CHAPTER 1

"KUMUSTA, kups? Mukhang pagod na pagod ka, ha?"

Napangisi si Ren sa tanong na iyon ng best friend niyang si Kael Navarro. Kasalukuyan silang nasa Orion Strategic Services o OSS kung saan siya nagtatrabaho bilang isang undercover agent. Agad siyang dumiretso roon pagkatapos nilang magsiping ni Chloe.

Nakatanggap kasi siya ng text mula sa kaibigan na may emergency meeting na ipinatawag si Mr. Alejandro Vargas, ang "big boss" at may-ari ng ahensya.

Alas-sais pa lang iyon ng gabi, at kung tutuusin ay hindi na iyon sakop ng oras ng kanilang trabaho. Hanggang alas-singko lang kasi ang kanilang working hours.

Pero kapag may tinatapos silang assignments o kaya naman ay may emergency meeting, inaabot sila roon ng dis-oras o kaya naman ay umaga. Depende na lamang iyon sa uri ng assignments na tinatapos.

May tatlong taon na ring nagtatrabaho si Ren sa Orion Strategic Services o OSS bilang isang undercover agent at isa sa mga pinakamagaling na sniper.

Ang OSS ay isang pribadong ahensya kung saan kaagapay ng iba't ibang sangay ng ahensya sa Pilipinas, na ang operasyon ay nakasentro sa pagsugpo sa mga illegal activities katulad ng drug smuggling, prostitution, human trafficking, gun smuggling, kidnapping, at iba pa.

Subalit tumatanggap rin naman ang grupo ng mga personal cases gaya ng paghahanap ng mga nawawalang kaanak at iba pa.

Agad siyang nag-apply sa prestihiyosong ahensya na iyon pagkatapos niyang magtapos sa PMA. Nauna ang kaibigan niyang si Kael na makapasok sa OSS at sumunod naman siya. At masasabi niyang masaya siya sa field na pinili, kahit pa nga ang Mama lamang niya ang sang-ayon roon.

Isang half-American half-Japanese ang kanyang Dad, samantalang ang Mommy naman niya ay Filipina. Ang Daddy niya ay tutol sa kursong pinili niya; ang gusto kasi nito ay manahin niya ang trabaho nito. His father is a successful businessman na pagbebenta ng mga expensive cars at car accessories ang negosyo nito. Aside from that, ini-export rin nito iyon sa iba't ibang panig ng mundo.

Subalit ayaw niya ng gano'ng trabaho. Gusto niya ang may action at thrill. Bata pa siya ay gustong-gusto na niyang maging alagad ng batas-maging isang agent. Kung kaya't ginawa niya ang lahat para makamit iyon kahit pa nga tutol ang sariling ama sa gusto niya.

Nagsalin si Ren ng kape sa tasa mula sa percolator at hinigop iyon. Nasa conference room sila kasama ang ilang agents at naghihintay sa pagdating ni Mr. Vargas.

Inilapag ni Ren ang tasa bago nakangising tiningnan ang matalik na kaibigan.

"Istorbo ka nga, kups. Kung 'di ka sana nag-text, baka naka-two rounds pa ako," iiling-iling niyang sagot rito habang nakangisi.

Ngumisi rin si Kael ng pang-asar sa kaibigan.

"Gago! Emergency meeting nga, e, hindi ba? Pero sana hindi ka na pumunta rito, kupal ka! Sisisihin mo pa 'ko," pambabara pa nito bago muling humigop ng kape. "Bakit? Nakailan ka ba?"

"Isa nga lang, e! Come on, bro! Kawawa naman si Polaris ko. 'Di siya sanay na nabibitin. Tumatamlay siya, kups!" wika pa ni Ren na parang sising-sisi sa pagkakaudlot ng pakikipagtalik nito kay Chloe kanina.

Napamaang naman ang kaibigan sa sinabi niya. "Sinong Polaris?" clueless na tanong nito.

"Ano ka ba, bro? Wala bang pangalan 'yang sa'yo?" tanong niya sa kaibigan habang iginagalaw-galaw ang swivel chair.

"Ulol ka! Ang alin ba? Anong walang pangalan ang akin?"

"'Yang alaga mo, gago! 'Yang sandata mo. Mine is Polaris. Gwapong pakinggan, 'di ba? Mana sa may-ari," nangising wika ni Ren saka hinimas-himas ang pagkalalaki.

"Fuck you, bro! Kahit kailan talaga puro kalokohan 'yang laman ng utak mo!" natatawang ani Kael saka nag-akmang babatuhin siya ng ballpen.

"Wow, ha? Kung sabagay, I'll understand you, bro. Ganyan nga pala ang walang girlfriend. Inaamag ang sex life. Nagfu-function pa ba 'yan, kups? Baka barado na, ha?" buska pa ni Ren rito at umakto pang sinisilip ang pagkalalaki ng kaibigan.