CHAPTER 4:

MASAKIT NA MASAKIT ANG BUONG KATAWAN NI AMELIA NANG MAGISING kinabukasan.  Ngunit tila nahimasmasan siya nang tuluyang mabalik ang kanyang buong kamalayan at makita sa tabi niya si Justin, pareho silang hubo't hubad.  

Nagmamadali siyang bumangon, dinampot ang kanyang mga damit na nagkalag sa sahig at tumakbo sa loob ng banyo habang pilit na ni-re-recall ang mga pangyayari kagabi.  Naalala niya, dumiretso sila sa bachelor's pad nito na ni wala man lamang pagtutol siyang nararamdaman sa kanyang dibdib.  Sa halip ay buong puso, buong kaluluwa niyang ibinigay dito ang kanyang sarili.  Gusto niyang murahin ang kanyang sarili. God, wala ito sa kanilang mga plano ng Kuya Danny niya.  Mas lalong hindi kailanman niya naisip na ibibigay niya ang kanyang virginity sa lalaking ito, ang apo ng taong kinamumuhian niya!

Paglabas niya ng banyo ay nakita niya si Justin na may kausap sa telepono.  Tumayo ito, napapikit siya nang makita ang hubo't hubad nitong katawan, ni walang pag-aalinlangan na makita niya ang maselang parte ng katawan nito.  Sabagay, ngayon pa ba siya mag-iinarte eh kagabi lang, ibinigay niya ang kanyang sarili dito?  Pulang-pula ang mukhang umiwas siya ng tingin dito, nahagip ng kanyang mga mata ang sumilay na ngisi sa mga labi nito, "Kuya Danny mo, nasa telepono."

Rumihistro ang takot sa mukha niya. The mere fact na si Justin ang tinawagan nito at hindi siya, alam na ng Kuya Danny niya kung saan siya nagpalipas ng buong magdamag.

"K-Kuya. . ." halos paanas lamang na sambit niya.

"Huwag kang aalis diyan, papunta na kami ni Criselda." Anang Kuya Danny niya.  Nataranta siya.  Ano bang bnabalak ng Kuya Danny niya?

"Kuya. . ." Ngunit bago pa siya makasalita ay nawala na eto sa ere.  Walang kibong iniabot niya kay Justin ang phone nito habang nakatungo, "Pwede bang magsuot ka na ng damit.  P-papunta si Kuya Danny dito." Pabulong na sabi niya rito.

"What for?" Tanong nito, "Pwede naman kitang ikuha ng grab. Huwag ka nang magpasundo," sabi nito habang isa-isang dinadampot ang mga damit nito.  Hindi siya umimik.  Pakiramdam niya ay iba ang pakay ng Kuya Danny niya kaya gusto siya nitong puntahan sa condo ni Justin.

Nanlalamig ang kanyang mga talampakan at pinagpapawisan ang kanyang mga kamay.  Hindi siya makapag-isip ng tama.  Napakagat labi siya nang madako ang tingin niya sa dugong nakakalat sa bed sheet.  Nagpapaalala iyon kung paano niya isinuko ng ganun ganun na lamang kay Justin ang buong pagkababae niya.

Shit.

Ganito ba kababa ang pagkatao niya para basta na lamang siyang bumigay dito?  Bakit sa halip na maisahan niya ito, ito yata ang nakaisa sa kanya.

HABANG NASA BANYO ay sumasagi sa isipan ni Justin ang nagdaang gabi.  Hindi niya maintindihan kung bakit ni hindi ito pumalag nang yayain niya kagabi sa kanyang unit.  Akala niya, ganun talaga ito kaya nagulat siya nang malamang siya ang kauna-unahang lalaki na nakaniig nito.

Hah, siguro ay nalasing talaga ito kaya ibinigay ang pagkakababae sa kanya.  Anyway, hindi naman niya ito pinilit kaya di siya dapat na ma-guilty.  

Naligo siya ngunit di maalis-alis sa isipan niya ang namagitan sa kanila ni Amelia.  Aminado siyang nag-enjoy siya ng husto. Yeah, alam niyang sa umpisa ay nasaktan si Amelia dahil first time nito iyon.  Pero ang pangalawang beses, tiyak nyang nag-enjoy na ito.  Para tuloy muling nag-iinit ang kanyang katawan habang naalala ang mahihinang mga ungol nito habang naglalabas masok siya sa basang-basa nitong pagkababae.

Pinaspasan na niya ang paliligo.  Nang lumabas siya, nasa salas na si Amelia.  Wala itong imik, tila napakalalim ng iniisip.  Marahil ay pinagsisihan na nito ngayon na ibinigay nito ang pagkababae sa kanya.  Ngunit hindi siya dapat na ma-guilty.  Bukod sa hindi naman niya ito pinilit sa nangyari sa kanila kagabi, nasa wastong edad na ito kaya wala siyang magiging atraso kung sakali.

"Tatawag ako ng taxi para. . ." Hindi na niya natapos pa ang kanyang sasabihin dahil narinig niya ang sunod-sunod na door bell sa labas ng pinto.  Pagbukas niya, nakita niya ang nagtatangis na mga bagang ni Danny habang ang Auntie Criselda naman niya ay waring nanunumbat ang pagkakatingin sa kanya.

Mabilis na nilapitan ni Danny si Amelia, saka muling bumaling sa kanya, "What happend?" Nagtatanong ang mga mata nito, seryoso, at halatang may galit.

Nagkibit balikat siya, na para bang gusto niyang sabihin, "Ano pa ba sa palagay mo ang nangyari sa amin ng kapatid mo?  Alangan namang nagbasa kami ng Bible buong magdamag?" Chill lang siya habang nakatingin dito.  Alam naman nila pareho ni Amelia na walang sapilitan na nangyari kagabi.

Kaya nagulat siya sa kasunod na sinabi ni Danny, "Kailangang panagutan mo si Amelia!"