CHAPTER 17

PARANG BINUHUSAN ng pagkalamig lamig na tubig si Mang Oliver nang malaman mula sa kaibigan ang dahilan kung bakit waring galit na galit sa kanya si Matt Sy. Si Matt ay ang pamangkin ng babaeng naging kalaguyo niya. Si Nena.

Nagpakamatay si Nena nang hiwalayan niya ito.

Malaki ang atraso niya kay Nena dahil ginamit lang niya ito para sa kanyang negosyo. Hiniraman niya ito ng ten million pesos para gamiting puhunan sa kanyang negosyo. Nang hindi na niya ito kailangan ay nakipaghiwalay siya dito.

Sabi mo hihiwalayan mo ang pamilya mo at magsasama na tayo? Iyon pala’y ginamit mo lang ako? Ginamit mo lang ang pera ko? Natatandaan pa niyang sumbat sa kanya ni Nena nang sabihin niya rito na hihiwalayan na niya ito.

Heto ang kabayarang ten million pesos, plus five million pesos na interes sa utang ko, kaya tigilan mo na ang panunumbat sa akin! May pamilya ako, mahal ko ang asawa at mga anak ko kaya pwede ba, Nena, huwag ka ng tatawag sa aki