Chapter Fifty Two

                         UMAGA na ng magising ako. Namilog pa ang mga mata ko nang mahagip ng tingin ko ang orasan na nakasabit sa dingding ng kuwarto.Alas siyete na pala ng umaga kaya't tinatamad na bumangon ako at kapagkuwa'y naupo ako sa gilid ng kama. Naihilamos ko na lang din ang dalawa kong palad matapos kong maalala ang birthday party ni Tita Beatrice na kagabi pa ginanap.

Binalingan ko si Thana na ngayon ay mahimbing pa rin na natutulog. Muling sumagi sa isip ko ang nangyari sa kanya kagabi, kaya't mataman ko siyang pinagmasdan.

Wala naman akong nakikitang kakaiba kay Thana. Kung sakali naman na totoong nahimatay nga siya, eh bakit gano'n? Bakit, mukhang payapa naman ang kanyang pag tulog?

Sunod-sunod na buntong hininga ang aking pinakawalan bago ko dinampot ang tuwalya at kapagkuwa'y dumiretso na ako sa banyo upang maligo.

Halos kalahating oras din akong nag-stay sa banyo at paglaba