005

MABILIS na lumabas ng hotel room si Anastacia. Dahan-dahan pa niyang isinarado ang p***o para hindi makalikha ng ingay. Hindi niya na muling nilingon ang lalaking nakadapa na kumuha ng kanyang virginity. Wala na siyang pakialam kung sino ang lalaking iyon. Hindi naman na sila magkikita pa kahit kailanman. Iisipin niyang para lamang iyon sa experience.

Nagulat siya nang bumukas ang elevator ay marami itong sakay. Pumasok siya sa loob na itinatago ang mukha. Ayaw niyang may makakilala sa kanya, baka sabihin pa sa Mommy at Daddy niya. Tiyak na sermon ang aabutin niya.

Pinagtitinginan siya sa loob ng elevator. Panay naman ang tago ni Anastacia ng kanyang mukha.

"Nakakahiya...." bulalas niya sa isip. Panay din ang hila niya ng kanyang mini skirt na tumataas sa sobrang iksi.

Nang tumunog ang elevator ay nasa ground floor na sila. Nauna pa siyang lumabas at nagmamadali sa paglalakad palabas ng hotel.

Parang gusto na lang niyang lamunin ng lupa. Inabot siya ng umaga na ganito ang suot at may kasamang estranghero lalaki sa loob ng isang hotel room.

Pagkalabas niya ng hotel ay pumara agad siya ng taxi. Wrong timing pa. Hindi niya nadala ang kanyang kotse dahil sa coding.

"Kuya, sa Green Valley Subdivision. Castellano Residence..." sabi niya sa driver ng taxi.

"Castellano? Alam ko iyon, hija."

Simple lang siyang ngumiti sa matandang lalaki.

Sino bang hindi nakakakilala sa mga Castellano?

Her dad, Gabriel Castellano, ay isang magaling na negosyante. They own Castellano Crest Corporation. At siya si Anastacia Castellano, 20 years old, ang nag-iisang tagapagmana ng kanilang kumpanya.

Tahimik na napasandal si Anastacia sa upuan ng taxi habang pinagmamasdan ang tanawin sa labas ng bintana. Hindi niya namalayang napabuntong-hininga siya.

Hindi pa rin siya makapaniwala sa nangyari.

Hindi niya akalaing sa isang gabing dulot ng kalasingan at bugso ng damdamin ay mawawala ang matagal niyang iningatang puri sa isang lalaking hindi man lang niya nakilala.

Mariin niyang ipinikit ang mga mata. Hindi niya makalimutan ang pulang mantsa sa bedsheet.

Napailing-iling siya at mariing ipinikit ang mga mata.

"Kalimutan mo na lang, Anastacia," bulong niya sa sarili. "Isang pagkakamali lang iyon."

Makalipas ang ilang minuto ay huminto ang taxi sa harap ng malaking gate ng Castellano Residence.

Pagkababa niya ay agad siyang nagbayad sa driver.

"Maraming salamat po."

"Mag-iingat ka, hija. Hindi tama na lumalabas ka na ganyan ang suot mo," nakangiting tugon ng matanda bago umalis.

Tumango si Anastacia sa concern ng matandang lalaki. Umayos siya sa pagkakatayo at inayos ang sarili.

Inumaga na siya ng uwi. Hindi niya alam kung ano ang gagawin ng Daddy at Mommy niya kapag naabutan siya.

Huminga muna nang malalim si Anastacia bago pumasok sa loob ng bakuran.

Tahimik pa ang buong mansyon. Mukhang tulog pa ang karamihan sa mga kasambahay at maging ang kanyang mga magulang.

Naglakad siya nang dahan-dahan, halos nakayapak ang bawat hakbang upang walang makarinig. Nang makapasok sa loob ng mansyon ay agad siyang nagtungo sa ikalawang palapag.

Palapit na siya sa kanyang silid nang biglang may bumukas na p***o.

Natigilan siya.

"Anastacia Castellano?!"

Nahigit niya ang kanyang paghinga. Pamilyar na boses ang kanyang narinig.

Dahan-dahan siyang napalingon, at halos mawalan siya ng kulay nang makitang ang kanyang ama, si Gabriel Castellano. Nakatayo ito sa may pintuan at nakatingin sa kanya mula ulo hanggang paa. Katabi nito ang kanyang inang si Victoria Castellano.

She cleared her throat. Saka naglakad palapit sa magulang.

"Good morning, Mom and Dad," pilit niyang umaaktong normal pero sobrang kabado siya.

Kinakabahang hinalikan ang kanyang Mom at Dad sa pisngi. Tumayo si Anastacia ng tuwid at pilit ibinaba ang laylayan ng kanyang suot na black mini skirt.