Chapter Twenty-Three

I am wearing fitted red dress and a black boots, gamit ko na rin ang kotse ko papunta sa office, nagsuot lang din ng simple shirt at maong pants si Sofia.

"Ayos lang po ang suot ko? Baka po kasi bawal ito sa kompanya?" tanong nito, pinagmasdan ko ang kabuoan niya. Yeah, she's pretty enough. Makinis ang balat, maputi at mahaba ang buhok. Inosente rin kung ngumiti, hindi mo aakalain na may tinatago ring kasamaan. "Ma'am?" Tumango ako at saka ngumiti.

"Okay na 'yan, saglit lang naman tayo at saka wala namang pake ang mga tao roon," sagot ko.

Habang tumatagal ang katahimikan sa pagitan naming dalawa ni Sofia, naisipan kong magtanong. "Ilan kayong magkakapatid?"

Mukhang nagulat naman siya dahil napaigtad ito. " A-apat po," saad niya.

"Babae ba lahat?" tanong ko ulit.

"O-opo Ma'am..." Tumango ako. Buti ay traffic pa, mahaba pa para tanungin ko siya ng kung anu-ano.

"Saan sila ngayon? Nag-aaral pa ba?"

"H-hindi na po, nagtatrabaho rin po sila." Napangisi ako.