TANGHALI na nang makabalik si Eris sa puwesto ni Hasna kung saan matiyagang hinintay siya ng kaibigan. Nangunot ang kaniyang mga mata nang makita si Almidos na nakaupo sa dulo ng upuan habang si Hasna naman ang nasa kabilang dulo nito. “Hey, pasensya na natagalan. Sobrang haba pa naman ng pila. Nakikipag-away na nga ako doon sa mga kasunod ko dahil pasingit nang pasingit,” panimula ni Eris upang kuhanin nag atensyon ng dalawa niyang kaibigan na hindi namalayan ang kaniyang pagdating. Kaagad na tumayo si Hasna at saka lumapit kay Eris. “Ang tagal mo,” reklamo niya kay Eris. “Babalik na kayong sittio?” biglang singit ni Almidos. Tumayo ito mula sa kaniyang kinauupuan at saka lumapit sa dalawang dalaga. “Hindi pa. Kakain lang muna siguro tapos uuwi na rin,” sagot ni Eris. Napatango-tango naman si Almidos bago ngumisi. “Sabay-sabay na tayo,” wika ni Almidos. Pasimpleng umirap si Hasna at saka tinalikuran sina Eris at
TAHIMIK na nakasunod si Hasna sa kaibigang si Eris habang si Almidos ay nasa kaniyang likuran at nakasunod rin sa kaniya. Walang humpay sa kadadaldal sa Eris habang isinasalaysay ang mga nilaro nila sa mall. Si Almidos naman ay paminsan-minsan tumatawa upang tugunan ang mga kuwento ni Eris at mag reklamo mula sa pilahan sa pagkuha ng requirements at sa ticket sa mall. Mahigit bente minutos na silang naglalakad pabalik ng Sitio Perdis. Ang Sitio Perdis ang nagsilbi nilang tahanan sa loob ng ilang taon. Kung susumain ay mahigit kalahating oras ito kung lalakarin. Bihira lang din naman ang mapsok ito ng saksakyan dahil sa kitid at liblib na daanan kung kaya’t sa tuwing may duty ang ilan sa mga head hunters sa kabayanan ay maglalakad muna ito paibaba ng sakayan kung saan doon naghihintay ang isang jeep bilang service nila sa gabi. Mababa na ang sikat ng araw kung kaya’t tamang-tama lang ito para maglakad para kina Eris, Hasna at Almidos. Nagpalipas sil
HINIHINGAL na napahinto sina Almidos at Hasna nang makapasok sa Sitio Perdis. Kitang-kita ng kanilang mga mata kung paano mabilis na kumikilos ang mga residente na para bang sunog na kailangang apulahin. “Ano’ng nangyayari?” tanong ni Almidos sa isang babae na may dala-dalang kaldero. Hindi ito sumagot. Dire-diretso lamang ito naglakad at nilampasan si Hasna. Nanatiling nakatayo sina Almidos at Hasna habang pinagmamasdan ang mga residente na abala sa kabilang mga ginagawa. Kaliwa’t kanan ang kanilang pagmamasid hanggang sa mahagip ng atensyon ni Almidos si Eris. “Eris,” tawag ni Almidos sa dalaga na kaagad namang lumingon sa paligid nang marinig ang kaniyang pangalan. Itinaas ni Almidos ang kaniyang kamay at saka ito iwinagayway upang makita siya nang tuluyan ni Eris. Nang malaman kung nasaang direksyon ang tumawag sa kaniya, kaagad siyang naglakad palapit rito. Lumapit nang bahagya si Hasna kay Almidos habang hindi inaalis a
MATAPOS ang paghahalal kina Hasna, Eris at Almidos, naging mailap si Hasna kay Kapitan Klaus. Habang tumatagal ay tila ba pakapal nang pakapal ang pader na nasa pagitan nilang dalawa.Hindi na nag-abala pang kausapin ni Kapitan Klaus si Hasna dahil batid niyang susundin siya nito dahil sa kagustuhan nitong maipaghiganti at mabigyan ang pagkamatay ng kaniyang magulang. Iyon nga lang, dalawang taon pa bago niya pakawalan ang kaniyang anak-anakan at hayaang gawin ang gusto at higit sa lahat ang pagpatay sa pinuno at pumaslang sa pamilya ng dalaga. Wala din namang nagawa si Hasna kung hindi ang sumunod sa kondisyon ni Kapitan Klaus at ipagpatuloy ang pag-aaral.Ilang araw makalipas ang paghalal sa kanila, ibinigay ni Eris ang listahan ng kinakailangang ipasa upang makapag-enroll sa Arson. Nang matapos nilang makumpleto ang mga kailangan, sabay-sabay silang bumalik sa Arson para mag-enroll.Pinagsabay niya ang kaniyang pag-aaral at pagsasanay upang hindi mangalawang ang kaniyang kakayaha
Makikita sa itsura niya ang pagkabahala. Tumayo ito at nagpalakad-lakad habang nakakunot ang kaniyang noo. Walang imik na pinagmamasdan ni Hasna ang kaniyang ninong. Nang hindi makatiis ay peke itog umubo upang kuhanin ang atensyon nito. “Kapitan, napapansin kong kanina pa kayo hindi mapalagay. Ano po baa ng bumabagabag sa ‘yo?” tanong niya kay Kapitan Klaus. Huminto ito sa paglalakad at saka siya tiningnan. Napabuntonghininga ito at saka napaiwas ng tingin. Muli itong naglakad-lakad at hindi na sinagot pa ang tanong ni Hasna. Kasalukuyang nasa loob sila ng kiyusko na ginawa para sa head hunter kung saan dito rin ginanap ang pagpupulong-pulong sa tuwing may nababalitaan silang pag-atake ng mga halimaw sa bayan. “Kapitan, ipinatatawag mo raw po kami?” bungad ni Almidos nang makapasok ng kiyusko. Napatingin si Hasna sa dalawang bagong dating at saka marahang tumango. Apat na buwan na rin ang nakalipas magmula noong pasukan at noong mapags
MATAPOS ang pagpupulong dumiretso na si Hasna sa kanilang bahay. Kumain at nag-ayos na rin ng kaniyang sarili bago harapin ang mga kaniyang mga takdang aralin. Nang matapos sa paliligo, naupo siya sa upuan na nasa tapat ng kaniyang mesa at kinuha ang kaniyang bag upang kuhain ang mga kuwaderno.Isa-isa niyang binuklat ang kaniyang mga kuwaderno kung alin ang mayroong takdang aralin. Hiniwalay niya ang mga kuwaderno na mayroong takdang aralin at kumuha ng panulat upang simulan itong gawin.Habang sinasagutan niya ang mga tanong na nakasulat sa kaniyang kuwaderno, hindi niya maiwaksi ang kaniyang isipan kung ano nga ba ang maaring kahantungan ng lahat ng nangyayari ngayon. Magulo at nababalot nang takot ang ilang lugar ngayon dahil sa kaliwa’t kanan na mga krimen, idagdag pa itong mga halimaw na walang alam kung hindi ang mambiktima nang mambiktima.Napasulyap siya kaniyang bintana at napatulala. Makulimlim ang kaulapan at mababa ang hamog sa paligid. Bukod sa kinabukasan at mga posibil
ISANG malakas na hampas ng hangin ang dumampi sa balat ni Hasna. Walang imik niyang pinagmamasdan ang buong sitio ng Perdis. Hinayaan niya lang na guluhin ng hangin ang kaniyang buhok. Huminga siya nang malalim bago mabilis na hinugot ang kutsilyo mula sa lalagyan nito na nakatali sa kaniyang tagiliran at itinutok ito sa kaniyang gilid. Dahan-dahan niyang binaling ang kaniyang paningin sa gilid kung saan nakatutok ang kutsilyo. “M-muntik na ‘yon, ah,” kinakabahang sabi ni Almidos. Ibinaba ni Hasna ang kaniyang kutsilyo at muling ibinalik sa lalagyan nito. “Bakit ba hindi mo na lang ako tinawag o hindi kaya’y malayo pa lang ay nagsalita ka na?” tanong niya sa kaniyang kaibigan. Nagkibit-balikat lang ito at saka napakamot sa kaniyang batok. “Ang lalim ng iniisip mo. Nakakahiya namang abalahin,” sagot ni Almidos. “Sus, nahihiya kang abalahin ako o nasisiyahan kang tingnan ako habang nakatulala,” walang ganang sabi ni Hasna bag
KATULAD ng ipinag-utos ni Kapitan Klaus, kaagad na umuwi ang mga miyembro ng head hunter lalong-lalo na sina Hasna at Almidos na halos balutin ng putik ang buong katawan dahil sa paglalaro nito sa ulanan.Kaagad na umuwi si Hasna para maglinis ng sarili. Halos matuyo na ang putik sa kaniyang balat dahil sa lakas ng hangin. Habang naliligo hindi niya maalis sa kaniyang isipan ang sinapit ni Mang Oscar.Napailing-iling siya nang may maisip na hindi maganda. Itinuon na lamang niya ang kaniyang atensyon sa pagkukuskos ng kaniyang balat upang tuluyan na maalis ang putik.Pinagsisihan niya tuloy na nakipaglaro siya kay Almidos dahil ang suot niyang damit ang halos hindi na bumubula dahil sa dumi na nakadikit rito. Natagalan siya sa pagkukusot ng kaniyang damit dahil tiyak na kapag hindi niya ito nilabhan ngayon ay pagagalitan si ni Kapitana Lena dahil magiging kalawang ang putik na nasa kaniyang damit at imposible nang maalis.Napasipol siya nang makuntento siya sa kaniyang ginagawa at maki