Savina's Pov
Pagkatapos kong makatakas sa kuwarto na pinagdalhan sa akin ni Alpha Desmond ay hinanap ko saan nito ikinulong ang kaibigan kong si Julie kasama ang pamilya niya. Hindi ko mapapatawad ang aking sarili kapag may masamang mangyari sa kanila. Dahil sa akin ay nalagay sa panganib ang buhay nila kaya nararapat lamang na iligtas ko sila at sama-sama kaming umalis sa lugar na ito na puno ng aking mga kaaway.
Alpha Desmon. Ipinapangako kong babalikan kita at papatayin kasama ang ama mo, nagngingit ang kalooban na pangako ko sa aking sarili. Ngunit bigla akong natigilan nang may pumasok sa aking isip. Kung si Desmon na ang alpha ngayon ay nasaan ang kanyang ama na siyang unang alpha bago ito? Bakit hindi ko yata narinig ang pangalan ng ama ni Desmon bilsbg alpha? Inagaw ba niya ang titulo ng kanyang ama? Sabagay, hindi na ako magtataka kung totoo ang aking naisip na inagaw ng anak ang trono ng kanyang ama dahil pare-pareho lamang silang masasama. At sa aking mga mata ay lahat ng mga lobo masasama.
Ipinilig ko ang aking ulo para maalis ang bagay na iyon sa aking isipan. Wala akong pakialam kung may namamagitan bang sigalot sa kanilang mag-ama. Mabuti ngaa iyon para ma-away sila at kung sino ang panalo ay ako naman ang papatay. Ngunit magagawa ko lamang iyon kung malakas na ako. Kaya kailangan kong makatakas sa lugar na ito para makapagpalakas ako at mapag-aralan ang mga kapangyarihan naming mga witches na nabasa ko sa loob ng itim na libro bago ito nasunog.
"Bilisan natin at hanapin ang nakatakas na alipin ng ating alpha. Kapag hindi natin natagpua ang alipin na iyon ay mananagot tayo sa kanya."
Bigla akong napatago sa likuran ng malaking bato nang marinig ko ang malakas na boses ng isang lalaki na tauhan ni Desmon. Halatado sa boses nila ang malaking takot sa kanilang alpha.
Naisip ko na siguro ay nakapagsumbong na sa mga kauri niya ang babaeng nakalaban ko sa loob ng silid na pinagdalhan sa akin ni Desmon kaya pinaghahahanap nila ako ngayon. Bahagya akong sumilip para tingnan ang mga taong-lobo na naghahanap sa akin. Nakatalikod sila sa akin habang nag-uusap kaya hindi nila ako napapansin. Lihim akong nagdarasal na sana ay hindi sila maghanap sa bandang kinaroroonan ko dahil kapag mangyari iyon ay tiyak na makikita nila ako.
Malalakas ang mga taong-lobo at magaling ang kanilang pang-amoy ngunit hindi tumatalab sa aming mga witches ang kakayahan nilang iyon. Kahit ang kakayahang mabasa ang isip ng kanilang kaharap na siyang isa sa pinakamagaling nilang kakayahan ay hindi rin gumagana sa aming mga witches. Siguro iyon ang dahilan kung bakit pinatay ng ama ni Desmon ang aming buong clan. Dahil hindi nila kami kayang pasunurin sa kanilang kagustuhan. Dahil ayaw nila na may mga nilalang sa mundo na hindi kayang kontrolin ng kanilang kapangyarihan.
"Sa tingin ko ay wala naman dito ang alipin na iyon kaya umalis na tayo. Sa ibang lugar tayo maghanap," suhestiyon ng isang taong-lobo sa mga kasamahan nito. Sila ay ang mga taong-lobo na tinatawag na omega. Ang pinakamababang uri ng mga taong-lobo sa kanilang lahi. Kaya sila ang mga utusan at ginagawang kawal ng mga nagiging alpha.
Nakahinga ako ng maluwag nang makita kong umalis na ang mga kawal na omega. Agad akong lumabas sa pinagtataguan ko para ipagpatuloy ang paghahanap sa kaibigan ko at sa pamilya niya. Ngunit kahit anong hanap ko sa kanila ay hindi ko sila natagpuan hanggang sa nakarating ako sa isang madilim at masikip na pasilyo. Sa pag-asang iyon na ang daan patungo sa kinaroroonang kulungan ng mga taong hinahanap ko ay lakas-loob na tinalunton ko ang madilim at makipot na pasilyo na iyon. Ngunit nagulat ako nang sa halip na kulungan ang dulo ng pasilyo ay masukal na gubat ang aking nabungaran. Dahil labas na pala ang bahaging iyon. Isa palang secret passage ang pasilyong dinaanan ko.
Wala akong inaksayang oras at agad akong sumuot sa masukal na gubat para makalayo sa napakalaking mansion ni Alpha Desmon. Kailangang makatakas ako sa lugar na ito. Una kong gagawin ay puntahan ang bahay nina Julie para tiyakin kung hawak nga sila ni Desmon. Hindi ko kasi sila natagpuan kaya baka hindi totoong hawak ng alphang iyon ang kaibigan ko at ang pamilya niya.
Hindi ko kabisado ang gubat na nilalakaran ko kaya nagkandaligaw ako. Mukhang napunta pa yata ako sa pinaka-gitna ng gubat sa halip na makalabas. Tagaktak na ang pawis ko sa kakalakad at pagod na rin ako kaya ipinasya kong umupo muna at magpahinga sa isang tuyo at nakatumbang malaking puno. Init na init ako kaya ipinaypay ko ang aking mga kamay sa aking mukha at leeg habang nakapikit ang mga mata. Bigla akong napadilat nang marinig ko ang tunog ng pagkabali ng isang tuyong sanga na tila naapakan ng kung sino man. Nilingon ko ang aking likuran kung saan nanggaling ang narinig kong tunog. Isang matangkad na lalaki na may kulay silver na mga mata ang nakita kong palapit sa akin. Dahan-dahan akong napatayo mula sa pagkakaupo sa kahoy at napatitig sa mukha ng lalaki. Hindi ko na kailangan pang magtanong sa kanya kung sino o ano siya dahil nahuhulaan kong isa rin siyang taong-lobo ngunit nagmula naman sa ibang pack. Dahil sa mga mata niyang kulay silver ay nahuhulaan kong mula siya sa Silver Wolf clan. Ang pinakamatinding kaaway ng wolf clan ni Desmon.
Ang malas ko talaga. Sa dinami-rami ng mga clan na makakakita sa akin ay ang clan pa na kilala rin sa pagiging malupit ang mga miyembro. Hindi lamang ang clan ni Desmon ang kilalang malupit na wolf clan kundi pati na rin ang Silver Wolf clan. Mababa ang pagtingin nila sa mga babaeng miyembro ng clan nila kahit pa anak ito ng isang alpha o beta. Para sa kanila ay malas magkaroon ng anak na babae. Dahil ang babae sa kanila ay palahian lamang ng mga anak na magiging lalaki. Sila ang wolf clan na hindi naniniwala sa luna na mate ng isang alpha.
"Hindi ka isang taong-lobo dahil hindi ko naaamoy mula sa katawan mo ang amoy naming mga taong-lobo. Kung ganoon ay isa kang tao," kausap sa akin ng lalaki.
"Tao man ako o ano ay wala kang pakialam. Huwag mo na lamang akong pakialaman dahil hindi rin naman kita pakikialamanan," matapang kong sagot sa kanya. Ngunit ang totoo ay nagtatapang-tapangan lamang ako. Ayoko kasing mahalata ng kaharap ko na nanginginig na pala ang katawan ko dahil sa takot ko sa kanya. Paano naman ako hindi matatakot, eh, tiyak na mas malakas siya sa akin? Mabuti sana kung may alam na ako kahit na man lang isa sa mga kapangyarihan naming mga witches para maipagtanggol ko ang aking sarili. Ngunit kahit ang simoleng pag-kontrol ng tubig ay hindi ko pa kayang gawin. Kaya hindi ko alam kung paano ko maipagtatanggol ang aking sarili kapag ginawan ako ng masama ng lalaking ito.
"Iyan ang gusto ko sa mga babaeng palahian. Iyong maganda at matapang," nakangising wika ng lalaki habang nangingislap sa mga mata ang matinding pagnanasa. Nakakaramdam sila ng pagnanasa sa mga babae ngunit hindi sapat sa kanila iyon para gawing kapantay nila ang isang babae.
"Huwag kang lalapit sa akin," babala ko sa kanya nang unti-unti siyang humakbang palapit sa akin. "Hindi man ako taong-lobo na kagaya mo ay mahalagang alipin naman ako ni Alpha Desmon at mananagot ka sa kanya kapag ginawan mo ako ng masama," pananakot ko sa kanya. Baka sakaling matakot siya kapag marinig niya ang pangalan ni Desmon.
"Mahalagang alipin ka ni Alpha Desmon? Mas dapat lamang nna patayin kita. Tiyak na matutuwa sa akin ang aming alpha kapag nalaman niyang nakapatay ako ng isang mahalagang alipin na babae ng kaaway naming alpha," nakangising sagot nito sa akin.
Hindi ko maiwasan ang lalong makaramdam ng inis kay Alpha Desmon. Akala ko pa naman ay makakatulong ang pagbanggit ko sa pangalan niya para makaligtas ako iyon pala ay mas lalong nakasama pa yata.
"S-Sinabi kong huwag kang lumapit sa akin! Hanggang diyan ka lang! Talagang mananagot ka kay Alpha Desmon kapag sinaktan mo ako!" nagpapanic na sigaw ko nang biglang bumilis ang paglalakad ng lalaki palapit sa akin. Ngunit bigla na lamang itong huminto sa paglalakad at nanlaki ang mga mata. Nakaramdam ako ng tuwa dahil inisip ko na natakot yata ito sa pangalan ni Desmon. Akala ko talaga ay walang epekto sa kanya ang aking mga sinabi iyon pala ay mayroon.
"A-Alpha Desmon?" hintakot na sambit ng lalaki habang namumutla ang mukha. Napalunok pa ito na tila sobrang takot na takot ito.
"Oo. Tama ang narinig mo. Alipin nga ako ni Alpha Desmon kaya hindi mo ako maaaring saktan," nakapamaywang sabi ko sa kanya. Napahinto ako at napakunot ng noo nang makita kong tila lagpas sa akin ang kanyang paningin. Nang lumingon ako para alamin kung ano ang tinitingnan niya nanlaki rin ang mga mata ko nang makita ko si Desmon na nasa likuran ko at madilim ang ekspresyon ng kanyang mukha habang nakatingin sa taong-lobo na mala sa kaaway nitong clan. Akala ko pa naman ay natakot ang taong-lobo na kaharap ko sa ginawa kong pagbanggit sa pangalan ni Desmon iyon pala ay hindi.
"A-Alpha Desmon," kandangiwing sambit ko sa pangalan niya.
Savina's PovHindi ko alam kung matutuwa ba ako o hindi sa biglang pagdating ni Desmon. Isa siya sa kinamumuhian kong nilalang sa mundo ngunit mukhang siya pa ang magiging tagapagligtas ko ngayon laban sa isa pang nilalang na hindi ko gusto."Sinabi na nga ng babaeng ito na alipin ko siya pero gusto mo pa rin siyang patayin. Minamaliit mo ba ang kakayahan ko bilang alpha ng Golden Wolf clan?" kalmado ang boses na tanong ni Desmon sa kalabang miyembro ng ibang wolf clan. Bagama't kalmado ang kanyang boses habang nagsasalita ay halatado naman sa mukha ang panganib na dala nito."Hindi ko kailangan ang tulong mo," mariin ang boses na sabi ko kay Desmon. Hindi ko kasi matanggap na siya pa ang magiging tagapagligtas ko ngayon."Talaga? Kung hindi nga ako dumating ay mukhang papalahaw ka na ng iyak diyan sa kinatatayuan mo," nanunudyo ang boses na sagot niya sa akin. Pagkatapos ay hinawakan niya ako sa braso at hinila papunta sa kanyang likuran. "Hindi kita tinutulungan dahil nangangailanga
Savina's PovPabagsak na ibinaba ako ni Desmon sa ibabaw ng kama nang makabalik na kami sa kanyang mansion. Lalo lamang naragdagan ang galit ko sa kanya. Wala man lang pag-iingat. Ni hindi man lang niya inisip na nasaktan ako nang ibinaba niya ako na para bang nagbaba lamang siya ng isang sakong bigas na nasa balikat niya. Sabagay, ano naman ang aasahan ko sa katulad niyang ruthless. "Pakawalan mo ako, Desmon! Ayoko rito kaya puwede bng hayaan mo na akong umalis?" nilagyan ko ng pakiusap ang aking tono. Kahit alam ko nang hindi niya ako pakikinggan ay ginawa ko pa rin."Pakakawalan lamang kita kapag patay na ako. Kaya kung gusto mong makaalis sa poder ko ay magpalakas ka, Savina. Magpalakas ka at para makaya mo na akong patayin nang sa gayon ay makaalis ka na rito," kausap niya sa akin sa seryosong mukha.Lihim na lamang na naikuyom ko ang aking mga kamao. Matigas talaga ang puso ni Desmon. Kahit anong gawin kong pagmamakaawa sa kanya ay hindi niya ako pakakawalan. Ngunit may point a
Savina's PovPumasok sa loob ng silid ang babaeng lobo na tinakasan ko kahapon na Moira ng pangalan. Matalim ang kanyang mga titig at kung nakakasugat lamang ito ay tiyak na sugat-sugat na ngayon ang buo kong katawan."Kahit anong gawin mo ay hindi ka makakatakas kay Alpha Desmon," kausap sa akin ni Moira. Hindi ko sinagot ang kanyang sinabi. Salita siya ng salita ngunit nananatiling tikom pa rin ang bibig ko. Sa inis ni Moira ay itinapon niya sa mukha ko ang damit na isusuot ko bilang alipin. "Bingi ka ba o bigla kang naging pipi dahil hindi mo matanggap na hindi ka nakatakas dito?"Saka ko lamang pinansin si Moira nang marinig ko ang huling sinabi niya. "Obvious naman na hindi mo gusto na narito ako, Moira. Kaya bakit hindi mo na lang ako tulungan na makatakas dito? Nng sa gayon ay hindi mo na makita ang pagmumukha ko?" pangungumbinsi ko sa kanya. At sana ay makumbinsi ko siya. Ayaw niyang narito ako at ayoko rin namang narito ako kaya dapat ay magtulungan na lamang kami."Ibig mong
Savina's PovDala ang ilang piraso ng niluto kong bacon at ham na half-cook lamang ang pagkakaluto ay nakasimangot na nagtungo ako sa silid ni Alpha Desmon. Mabuti na lamang nasa first floor ang kanyang silid dahil kung nagkataong nasa itaas ay tiyak na mahihirapan akong magbuhat at mag-akyat ng tubig papunta sa kanyang banyo. May generator naman ang bahay niya dahil hindi kayang maabot ng supply ng kuryente ang lugar na ito ngunit bakit hindi na lang din ginamitan ng makina para nagkaroon sila ng gripo nang sa gayon ay hindi na mahihirapan ang mga alipin sa pagsalok ng tubig. Hindi kaya biro ang paulit-ulit na magsalok at magbuhat ng tubig mula sa ilog hanggang dito sa mansion. Kailangan ng matinding lakas at stamina para magawa ang trabahong iyon. Mabuti sana kung sobrang lapit lamang ng ilog ang kaso malayo. Ang laki ng mansion na ito ngunit walang gripo.Nang makarating ako sa tapat ng silid ni Alpha Desmon ay malakas na kumatok ako sa pintuan."Come in," pagalit na sagot nito mul
Savina's PovKahit nasa harapan ako ng puntod ng ama ni Desmon na dating alpha ng Golden Wolf clan ay hindi pa rin ako lubusang makapaniwala na wala na nga siya. Ano ang silbi ng kanyang paghihiganti kung hindi niya makikita at mararamdaman ang sakit na naramdaman ko nang mawala ang mga mahal ko sa buhay?"Ano pa ang hinihintay mo, Savina? Hukayin mo ang puntod ng ama ko at gawin mo kung ano ang gusto mong gawin sa kanyang mga buto para makaganti ka sa ginawa niya sa pamilya mo," mariin ang boses na wika ni Desmon sa akin. Ngunit hindi ako kumilos at nanatili lamang akong nakatingid sa puntod ng ama niya. "Ano pa ang hinihintay mo, Savina? Gawin mo na kung ano ang gusto mo?" sigaw ni Desmon nang hindi pa rin ako tumitinag sa kinatatayuan ko.Masama ang tingin na sinulyapan ko si Desmon. "Hindi ako masama katulad ninyo. Hindi man ako makapaghiganti sa kanya ay natitiyak ko na nabubuhay pa ang iba pa niyang mga kasama na lumusob sa tahanan namin.""So ano? Hindi mo na ako paghihigantiha
Dorco's Pov"Ano? May pinatay si Desmon na miyembro ng ating pack?" nanlilisik sa galit ang mga mata na tanong ko kay Arkin na aking kanang kamay. Si Desmon ay ang bagong alpha ng Golden Wolf clan at mortal na kaasay ng aming Silver Wolf clan. Gusto ko siyang patayin para ako na ang mamuno sa kanyang pack. Ako na ang magiging pinakamalakas at makapangyarihang alpha ng aming lahi."Opo, Alpha Dorco. Hindi sinasadyang nakita namin sa kagubatan ang katawan ni Allou na pinag-aagawan ng mga hayop. Nang suriin namin ang katawan niya ay natuklasan namin na wala na siyang puso. Dinukot ang kanyang puso at alam naman natin kung sino lamang ang nilalang na may kakayahang gumawa ng ganoong kalupit na pagpatay. Tanging si Alpha Desmon lamang ay nakakagawa niyon," paliwanag sa akin ni Arkin.Sa tindi ng galit ko ay itinapon ko ang mesang nasa harapan ko. Wala akong pakialam sa pinatay ni Desmon na miyembro ng aking pack dahil kinaiinisan ko rin namam si Alloy na anak ng aking beta. Palagi niya ako
Savina's PovSa pamamagitan ng aking mga daliri ay itinaas ko sa ere at binaluktot ang tinidor na dinala ko sa loob ng aking silid papunta mula sa kusina. Kailangan ko nang mag-umpisang matutunan ang kahit pinaka-basic na kapangyarihan naming mga witches. Ang magpagalaw ng mga bagay sa aking paligid. Kanina ay sinubukan kong palutangin sa gamit ng aking mga kamay ang lahat ng mga nakikita kong gamit sa loob ng aking silid at natuwa ako nang kahit paano ay kaya ko nang magpagalaw o magpalutang ng bagay. Ngunit ilang segundo lamang ang itinagal sa ere ng mga pinalutang kong bagay at bumagsak agad. Para sa katulad kong nag-uumpisa pa lamang matutuhan ang aking mga kapangyarihan ay hindi na iyon masama bilang pagsisimula. Sa katagalan ay mamamaster ko rin ang mga kapangyarihan ko."Yes!" nagagalak kong sambit nang magawa kong pabaluktutin ang tinidor. Sa kakayahan kong ito kahit paano ay magagawa ko nang maipagtanggol ang aking sarili kapag may magtangka sa aking buhay. Ngunit bigla rin a
Savina's PovTahimik lamang ako habang ipinagpapatuloy namin ang aming paglalakad papunta sa ilog kung saan kami sasalok ng tubig. Hindi kasi mawala sa isipan ko ang sinabi ni Desmon sa akin kanina bago nila kami iniwan. Ang sabi niya ay wala akong kuwentang alipin at parurusahan niya ako mamaya pagbalik ko sa bahay niya. Ano naman kayang klaseng parusa ang igagawad niya sa akin? Dahil lamang sa sinagot ko si Allana ay paparusahan na niya ako agad? Totoo nga kaya ang sinasabi nila na gagawin niyang luna ang babaeng iyon pagdating ng tamang panahon? Kapag mangyari iyon ay natitiyak ko na lalo lamang tataas ang tingin ni Allana sa kanyang sarili. Baka maging langgam na lamang ang tinginn niya sa mga kalahi niya lalong-lalo na ang mga omegang alipin. "Bakit kanina ka tahimik, Savina? Inaalala mo ba ang magiging ksparusahan sa'yo ni Alpha Desmon mamaya?" biglang tanong sa akin ni Susa na isa ring alipin."Nakakatakot pa naman kung magparusa ang ating alpha. Naalala niyo ba noong nakaraa