ko dahil hindi na kaya ng dibdib ko ang manuod na lamang, lalo na at si Maggie na din ang mapapahamak" sabi ni Mario na napayuko na tila nagpipigil ng luha.

Halos panawan ng bait si Anthony na tulala na ng mga sandaling iyon. Ang ikalawang putok na narinig ni ni Anthony ay sapat na para magblanko na ng tuluyan ang isipan nito.

"Kinuha ni Maggie ang baril sa akin at inilagay sa kamay ng tulalang si Anthony, pagkatapos ay kinuha nito ang kutsilyo at iyon ang ibinig