CHAPTER 2

Tuluyan naman siyang binato ng kaibigan ng ballpen na sinapol siya sa ulo.

"Aray naman? Mahal 'yang ballpen ko. Parker 'yan!" reklamo pa niyang kakamot-kamot sa ulong tinamaan, bagaman nakangisi.

"Puro ka kasi kalokohan," anitong umiling-iling pa. "Hindi bale nang walang sex life, ayaw kong magkasakit!"

"Iya! (No!) What do you think of me? Pumapatol sa low class? Tondemonai! (No way!) May taste 'ata 'tong si Polaris ko!"

Pumalatak naman ang kaibigan sa isinagot niya. "Are you sure? Eh parang kahit yata posteng nakapalda pinapatos mo eh. Mahirap magkasakit, bro! Alam mo na, laganap ang HIV at AIDS ngayon kahit saan."

"I know, okay? Like what I said, may taste si Polaris ko. And I use protection. 'Tsaka 'di ako kaladkaring lalaki, kups! Itong gwapong 'to?" nakangisi niyang turo sa sarili. "Magmamakaawa sila para lang makipag-one night stand, bro. So chill ka lang, okay?"

"Chill mo mukha mo!" sagot naman nitong iiling-iling.

Si Kael ay matalik niyang kaibigan no'ng college. Sabay rin silang pumasok sa Philippine Military Academy at sabay ring nagtapos, kung kaya't higit pa sa magkaibigan ang turingan nilang dalawa. Saksi siya sa napakaraming kaganapan sa buhay ng kaibigan.

Maging ito ay saksi rin naman sa mga pangyayari sa buhay niya kaya naman ganoon na lang sila kung magbiruan at magbatuhan ng mura sa isa't isa. Isa rin si Kael sa mga taong pinagkakatiwalaan niya.

Alam rin nito ang pagiging womanizer niya. Hindi naman siya kinukunsinti ng best friend niya, pero talagang hindi na niya mababago pa ang pagiging mahilig sa mga babae.

Kaya naman naging kabi-kabila ang mga flings at nakaka-one-night stand niya. Si Chloe ay isa lang sa mga flings niya na laging ready kapag kailangan niyang mailabas ang sama ng loob ng kanyang alagang si Polaris.

Bukod kay Chloe, nariyan din si Emma, Rossini, Melody, Irish, Trisha, Abigail, Aira, Patricia, Zea, at Vanessa. Lahat ng mga ito ay flings niya na hindi rin naman lingid sa kaalaman ng mga ito.

Ang mga iyon ay nakilala niya sa mga bars o kaya naman sa mga gatherings na pinuntahan niya. Ang ilan sa mga ito ay modelo, artista, at anak ng mayayamang angkan. Kaya't very confident siyang hindi siya basta-basta magkakaroon ng sakit.

Isa pa, gumagamit rin naman siya ng proteksyon at ilang safety methods para hindi magkaroon ng nakahahawang sakit. Bukod pa roon, ayaw rin niyang magkaroon ng bastardo sa mga ito.

Walang permanenteng karelasyon si Ren. Ren doesn't want a long-term relationship. All he wanted was to play with different women. Ang gusto lang niya ay matugunan ang seksuwal na pangangailangan niya-bukod roon ay wala na. Ayaw niya ng responsibilidad.

Wala rin sa isip niya ang pag-aasawa. Ayaw niyang magkaroon ng anak dahil hindi naman siya marunong magmahal. Ni hindi pa nga niya naramdaman ang magkagusto. Babae kasi ang nagkakagusto at lumalapit sa kanya kaya sa palagay niya ay ayos na iyon.

---

ILANG SANDALI pa ang lumipas ay dumating na si Mr. Vargas kasama ang assistant nito. Isa-isa silang binigyan ng folder kung saan nakalagay ang kanilang bagong misyon.

"Okay, gentlemen! As you can see, nakalagay sa folder na iyan ang inyong bagong assignments," ani Mr. Vargas sa mga tauhan habang nakaupo sa pinakasentro ng pabilog na mesa.

"Kanina lamang ay humingi sa atin ng tulong ang Philippine Drug Enforcement Agency at National Bureau of Investigation upang halughugin ang kalakhang Maynila, maging ang mga karatig-lugar, dahil sa lumalaganap na drug smuggling at human trafficking sa mga malalaking bars sa Metro Manila. At ayon sa ating source ay pinatatakbo ito ng mga Chinese," mahabang paliwanag pa ng big boss ng OSS.

"Inaatasan ko kayong mag-undercover at pasukin ang bawat bar at club na naka-assign sa inyo. Magko-conduct tayo ng isang raid at isasagip natin ang mga babaeng ibinibugaw, at huhulihin ang mga gumagamit ng ipinagbabawal na gamot. Ang layunin ng misyon na ito ay masagip at matulungan ang mga kababaihan at maging drug-free ang ating bansa. Maaasahan ko ba kayo?" tanong ni Mr. Vargas sa mga tauhan.

"Yes, Sir!" magkakapanabay na sagot ng mga ito.

"Okay, good! Iyan lamang. Dismissed!" ani Mr. Vargas saka nauna nang lumabas ng conference room kasunod ang secretary nito.

Dinampot naman ni Ren ang folder at pinasadahan ng tingin ang nakalagay sa bagong assignment niya.

"Velvet Mirage", basa niya sa nakasulat na club kung saan siya naka-assign.

Ewan rin niya pero nakaramdam siya ng excitement nang mabasa ang pangalan ng bar. Pakiramdam kasi niya ay magugustuhan niya ang panibagong misyon.

'Velvet Mirage, maghintay ka lang. Papunta na 'ko...' aniya sa isipan saka isinara ang folder at sumunod kay Kael na nauna nang lumabas ng conference room.