Chapter Twenty-four

Unknown number:

[Please come down for a minute. I will wait here till my legs are broken as long as you don’t show up.]

“Pfft.” 

Hindi ko mapigilan ang matawa sa message niya.

Sige na nga, mas mabuti nga siguro ang bumaba muna at puntahan siya kahit saglit lang.

Baka rin matagalan pa silang mag-usap ng Sam na iyon sa opisina, at kung mananatili ako doon, malamang makakaistorbo lang ako.

Ayaw din naman ni Liam na magsalita ako ng kahit na ano kapag may ibang tao.

Kaya ano pa ang gagawin ko doon? Tutunganga at aantayin siya na parang isang bata na sinama sa opisina?

Namalayan ko na lang na nagsimulang maglakad ang mga paa ko patungo sa elevator para makababa sandali. Itinaas kong muli ang phone ko para i-save ang unknown number at pangalanan itong 'mushroom' sa contacts. 

Teka, ano nga ulit ang pangalan ng lalaking iyon?

Tatawagin ko na lang siyang mushroom sa ngayon. After all, para nama