CHAPTER 7: MEET THE PARENTS

Hanggang ngayon ay iniisip ko pa rin ang alok sa akin ni Atticus.

Dahil aminin ko man o hindi napakalaking halaga ng inaalok niyang pera. Sigurado na malaking tulong ‘yon sa pagpapagamot ni Jelliel. Hindi ko alam kung bakit nagdadalawang isip pa rin ako. Dahil ba alam ko kung paano ako maapektuhan sa presensya niya?

Napatayo ako sa pagkakahiga at mahinang sinampal ang sarili ko.

“Unahin mo ang kapatid mo Celestina, wag kang malandi dyan!” pag kausap ko pa sa sarili ko.

Naputol ang pagpaplano ko na matulog na dahil tumunog ang aking cellphone. Dali-dali ko naman ‘tong kinuha.

Unknown number. Hindi ko na sana sasagutin, pero naalala ko ang pagtawag sa akin ni Atticus kanina. Baka siya ‘to.

Masyado ata akong mahabang nag isip dahil namatay bigla ang tawag. Hindi ko naman pwedeng tawagan pabalik, dahil wala akong load. Ang akala ko ay bukas na muli ito tatawag, ngunit bigla itong muling tumunog.

Agad kong sinagot ang tawag.

“Hello, sino ‘to?” tanong ko kaagad sa kabilang linya. ang una k