CHAPTER 5:

IKINAGULAT NI AMELIA ang sinabing iyon ng Kuya Danny niya, "K-Kuya. . ." Nagproprotesta ang kanyang mukha nang bumaling siya sa kapatid. 

"Hey, I did not force Amelia to do it!" Mariing sagot naman ni Justin, "Amelia, ano ito?  Alam mong walang nangyaring sapilitan sa. . ."

"Pananagutan mo si Amelia or gusto mong sampahan kita ng kaso at makaladkad ang pangalan mo at ang kompanya mo sa eskandalo!" Giit ng Kuya Danny niya saka mabilis na itong lumabas ng condo unit ni Justin.

"What the hell!" Narinig niyang sigaw ni Justin.  Siya naman ay nagmamadaling sinundan ang Kuya Danny niya.  Hindi kasama ito sa kanilang mga plano.  Parang susobra na ang Kuya Danny niya.  Pakakasalan niya si Justin para lamang maisakatuparan ang kanilang mga plano?  

"Kuya, this is insane!  Wala sa usapan natin ito," halos pabulong lamang na sabi niya dito ngunit wala siyang narinig na kahit ano mula sa kanyang kapatid.  

"DAMN AUNTIE, THIS IS CRAZY!  Ano bang pumasok sa lalaking iyon para pilitin nya akong pakasalan ang kapatid nya?  I did not rape her!  Kusa siyang sumama sa akin dito!" Parang gusto niyang magwala habang nagpapaliwanag sa kanyang Auntie Criselda.

"Calm down, kakausapin ko si Danny tungkol dito, okay?" Mahinahong sabi sa kanya nito.  

Huminga ng malalim si Justin saka naupo sa couch.

"Aayusin ko ito, okay?  Pero sana kasi, hindi si Amelia ang pinagbuntunan mo ng desperation mo kay Pamela!" Tila nanunumbat na sabi nito, bago pa siya makapagpaliwanag ay nagmamadali na nitong sinundan sina Danny.

Naiwan siyang gulong-gulo ang isipan.  Paanong nauwi sa ganito ang lahat?  Kagabi lang ay nag-eenoy sila.  Kung alam lamang niyang mahahantong sa ganito ang mga pangyayari, iniwasan na sana niya ang babaeng iyon.

Tumunog ang kanyang phone.  Ang pinsan niyang si Antonette ang nasa phone, "Hey, Kuya Justin. Have you heard? Pamela and Miguel are finally official.  Naka post sa social media nila!"

Biglang nagdilim ang paningin niya.  Parang gusto niyang magwala ng mga sandaling iyon.  Kinumpirma lang ng ibinalitang iyon ng kanyang pinsan ang matagal na niyang hinala.  Nuon pa man, nararamdaman niyang may pagtingin ang kanyang kaibigang si Miguel kay Pamela.  Naghihimagsik ang kalooban niya.  Hindi niya alam kung saan siya mas nagagalit.  Sa pagtraydor sa kanya ng dalawa o ang katotohanang mas pinili ito ni Pamela kaysa sa kanya.

"KUYA DANNY, WALA sa usapan natin ito.  Hindi mo kailangang pilitin si Justin na pakasalan ako," sabi ni Amelia sa kapatid nang makaalis na si Criselda.  Narinig niya ang pagtatalo ng dalawa kanina.  Maging si Criselda ay hindi sang-ayon sa gustong mangyari ng Kuya niya.

Tiningnan siya ng matiim ng kapatid, "Wala rin sa usapan natin na basta mo na lamang ibibigay ang iyong sarili sa lalaking iyon!"

Napatungo siya.  Ramdam niya ang matinding galit ng kapatid niya.  At hindi niya alam kung paano ito pakakalmahin.  Alam niyang may tama naman ang Kuya niya.

"Ang plano natin, maghihiganti tayo sa kanila.  Sa tingin mo, mapapaibig mo pa si Justin kung basta mo na lamang ibinigay ang sarili mo ng walang kahirap-hirap, ha?" Sumbat nito sa kanya, "Talaga bang hindi ka nag-iisip?"

Hindi siya makasalita.

"Pero mabuti na rin itong nangyari.  Mas mabilis nating maiisagawa ang plano dahil hindi makakahindi si Justin sa proposal ko.  Or else, idedemanda ko siya at sisirain ko ang pangalan ng kanyang kompanya. Isa pa, you just turned 18 last month. . .madali namang idiniin na lango ka sa alak!  Madali nang gumawa ng mga fake news ngayon."

"Kuya. . ."

"Pero ito ang tandaan mo, huwag na huwag kang iibig sa lalaking iyon!  Mapapatawad kita sa nangyari ngayon.  But don't forget na ginagawa natin ito para kay Mommy.  Sasaktan mo si Justin and not the other way around!" Paalala nito sa kanya.

"BAKIT KAILANGAN MO SILANG PILITIN, DANNY?" Tanong ni Criselda sa lalaki.  Alam niyang hindi makatarungan ang ginagawa nito dahil hindi naman nagmamahalan sina Amelia at Justin.  "Hindi mo ba naiisip na inilalagay mo sa alanganin ang kapatid mo sa ginagawa mong ito? Hindi naman lingid sa iyo na mahal na mahal ni Justin si Pamela at. . ."

"Mas maganda namang di hamak ang kapatid ko sa Pamela na iyon!  Matutunan rin nilang mahalin ang isa't-isa.  Besides, hindi ka ba masayang magkatuluyan ang dalawa?  At least, matinong babae ang kapatid ko!"

Napabuntong hininga na lamang ng malalim si Criselda.  Sabagay, kung siya ang tatanungin, mas gusto niyang si Amelia ang makatuluyan ng pamangkin niya kaysa naman kay Pamela na parang napakahirap pagkatiwalaan.  Ngunit kilala niya si Justin.  

Ayaw niyang masaktan ni Justin si Amelia dahil hindi na iba ang dalaga sa kanya.  Nabasag ang katahimikan nang tumunog ang kanyang phone.  Si Justin ang nasa kabilang linya.  Nag-aalalang napatingin siya kay Danny.  Hindi ito kumibo.  Sinagot niya ang tawag ni Justin.

"Payag na akong pakasal kay Amelia!"