CHAPTER 7

CHAPTER 7

KINAKABAHANG pumasok ako sa bahay at pinaghahandaan na ang maaaring sabihin ni mama. Hindi ako sigurado kung wala ba talagang nakakita sa paghatid ni Rafael hanggang sa kanto papasok sa subdivision na tinitirhan namin.

Nagmano ako habang may tinutupi siyang damit.

"Tamara, maaga akong aalis bukas," paalam niya sa akin. Saka ko pa lang napansin ang isang maliit na maleta malapit sa kanya.

"Saan po ang punta niyo, Ma?" magalang kong tanong.

"May teachers seminar akong pupuntahan at ngayong taon sa municipality ng San Vicente gaganapin ang seminar. Mga isang linggo rin ako roon kaya pagbutihin mo ang pag-aaral," bilin niya.

"Opo, Ma. Ingat po kayo," tanging nasabi ko.

"Lock the door and windows properly. Pwede kang magpasama ng kaklase mo rito kapag gabi but no boys, Tamara," matapang ang hitsura niya habang sinasabi iyon.

"Opo, Ma," maikling sagot ko. Si Jewel na lang ang kakausapin ko para may kasama ako rito.

"Pagbalik ko ay mamimili na tayo ng susuotin mong damit para sa