CHAPTER 4

KAZ'S POV

Hindi talaga nagbibiro ang mga lalaking yon nang sabihing nakapasa ako sa interview. Anong nangyari? Labis ang pagkagulat ko at pagtataka nang sabihin ng mga ito na ako ang magiging sekretarya ng kapatid nila na si Mr. Gerlan Martin. Tumingin sa akin ang dalawa kong kasabay na babaeng aplikante. Napangiwi ang isa at napataas ng kilay naman ang isa. Tumayo ang mga ito at magkasunod na lumabas ng conference room.

Tumayo rin ang HR Manager saka nito ako tiningnan pataas-pababa.

Oo alam ko panget ako kaya pwede ba, huwag nyo akong titigan. Sanay na kasi akong matitigan dahil sa nagagandahan sila sa akin,pero ngayon ay napapangiwi ako dahil naiimagine ko rin ang sarili kong kapangitan.

Lumabas na ang babae kaya kaming apat na lang ang naiwan sa loob ng conference room.

Nagsalita ang lalake kanina na naghire sa akin.

"You need to be here tomorrow morning. Magdala ka ng mga damit mo good for at least three days dahil may mag a out of town kayo ni kuya. Your job is to be her companion sa lahat ng gagawin nya. Naintindihan mo ba Miss Quinn?"tanong ng isa na ang pangalan ay Blake.

"Sir,ilang taon kana?"

"Bakit?"

"Tawagin mo akong ate dahil mas matanda ako sayo noh."

Tumawa naman ng malakas ang isa na ang pangalan ay John Hendrix. May mga name tag kasi sila na nakasabit sa kanilang kaliwang dibdib.

Tumingin ako sa lalaking tumawa,tinaasan ko ito ng kilay. Bigla kong naalala na nakita ko pala ito kanina sa elevator.

"Kaya ka pala hinire ng kapatid ko dahil bagay pala kayo ng kuya ko eh.",muli nanaman itong natawa at pinipigilan pa.

Unuwi ako sa bahay na nirentahan ko. Pumasok ako sa kwarto ko saka ko ibinagsak ang aking katawan sa kama.

Nakakapagod ang araw na ito. Tumayo ako,inalis ko ang aking salamin sa mata saka nagpunta ng banyo para maghilamos. Inalis ko ang make up sa aking mukha.

Ang dumi ng mukha ko,natatawa talaga ako sa pinagagagawa ko sa buhay ko dahil lang sa ayaw kong magpakasal.

Siguradong hinahanap na nila ako sa bahay ngayon. Naiimagine ko na ang itsura ng aking ama at ina sa pagkawala ko. Sumilay ang pilyang ngiti sa aking mga labi. Inihanda ko na ang mga dadalhin ko sa business trip namin ng magiging amo ko.

Kinabukasan ay maaga akong pumasok. Nakasuot nanaman ako ng mahabang bestida na turtle neck. Nakamake up at naglagay ng pimples at nunal sa mukha. Naglagay narin ako ng salaming makapal para hindi masyadong makita ang mga mata ko.

Nagsuot lang ako ng flat shoes na black,hindi din naman makikita ang aking sapatos dahil matatakpan naman ito ng suot kong bestida na hanggang sakong ang haba. Nang matapos ako ay humarap ako sa salamin.

Napangiwi ako. Anak ng tokwa naman oh. Ang pangit mo talaga Kazzandra..

Nakatanggap ako ng mensahe galing kay sir Jhanzen. Pinapapunta nya ako sa bahay ni sir Gerlan. Dalhin ko nalang daw ang aking mga gamit at sya na daw ang bahala.

Nang makarating ako sa bahay ni sir Gerlan ay nagdoor bell ako. Lumabas ang tatlong magkakapatid. Wala talagang itulak-kabigin sa mga ito. Pareho silang mg gwapo. Pero hindi ang paglalandi ang ginawa ko dito. Pumasok ako bilang sekretarya ng boss ko.

"Hayan na pala ang sister-inlaw natin.",sigaw ni sir John.

Napataas ang kilay ko sa aking narinig. Ang aga-aga nakainom yata ang mga ito. Pinapasok nila ako sa loob ng bahay. Kinuha naman ni sir John ang maleta ko.

Nadatnan namin si boss Gerlan na nakadekwatro pa habang nagbabasa ng news paper.

"Dumating na pala ang magiging asawa ko.",agad itong napangiwi pagkatapos nitong magsalita.

"Ha? Ano po sinabi nyo boss?"

Kinuha nito ang isang papel saka iniabot ito sa akin.

Binasa ko ang nakasulat doon. Isa itong marriage contract Ako si Kazzandra Quinn,nasa wastong edad,ay sumasang ayon sa pagpapakasal kay Gerlan Martin at magiging isa akong kasambahay nito. Babayaran ako ni Gerlan Martin ng 30 milyon kapalit ng pagpapakasal ko sa kanya at pagkatapos ay magdidiborsyo o magfafile kami ng annulment pagkatapos ng dalawang buwan.

Napanganga ako sa aking nabasa.

Ang mga lalaking ito. Mga baliw yata at takas sa mental. Lumayas ako sa amin para malayo sa mapapangasawa ko tapos pagpunta ko naman dito ay pag-aasawa parin ang aatupagin ko?

Taas-noo akong humarap sa mga abnormal na lalaki.

"Pasensya napo pero hindi kopo ipinagbibili ang katawan ko."

Napaubo pa ng malakas si boss Gerlan. Iba yata ang pagkakainitindi nito sa sinabi ko. Tumawa naman ang tatlong itlog. Iba yata ang mga lenggwahe nila kaya hindi nila ako naintindihan.

"Ibig kopong sabihin ay hindi po ako pumapayag. Sekretarya po ang pinasukan ko hindi maid. Kaya aalis na ako. Salamat na lang po." Agad akong lumabas sa bahay nito. Akma akong lalabas sa gate nang may mga isang kotseng dumating sa at huminto sa tapat ng bahay nina boss Gerlan. Bumaba ang isang matandang lalaki at may kasama din itong lalaki na kasing edad nito.

Natulos ako sa kinatatayuan ko nang mapagsino ang kasama nito.

Shit! Daddy? Anong ginagawa nya dito?

Bumalik ako sa loob. Humahangos pa ako kaya nagtaka ang apat na lalaki.

" Mga ser, tinatanggap ko na po ang offer nyo. Saan po ba ako pipirma." Hinablot ko mula sa magiging amo ko slash asawa ang papel saka ko ito dali-daling pinirmahan iyon.

Napakunot lang ito ng noo at nakatingin lang sa akin sabay napapangiwi.

Binigay ko ang papel na napirmahan ko saka naman pagpasok ng mga bisita nila.

"Nasaan si Vhon?",boses iyon ng isang matandang lalaki.

Nagulat ako dahil kasama nito ang daddy ko kaya bigla kong niyakap si sir Gerlan. Nagulat pa ang binata sa ginawa ko kaya ito napangiwi at mahinang nagmura.

"What the fuck are you doing ugly woman?",mahina lang ang boses nito at pabulong iyon.

"Mamaya ko napo ipapaliwanag,sumakay ka nalang.",saka ko ito binigyan ng isang matamis na ngiti.

Napatingin sa amin ang ang daddy konat daddy nito. Sana lang hindi ako mahalata ng daddy ko. Sarili ko nga hindi ko makita sa babaeng pangit na ito,daddy ko pa kaya.