Chapter 21

“Ito? Gusto mo?”

Hindi na mabilang ni Sharon kung ilang beses nang itanong ni Lloyd iyon. Tango at iling na lang ang ginagawa niya. Tuwing lilingon si Lloyd sa kaniya at may dalang damit o hindi kaya ay mga gamit ay hinahanda niya ang sarili upang tumango at umiling.

Hindi niya rin alam kung bakit biglaan ang pag-aya sa kaniya ng binata. Nagulat na nga lang din siya nang pagsagot niya sa tawag nito ay pag-aaya agad ang sumalubong sa kaniya.

“Ayaw mo nito?” tanong na naman ni Lloyd na may dalang papel.

Napailing na lang siya. Pati papel ba naman?

Kung kaya lang sigurong ilagay sa cart ang buong mall, ginawa na siguro ni Lloyd.

“Pati papel ba naman? Anong akala mo sa akin, grade 1?” tumatawa niyang puna sa nobyo.

“Hindi kasi ‘yan para sa’yo,” sagot nito at nag-una nang maglakad at iniwan siya.

Wala na rin naman siyang ibang ginawa kun’di sumunod dito.

&ldquo