Chapter 9

Magdadalawang linggo na simula nang umalis si Carlos sa Tagaytay at magdadalawang linggo na ring naiinip si Rose sa paghihintay kung kailan babalik ang binata.

Nasa terrace siya ng bahay habang pinapanuod ang mga hardenero na nagtatanim ng mga bagong binhi ng bulaklak sa harden.

Nakaramdam siya ng boredom kaya nakapag isip siyang babalik na lamang sa kanyang silid sa itaas para gumawa ng mga palamuti nang makarinig siya nang usapan ng mga katulong mula sa kusina. Napakunot ang noo niya nang marinig ang pangalan ng binata kaya dahan-dahan siyang tumungo doon at palihim na nakikinig sa mga usapan. Nakita niyang nagbabalat ng mangga si Manang Fe at naghuhugas naman ng pinggan si Minda.

"Kailan ba raw babalik si Sir Carlos?" tanong ni Minda kay Manang Fe.

"Sabi niya sa susunod na linggo na raw sila luluwas rito dahil masyadong busy sa opisina. Nagsabi nga iyon na pakilinisan daw ang isang guest room sa itaas."

"Ohhh? May Kasama ba siya?" tanong naman ulit ni Minda kay Manang Fe.

Nagkibi