Kabanata 25

KABANATA 25 :: WOUND

Tinawanan ko lamang siya at nagtatakbo patungo sa mas malalim na parte ng dagat. Nang hanggang bewang ko na ang tubig ay lumangoy na ako hanggang sa hindi ko na abot ang buhangin.

"Wag kang lumayo masyado!"

Hindi ko siya pinakinggan. Bagkus ay lumangoy ako patungo sa mas malalim na parte at sumisid doon.

Nagtagal ako sa ilalim ng tubig dahil may hinabol akong isang grupo ng maliliit na isda.

Kinakapos na ako sa paghinga nang magpasya akong magpalutang ngunit muntik ko nang malunok ang alon na tumama sa gilid ng mukha ko dahil sa buhanginan ay kita ko ang pagtatanggal ni Kleindro ng sinturon.

Nang maalis niya iyon ay basta na lamang inihagis iyon at isinunod naman ang kanyang pantalon hanggang sa wala nang matira kundi boxer shorts.

Umubo-ubo ako kahit ang totoo ay wala namang nainom na tubig, nagbabakasali na matauhan ngunit ang mata ko ay parang nakapagkit sa katawan ni Kleindro na kumikinang kasabay ng papalubog na araw.

Para akong siraulong dahan-dahan sa pag