KABANATA 11

Contract

Hapon na nang makauwi ako kinabukasan. Sobrang sakit ng katawan ko dahil sa mga bugbog nila. Hindi ko alam kung paano ako napunta sa ganitong sitwasyon. At hindi ko alam kung hanggang saan ang titiisin ko bago makamit ang buhay na inaasam-asam. Iyong hindi tumatakbo at nagtatago. Iyong hindi namomroblema sa pera at utang.

Nagkulong ako sa banyo. Umiiyak sa sakit at sa hirap ng buhay ko.

Pagod na pagod na ako sa ganito. Pagod na akong takbuhan ang mga nagtatangka sa buhay ko. Pagod na akong magtago. Pagod na akong magpanggap na maayos lang ako kahit ang totoo ay hindi, dahil lagi lagi akong namomroblema sa buhay ko.

Ayaw ko na ng ganito. Sobrang pagod na ako.

I just cried until evening comes. Hindi ako nakatulog sa kakaiyak. Hindi na rin ako pumasok… dahil ang dami kong pasa sa katawan at mukha. Nakakahiyang pumasok nang ganito dahil hindi ko ‘to matatago kung sakali kahit pa mag makeup ako nang makapal.