CHAPTER 95

"Andrei, may lulusubin kaming isang hideout ng Triangulo. May nakapagsabi sa amin na mayroong babae na dinala roon. Baka si Tamara na iyon," sabi ni Ruel.

Naabutan ito ni Andrei na naglilinis ng sasakyan sa garahe ng mansion ng mag-asawang Kaizer at Kryzell.

"Kailan kayo pupunta?" tanong ni Andrei.

"Hihintayin lang namin ang utos ni Boss Kaizer. Sige na, Andrei, pumasok ka na sa loob. Kahapon ka pa ni boss pinapapunta rito."

"Oo nga. Masyado kasi akong abala kaya ngayon lang ako nakapunta. Oy, sasama ako sa inyo, Ruel. hindi ko pwedeng palampasin ang pagkakataon na ito na mailigtas ang aking asawa."

"Sige. Sasabihan kita, pare, kung kailan tayo lulusob doon. Handa na kaming lahat. Go signal na lang ni boss ang hinihintay namin."

Nagkamay muna sina Andrei at Ruel bago pumasok ang una sa loob ng mansion ng mga Gerzon. Katulad nga ng sabi ni Ruel, kahapon pa ipinatatawag ng mafia boss si Andrei pero hindi ito nakapunta kaagad. Abala kasi ang huli sa paghahanap kay Tamara. Bukod doo