13. REGRET

Theo

Hindi na natapos ng lalaki ang sasabihin dahil bigla itong nawalan ng malay. Ngunit patuloy pa rin ako sa pagsuntok sa kaniya at natigil na lang nang ‘di na gumagalaw ito. Para ako nahimasmasan sa ginawa at pinulsuhan siya sa leeg. Ngunit wala ako marandamang pintig. Nataranta ako at mabilis na iniwan ang lalaki na nakahandusay. Mabilis ako naglakad upang makarating sa motorsiklo at isinuot kaagad ang jacket upang takpan ang dugo ipinahid sa t-shirt. Binuhay ang makina at pinaandar ng mabilis ang motorsiklo upang makalayo sa lugar.

Nakarating ako sa parlor ni Betchay na nagsisilbing bahay na rin. Dumiretso kaagad ako sa kusina at mabilis na hinubad ang t-shirt. Madilim ang paligid dahil ‘di ako nagbukas ng ilaw sa takot na may makakita sa ‘kin.

Nang bigla na lang lumiwanag.

“T-Theo?”

Napatingin ako sa pintuan ng kusina at naroroon ang taong nagsindi ng ilaw na siya ring tumawag sa ‘kin, si Betchay. Higit ito nagulat sa hitsura ko at tinignan ang kabuuan ko mula ulo hanggang paa.