Chapter 24

Nakatanaw si Andrea sa bintana ng condo na tinitirhan ni Perly at ng asawa sa Singapore. Puro ilaw ng mga sasakyan at matatayog na gusali ang natatanaw niya. Dalawang buwan na mula ng umalis siya ng Pilipinas at ni minsan ay hindi siya tumawag sa manager tulad ng ipinangako niyang tatawag-tawagan niya ito. Sa loob ng pananatili niya dito'y nalibang siya sa dalawang pamangking si Samantha at Nicholas. Ito ang inaalagan ng ina dito sa Singapore na mga anak ni Perly dahil nagtatrabaho ang pinsan sa isang advertising agency. Inalok din siya ng trabaho nito dahil may bakanteng posisyon na pwede niyang applayan. Kung hindi lang sa kalagayan niya ngayon ay hindi siya magdadalawang isip na tanggapin iyon.