Share

TEB #4: I Married a Billionaire in Disguise
TEB #4: I Married a Billionaire in Disguise
Author: Senyorita

Chapter 1

Author: Senyorita
last update Petsa ng paglalathala: 2026-11-15 19:58:16

RORY POV

Umalingawngaw ang nakakabinging tunog ng basag na wine glass sa buong grand ballroom. Kasunod nito ay ang singhap ng daan-daang bilyonaryo, pulitiko, at mga high-society elites na imbitado sa pinakamalaking event ng pamilya namin.

Pero para sa akin, biglang huminto ang ikot ng mundo.

Nakatayo ako sa gitna ng bulwagan, mabigat bawat ang paghinga ko. Ang nanginginig kong kamay ay may hawak pang kapirasong bubog mula sa mamahaling wine glass na ibinato ko. Sa paanan ko, nakahandusay at namimilipit sa sakit si Don Valdemar, ang pitumpung taong gulang, ang pinakamalaking investor ng pamilya namin, at ang manyakis na walang-habas na humimas sa hita ko ilang segundo lang ang nakakalipas. Tumutulo ang masaganang dugo mula sa pumutok niyang noo papunta sa kanyang puting tuxedo.

"Aurora!"

Yumanig ang boses ng tatay ko. Bago pa ako makapagsalita, isang malakas na sampal ang nagpadilim sa paningin ko. Napasalampak ako sa malamig na sahig. Lasang kalawang ang dugong agad na pumutok sa labi ko.

"Anong ginawa mong hayop ka?!" nanggagalaiting sigaw ni Papa, ang mga mata niya ay nanlilisik sa galit. Hindi sa akin, kundi dahil sa duguan niyang VIP guest.

Agad na lumapit ang stepmother ko at ang paborito nilang anak na si Cassandra. Kunwari silang nag-aalala kay Don Valdemar, pero nakita ko ang palihim na ngisi sa labi ng kapatid ko. Tuwang-tuwa siya. Ito ang sandaling matagal na nilang hinihintay, ang tuluyang masira ang kaisa-isang anak sa labas na sumisira sa perpekto nilang family portrait.

Kinaladkad ako ng dalawang security guard papunta sa private study room ni Papa. Rinig na rinig ko ang pagbagsak ng malalaking p***o, isinasara kami mula sa mapanghusgang mata ng publiko. Pero ang totoo, ang nasa loob ng kwartong ito ang mga tunay na demonyo.

Isang matinding sampal na naman ang sumalubong sa akin pagtayo ko.

"Isang bilyong piso, Aurora!" nanginginig ang buong katawan ni Papa habang dinuduro ako. "Isang bilyong pisong kontrata ang pipirmahan na sana ni Don Valdemar ngayong gabi para maisalba ang kumpanya! Ang kailangan mo lang gawin ay ngumiti at ibuka ang mga binti mo! Wala ka talagang kwentang bata ka, sumpa ka sa pamilyang 'to!"

Tumawa ako. Isang mapait at tuyong tawa na nagpainit lalo sa ulo nila. "Kaya pala ako ang ipinilit niyong isama sa VIP table. Binenta niyo ako? Binenta niyo ang sarili niyong anak para sa kumpanya?!"

"Huwag kang mag-inarte, Rory," malamig na sabat ni Helena habang nakahalukipkip, suot ang kanyang milyun-milyong halaga ng diyamante sa leeg. "Anak ka lang sa labas. Isang malaking utang na loob na nga na pinatira ka namin sa mansyong ito, pinakain, at dinamitan. Oras na para magbayad ka. Pero dahil sa pagiging iskandalosa mo, sinira mo ang kaisa-isang silbi mo."

"Oh, look at her, Mommy. She thinks she's so pure," pang-aasar ni Cassandra. Naglakad siya palapit sa akin, tinitingnan ako mula ulo hanggang paa na parang isang basurang nakakalat sa kwarto niya. "Kung umasta ka, akala mo prinsesa ka. You're just a bastard. Since you act like trash, you deserve to be treated like one."

Tumingin si Papa kay Cassandra at tumango, na tila may napagkasunduan na sila bago pa man ako kaladkarin dito. Inayos niya ang gusot ng kanyang suit at bumuntong-hininga. Nawala ang galit sa boses niya, napalitan ng isang nakakakilabot na lamig.

"Gusto mong magmalinis? Pwes, ibibigay ko sa'yo ang buhay na nararapat sa isang katulad mo." May pinindot siya sa intercom sa ibabaw ng kanyang mesa. "Ipasok niyo na 'yung kargador dito."

Bumukas ang p***o at pumasok ang dalawa pang guwardiya na hawak-hawak sa magkabilang braso ang isang lalaki. Pagpasok pa lang niya, nalanghap ko na ang amoy ng usok, araw, at engine oil, isang matapang na amoy na walang puwang sa air-conditioned at mabangong kwartong ito. Nakasuot siya ng kupas at maduming asul na delivery uniform ng de Villa Enterprises. Nakakuba ang matataas niyang balikat, at ang ulo niya ay nakayuko, itinatago ang mukha sa ilalim ng isang luma at nisnis na cap.

"Ito si Dante," malamig na pakilala ni Papa. "Isang hamak na tagalinis at deliveryman sa warehouse natin sa pantalan. Kaninang umaga, nakasira siya ng isang buong batch ng imported luxury goods natin dahil sa katangahan niya. Limang milyong piso ang halaga ng sinira ng lalakeng 'yan."

Hindi umimik ang lalaki. Nanatili siyang nakayuko. Sa paningin ko, isa siyang kaawa-awang nilalang na dinudurog ng kapangyarihan ng pamilya ko. Pareho lang kami.

Lumapit si Papa sa lalaki. "Dante. May utang kang limang milyon sa akin. Ipapapulis kita at bubulok sa kulungan buong buhay mo, o kahit ang buhay pa ng mga magiging anak mo." Natahimik ang buong kwarto. "Pero... may isa akong alok."

Tinuro ako ni Papa na parang isang sirang gamit na ipamimigay. "Kukunin mo ang walang-kwentang anak kong ito. Dadalhin mo siya kung saang impyerno ka man nakatira. Ipapakasal ko kayong dalawa ngayon din para hindi na siya makabalik sa lugar na ito. Kapag ginawa mo 'yan, burado na ang limang milyon mo. Pero sa oras na ibalik mo siya rito, o makita ko ang pagmumukha niyong dalawa sa teritoryo ko, ipapakulong kita. Maliwanag ba?"

Nagtawanan si Cassandra at Helena. Ito pala ang plano nila. Ang ipatapon ako sa pinakanakakahiyang paraan para hindi ko na kailanman makuha ang apelyido o ang mana ng mga de Villa. Gusto nilang maging katatawanan ako ng buong bansa, ang anak ng bilyonaryo na ipinakasal sa isang mabantot na basurero.

"Luhod, Rory," nakangiting bulong ni Helena habang lumalapit sa akin. "Luhod at magmakaawa ka sa Papa mo. Baka sakaling magbago ang isip niya. Baka pwedeng gawin ka na lang kabit ni Don Valdemar kaysa makisiping sa hampaslupang 'yan. Sayang naman ang ganda mo kung sa estero ka lang titira."

Nanginig ang mga kamao ko. Unti-unti akong tumayo, nararamdaman ang kirot sa mga tuhod ko at ang pagkirot ng pumutok kong labi. Pinunasan ko ang dugo gamit ang likod ng kamay ko at tiningnan ko silang tatlo. Tiningnan ko ang mga taong tinawag kong pamilya, ang mga taong ginawa ko ang lahat para lang mahalin ako.

Wala akong nakita kundi mga halimaw.

"Hinihintay niyo ba akong umiyak?" malamig kong tanong. Tumaas ang kilay ni Papa at nawala ang ngiti ni Cassandra. "Hinihintay niyong magmakaawa ako sa inyo na huwag niyo akong itapon?"

Humakbang ako palapit kay Papa, hindi pinapansin ang pamamangha sa mukha niya. "Kahit sa aso niyo pa ako ipakasal, mas pipiliin ko 'yon kaysa manatili ng isang segundo sa pamilyang 'to. Gusto niyo akong itapon? Sige. Dahil nakakasuka na ang amoy ng pera niyo."

Tinalikuran ko sila. Naglakad ako papunta sa lalaking nakakuba sa gitna ng kwarto. Nakayuko pa rin siya, at mukhang nanginginig ang malalapad niyang balikat. Kawawang lalaki. Gagamitin pa siya sa laro ng pamilya ko.

Walang pag-aalinlangang inabot ko ang kamay niya. Magaspang, malaki, at mainit. Nabigla siya sa paghawak ko, bahagyang nanigas ang braso niya.

"Tayo na," mariing sabi ko kay Dante, mahigpit na hinawakan ang kamay niya. "Bago pa ako makapatay ng tao dito."

Hindi na ako lumingon. Hinila ko siya palabas ng opisina, palabas ng grand ballroom, at palabas ng buhay na pilit umalipin sa akin. Handa na akong maghirap. Handa na akong magtinda sa kalsada, maglaba, o mamatay sa gutom kaysa bumalik sa kanila.

Habang naglalakad kami sa mahabang driveway ng mansyon sa ilalim ng ulan, humigpit ang hawak ng lalaki sa kamay ko. Isang hawak na pamilyar at nakakapanibago.

Nang sulyapan ko siya, inaasahan kong makakita ng isang lalaking nanginginig sa takot. Pero bahagyang naangat ang luma niyang cap. Sa liwanag ng mga poste ng ilaw, nagtagpo ang mga mata namin.

Walang takot sa mga mata niya. Sa halip, may isang malamig, malalim, at nakamamatay na dilim sa kanyang mga titig. At sa isang saglit, sa ilalim ng bumabagsak na ulan, nakita ko ang pagguhit ng isang mapanganib na ngisi sa kanyang labi.

Patuloy na basahin ang aklat na ito nang libre
I-scan ang code upang i-download ang App

Pinakabagong kabanata

  • TEB #4: I Married a Billionaire in Disguise   Chapter 8

    DANTE POVInaasahan kong lalayo siya. Inaasahan kong makikita ko ang pandidiri at panginginig sa katawan niya matapos niyang masaksihan kung paano ko walang-awang binali ang mga buto ng dalawang higanteng lalaki sa harap niya.Pero nang humakbang siya palapit at isiksik ang mukha niya sa dibdib ko, gumuho ang lahat ng yelo sa puso ko.Naramdaman ko ang maliliit niyang mga kamay na mahigpit na nakakapit sa gusot kong puting t-shirt. Nanginginig siya, hindi dahil sa takot sa akin, kundi dahil sa ginhawang nandito ako para iligtas siya. Sa sandaling iyon, habang yakap-yakap ko ang asawa ko sa gitna ng maalikabok at maingay na palengke, isang malamig na desisyon ang nabuo sa isip ko.Tinakot nila ang asawa ko. Sinaktan nila siya. Tapos na ang laro.Nang makauwi kami sa barong-barong, hindi ako nagsalita. Pinaupo ko siya sa gilid ng manipis na foam, kumuha ako ng yelo mula sa maliit na sari-sari store sa labas, at binalot iyon sa isang malinis na basahan.Dahan-dahan akong lumuhod sa harap

  • TEB #4: I Married a Billionaire in Disguise   Chapter 7

    RORY POVNagising ako kinabukasan na may nakakagutom na amoy ng bawang at pritong itlog na pumupuno sa maliit naming barong-barong. Pagbangon ko, napangiti ako agad sa nakita ko.Nakatayo si Dante sa harap ng maliit naming kalan, nagluluto ng sinangag. Pero ang mas nakapagpabilis ng tibok ng puso ko ay ang suot niya. Sinuot niya ang isa sa mga puting t-shirt na niregalo ko kahapon. Dahil 150 pesos lang iyon at gawa sa murang cotton, medyo hapit ito sa katawan niya. Bakat na bakat ang malalapad niyang balikat, ang matipuno niyang dibdib, at ang mga braso niyang siksik sa muscle habang naghahalo ng kanin.Kung hindi ko lang alam na isa siyang kargador, aakalain kong isang sikat na high-end model ang asawa ko na nagshu-shoot ng commercial para sa kape."Gising na pala ang misis ko," malalim at malamig na bati niya nang mapansin akong nakatitig sa kanya, pero may bahagyang ngisi sa labi niya.Umiwas agad ako ng tingin, nararamdaman ang pag-init ng pisngi ko. "A-Ang aga mo naman yata naglu

  • TEB #4: I Married a Billionaire in Disguise   Chapter 6

    DANTE POVMatapos ang nakakabinging katahimikan at ang nakakatawang pagkagulat ni Rory, dahan-dahan kong isinuot muli ang luma kong t-shirt. Rinig na rinig ko pa rin ang mabilis na pag-iwas niya ng tingin at ang mahina niyang pag-ungol sa hiya habang nagkukunwaring inaayos ang mga lalagyan ng cookies.Napangisi ako habang pinagmamasdan ang likod niya. Cute siya non ah. Sa buong buhay ko bilang si Dante Montenegro, walang sinuman ang nagtangkang mamula at mataranta sa harapan ko. Kadalasan, takot at kaba ang nakikita ko sa mga mata ng mga taong nakakaharap ko. Pero kay Rory? Nakita ko ang purong kainosentihan at... pagnanasa na pilit niyang itinatago.Nilapitan ko siya. "Tapos na ako magbihis, misis ko. Pwede na ba akong tumikim niyan?"Dahan-dahan siyang lumingon, mapula pa rin ang pisngi niya pero pilit na siyang ngumingiti. Kumuha siya ng isang chocolate chip cookie mula sa improvised oven toaster at inabot sa akin.Kumagat ako. Sanay ang dila ko sa mga pagkain mula sa mga Michelin-

  • TEB #4: I Married a Billionaire in Disguise   Chapter 5

    RORY POVMainit at maalinsangan ang buong hapon. Ang hangin na pumapasok mula sa maliit na siwang ng barong-barong namin ay parang nanggaling sa singaw ng kumukulong tubig. Pero sa kabila ng pawis na tumutulo sa noo at leeg ko, hindi ko magawang magreklamo. Punong-puno kasi ng amoy ng asukal, vanilla, at tunaw na mantikilya ang maliit naming kwarto, isang matamis na amoy na pansamantalang nagtatago sa baho ng estero sa labas.Kakatapos ko lang hanguin ang ikatlong batch ng chocolate chip cookies mula sa maliit at improvised na oven toaster na nabili namin sa surplus. Pinunasan ko ang noo ko gamit ang likod ng kamay ko. Nakangiti ako habang pinagmamasdan ang mga nagawang cookies. Ibebenta ko ito mamaya sa mga sari-sari store at sa kanto malapit sa eskwelahan.Kailangan kong kumita. Kailangan kong magsikap. Habang naiisip ko kasi kung paano magbuhat ng napakabibigat na sako si Dante araw-araw para lang may makain kami, nadudurog ang puso ko. Gusto kong gumaan ang buhay niya. Gusto kong

  • TEB #4: I Married a Billionaire in Disguise   Chapter 4

    DANTE POVTahimik lang ang gabi sa estero, binabasag lamang ng mahihinang paghilik ng mga kapitbahay at patak ng ulan mula sa butas-butas na yero. Nakaupo ako sa malamig na semento sa sulok ng madilim naming kwarto, nakasandal ang likod sa pader. Nakatutok ang mga mata ko sa isang direksyon, kay Aurora.Natutulog siya sa manipis at murang foam na binili namin kanina. Nakabaluktot siya, pilit pinapagkasya ang sarili sa maliit na espasyo, ang mahaba at makinis niyang buhok ay nakakalat sa ibabaw ng unan. Wala na ang mamahalin niyang mga damit. Nakasuot siya ng lumang t-shirt ko.Pero para sa akin, hindi pa rin siya nagbabago. Siya pa rin ang pinakamagandang bagay na nakita ng mga mata ko.Inalala ko ang nangyari kaninang hapon. Ang pagtilansik ng putik sa aming dalawa. Ang nakakabinging halakhak ng stepsister niyang si Cassandra at ang mapagmataas na tingin ni Eduardo de Villa.Sanay ako sa pang-iinsulto. Limang buwan na akong nagpapanggap bilang isang hamak na deliveryman para sa isang

  • TEB #4: I Married a Billionaire in Disguise   Chapter 3

    RORY POVNagising ako kinabukasan sa tilaok ng manok, ugong ng mga dumadaang tricycle at ingay ng mga nagtatalong magkakapitbahay sa labas ng barong-barong. Dahan-dahan kong idinilat ang mga mata ko. Parang binugbog ang buong katawan ko. Nanigas ang likod at mga balikat ko dahil sa pagnipis ng lumang banig at sa lamig ng sementong tumagos sa manipis kong damit.Pagbangon ko, agad na naghanap ang mga mata ko. Wala si Dante.Biglang bumilis ang tibok ng puso ko. Iniwan ba niya ako? Natakot ba siya sa responsibilidad na dinala ko sa kanya? Napahawak ako sa dibdib ko. Wala akong alam sa lugar na ito. Wala akong kakilala. Kung iiwan niya ako, paano na—Bumukas ang pinagtagpi-tagping pinto na gawa sa yero at plywood.Pumasok si Dante. Basang-basa ng pawis ang lumang t-shirt niya, at halatang galing siya sa matinding trabaho kahit maagang-maaga pa. May bitbit siyang isang brown paper bag na may mantsa ng mantika at isang maliit na plastic cup na umuusok pa.Nang makita niya akong gising na,

Higit pang Kabanata
Galugarin at basahin ang magagandang nobela
Libreng basahin ang magagandang nobela sa GoodNovel app. I-download ang mga librong gusto mo at basahin kahit saan at anumang oras.
Libreng basahin ang mga aklat sa app
I-scan ang code para mabasa sa App
DMCA.com Protection Status