CHAPTER 11 ROCKY OUTCRAFT

Paakyat na sila ni Reed sa hagdanan papunta sa tuktok ng batuhan, habang inaalalayan siya nito.

"Alam mo bang takot na takot ako sayo noong sinita mo ako dito? Kaya na out of balance ako." Sabi niya habang naglalakad sila at nakahawak siya sa braso nito.

"I'm sorry about what happened. Kaya nga dinala kita ngayon dito dahil gusto kong makabawi sayo." Nilingon siya nito na may ngiti sa labi.

"Bakit nga ba napakasungit mo that time?" Napasulyap siya dito.

"Mapangahas ka eh!" Napa halakhak na sagot nito saka siya hinapit sa baywang.

"Sus! Ang sabihin mo broken hearted ka, kaya ka masungit." Irap niya dito.

Lumuwag ang pagkakahawak nito sa baywang niya.

Kaya nag-aalala siyang napatingin sa mukha nito.

"May nasabi ba akong hindi mo nagustuhan, Reed?" Kinakabahan na tanong niya.

Nasa gitna pa sila ng hagdanan at natatakot siya baka matulad na naman nang una silang magkita. Nahulog siya at muntik na siyang malunod.

Pero ngayon hindi tubig ang babagsakan niya kundi semento at sigurado hindi siya mabubuhay kapag nahulog siya.

Kaya kumapit siya ng mabuti sa braso nito.

Huminto si Reed sa paglalakad at bumuntong hininga. Pagkatapos hinarap siya.

"Do you really want to know kung bakit ayokong napag-uusapan ang tungkol sa buhay ko?" Tanong nito sa malamlam na tingin.

"K-Kung hindi mo mamasamain at kung may tiwala ka sa akin." Pabulong na sagot niya ngunit sinalubong niya ang tingin nito.

Tumango ito at nagpatuloy na sa paghakbang pataas kaya napa sunod na rin siya at wala silang imikan..

Nang makarating sila sa tuktok ng batuhan ay napanganga si Aliyah dahil mas lalo itong naging maganda. Puno ng mga klase-klase ng bulaklak at halaman na namumukadkad. Ang iba ay nakita na niya ito sa Villa. My daffodel, waling waling, roses, banda, at ang iba ay hindi na niya alam ang pangalan.

"Wow, Reed ang gaganda. Para akong nasa Garden ng Villa mo." Masayang sinasamyo niya ang mga petals ng mga bulaklak.

"Thanks at nagustuhan mo." Nakangiting tugon nito.

Aliyah walked forward because she saw a light. She stopped because there was a wide carpet. On top of it, there was a heart shape surrounded by roses.

Napatakip siya ng bibig dahil first time niyang masurprisa ng ganito.

"R-Reed, ano ang ibig sabihin nito?" Napalingon siya sa kinatatayuan nito. Nakangiti naman itong nakatingin sa kanya.

"Gusto mong ligawan kita 'di ba? Ito ang alam kong paraan ng panliligaw." Sagot nito habang papalapit sa kanya.

Kilig na kilig naman siya. At hinintay na makalapit ito sa kanya.

"Baliw ka talaga. Pero infairness ang ganda. I appreciate it a lot. Ikaw pa lang ang nakagawa nito sa akin." Nakangiting nakatingin siya sa mga rosas na nasa carpet.

"Masaya ako at nagustuhan mo. Sayo ko lang din ito ginawa. Dati, ayokong gumagawa ng mga corny na bagay sa mga naging babae ko." Seryusong sagot nito.

"Mga? Means marami ng babae ang dumaan sa buhay mo?" Nakakunot ang noo niyang napatingala dito.

"Hmmm. Hindi rin naman masyado." Sagot nito at napa halakhak sa nakasimangot na mukha niya.

"Sabi ni Darlene, maraming babae ang naghahabol sayo. Lahat ba sila pinatos mo?" Iritang tanong niya.

"Nope. Hindi naman." Sagot ni Reed at hinawakan ang dalawang kamay niya.

Magkaharap sila nito habang nakatingin sa isa't-isa.

"Seryoso ka ba talaga sa akin? Ano ba ako sayo?" Tanong niyahabang nakatingin sa malamlam na mga mata nito.

"I know subrang maaga pa para sabihin ko sayong mahal kita, Aliyah. Pero mula ng makita kitang paakyat sa hagdanan at makita kita sa malapitan, you caught my heart." Sagot nito at hinaplos ang mukha niya.

"Ano ang ibig mong sabihin? Nakita mo na akong paakyat? Bakit hindi mo ako sinita, kung sa simula palang nakita mo na pala ako?" Hindi makapaniwala na sambit niya.

"Oo, nakita na kita habang paakyat ka dito. Kaya lang hinayaan kitang makaakyat dahil nakita ko sa maganda mong mukha ang saya." Napapangiting sagot nito.

"Bakit galit ka at madilim ang mukha mo nang makita kitang lumalapit sa akin?" Naguguluhang tanong niya.

"That time nagtatalo ang utak at puso ko. Dahil sa pagiging inosente ng mukha mo." Biglang sumeryuso ang mukha nito at hinila siya paupo sa carpet.

"Anong connect ng pagiging inosente ko sa galit mo?"Nakataas ang kilay niya.

"Dahil nagmahal ako ng dalawang babaeng katulad mo. Maganda at inosente sa panlabas. Pero mga nasa loob pala ang kulo." May galit na gumuhit sa mukha nito.

"Hindi naman lahat ng babae masama, katulad ninyong mga lalaki. May mga lalaki rin na mukhang santo, ngunit demonyo pala sa loob." Depensa niya.

Hinawakan niya ang mukha nito, at hinaplos.

"Can you blame me if I get mad at women, like my mom?" May galit at hinanakit na sabi nito habang nakatingin sa kanya.

"I will listen to understand you," tugon niya at marahang hinaplos ang mukha nito.

"My Mom, sumama sa ibang lalaki. Iniwan kami ng Daddy ko. At dahil sa pag-iwan ng Mommy ko sa Daddy ko. Ako ang nag-suffer." Napayuko si Reed dahil sa galit na bumabalik sa puso niya

.

Nagulat siya sa narinig.

"Guess what? How many years akong nagtiis? 10 years!... Ten fucking years, Aliyah. Nadamay ako sa galit ni Daddy sa Mommy ko." Pasigaw na sabi nito.

"B-Baka may dahilan kung bakit nangyari ang lahat ng iyon, Reed." Pilit niya itong pinapakalma.

"Anong dahilan? Ang sabihin mo malandi siya. Hindi marunong makuntento at naghahanap pa ng iba." Garalgal ang boses nito.

Ramdam ni Aliyah ang mga hinanakit at galit na nararamdaman nito sa puso nito. Hindi niya alam kung ano ang sasabihin para maibsan ang sakit na nararamdaman nito. Kaya mas pinili na lang niyang manahimik.

" Aly, kahit anong rason nila at problema nila, sana hindi nila ako dinamay sa mga galit nila sa isa't-isa. Anak nila ako eh. Bunga ng pagmamahalan nila. Pero hindi nila iniisip iyon, dahil naging makasarili silang dalawa." Nakayuko pa din ito.

Hindi nakatiis si Aliyah at niyakap niya ito.

"I'm sorry kung naungkat ang nakaraan mo. Hindi ko sinasadya." Naiiyak na wikaniya. Nasasaktan siyang makita si Reed na puno ng galit at pagkamuhi sa mga magulang niya.

"No. Huwag kang humingi ng sorry. Gusto kong makilala mo ako. At nasa iyo na kung matatanggap mo ang pagkatao ko." Mahinang sambit nito at humiwalay sa yakap niya.

" Hindi ako judgemental na tao. At gusto kong makilala kita ng lubos. Magaan ang loob ko sayo. Masaya ako kapag kasama kita. Lagi kitang naiisip at hindi ka na mawala-wala sa isip ko. Tuwing nasa malapit ka. Ang lakas ng tibok ng puso ko. Parang gustong lumabas ng puso ko sa bilis ng pintig nito." Napayukong sambit niya, hindi na niya mapigil ang nararamdaman.

Napatingin ito sa kanya at inangat ang mukha niya.

"What do you mean, Aliyah? Gusto mo na rin ba ako?" Hindi makapaniwala na tanong nito.

"I don't know kung ano ang ibig sabihin nito. Alam mong wala pa akong karanasan sa pag-ibig, Reed. Hindi ko alam kung ano ang nararamdaman ko para sayo. Basta ang alam ko, masaya ang puso ko kapag nasa malapit ka." Seryusong sagot niya, na hindi makatingin ng diretso sa mga mata nito.

" You begin to like me, Aly. I'm happy to know that. At gagawin ko ang lahat. Mahalin mo lang ako at hindi gusto lang." Nagbalik muli ang saya sa mga mata nito.

"Bakit ikaw gusto mo lang ako. At hindi mahal. Ano ba ang kaibahan no'n?" Nakangusong tanong niya.

"Aliyah, special ka sa puso ko. Natatakot akong mahalin ka, natatakot akong masaktan kita. Baka mawala ka sa akin." Malungkot na sagot nito.

"Anong ibig mong sabihin?"

"Hindi ko rin alam. Basta ang alam ko. Ayokong mawala ka sa buhay ko, Aliyah. Gusto ko araw-araw kitang nakikita. Araw-araw kitang nahahalikan at niyayakap. Ikaw ang gusto kong makasama araw-araw." Sagot nito at hinapit siya palapit sa tabi nito.

"Ganyan din naman ang nararamdaman ko. May takot. Baka iwanan mo lang ako. At paasahin."

"Hindi ko maipapangako na hindi kita masasaktan, Aliyah. Pero gagawin ko ang lahat para mag-stay ka sa akin. Sana Baby, hindi mo ako susukuan kahit anong mangyari." Pagsusumamo nito.

Tumango siya at niyakap si Reed ng mahigpit.

"Salamat." Bulong nito at niyakap rin ng mahigpit si Aliyah.

"Alam mo ba, hindi ko lubos akalain na pinagdaanan mo lahat ng mga 'yon. Kung sa akin siguro nangyari ang naranasan mo. Baka matagal na akong sumuko." Sabi niya at kumalas sa pagkakayakap kay Reed.

"Hindi binigay sayo ang pagsubok na iyon dahil mahina ka." Nakangiting wika nito.

"Bakit namimili ba ng tao ang pagsubok, ganern?" Nakatawang sagot niya.

"Siguro. Hindi ko rin alam." Napa halakhak na rin ito.

"Ayan! Sa wakas, tumawa ka na ulit. Lalong lumalabas ang kagwapuhan mo kapag nakangiti ka." Sambit niya.

"Talaga ba? Ngayon inaamin mo na. You have a crush on me?" Nakangiting tanong nito.

Namumula naman sa hiya si Aliyah.

"Crush ka diyan! Bakit teenager ka pa ba?" Irap na sagot niya. At sa malawak na karagatan na siya nakaharap. Habang nakahilig sa balikat nito.

Habang ito naman ay nakayakap ang isang kamay sa baywang niya at ang isang kamay ay nakahawak sa palad niya.

"Sa larangan ng pag-ibig, walang pinipiling edad kapag magka-crush ka. Kaya huwag kang magsinungaling diyan. Alam kong naglalaway ka sa kagwapuhan at kakisigan ng katawan ko." Nakangiting tudyo nito sa kanya.

" Bakit ako lang ba? Ikaw nga diyan, makatitig sa katawan ko, wagas.... Para mo na akong hinubaran. Baka ikaw ang naglalaway sa alindog ko." Napahalakhak na tudyo rin niya saka sinulyapan ito.

"At kung sasabihin ko sayo na naglalaway nga ako sa alindog mo? Hmm." Sagot nito at dahan-dahang inilapit ang mukha nito sa mukha niya.

Napatutop siya sa bibig. At tinulak ito ng marahan.