012

"Nabusog ako..." Hinimas ko ang aking tiyan, saka tumayo na. Uuwi na ako sa bahay at doon magpapahinga. Gusto ko lang matulog nang matulog, dahil bukas papasok na ulit ako sa trabaho.

Parang tinatamad na akong maligo. Sa bahay na lang. Kukunin ko lang sa kaniyang kuwarto ang purse ko.

Mag-taxi na lang akong pauwi, para hindi ko siya maabala pa. Baka may iba pa siyang gagawin ngayong araw.

"Diyan ka lang?" tanong ko kay Darius nang nanatili lang siya sa kaniyang kinauupuan. Taimtim at walang imik siyang nakatingin sa akin.

"Saan ka pupunta?" tanong naman niya sa halip.

"Sa taas, kukunin ko lang ang gamit ko, tapos uuwi na ako."

"Uuwi ka na agad?" Sa tono niya parang ayaw niya akong pauwiin.

Kumunot ang aking noo.

"Mag-swimming tayo," aya niya sa akin, sabay baling sa gawi ng swimming pool.

Nagkamot ako ng ulo. Dapat minemenos niya din sa utang ko ang mga oras ko na sinasayang lang niya, e.

Ngumuso ako at hindi agad sumagot. Gusto ko ng umuwi, e. Tapos siya naman parang naghah