Chapter 2 - Teasing My Girl

Pagkatapos ng gabing puno ng gulat at tanong, dalawang taong muling pinagtagpo ng tadhana ang hindi inaasahang magku-krus muli ng landas sa isang lugar na puno ng kasiyahan. Ngunit sa pagkakataong ito, tila ang tadhana mismo ang may ibang balak.

Matapos ang conference meeting ni Jack sa isang law firm, kung saan naghahanap siya ng sampung abogado na may integridad at kakayahang humawak ng mahahalagang dokumento sa kanyang negosyo, bumaba siya ng building mula sa ikapitong palapag. Isang pamilyar na pigura ang agad na nakakuha ng kanyang atensyon.

Si Bhem Acson.

Sakto namang pababa ito mula sa ikapitong palapag, may dalang sangkatutak na mga papeles—halos hindi na makita ang mukha nito sa dami ng kanyang bitbit. Isang pilyong ngiti ang lumitaw sa labi ni Jack. Hindi niya pinalagpas ang pagkakataong ito.

Lumapit siya nang walang paalam. "Hi, Miss. Mabigat ba?" tanong niya habang nakapamaywang, kitang-kita sa ekspresyon niya ang pang-aasar.

Napakurap si Bhem at agad siyang napatingin sa nagsalita. "Obvious ba?!" sagot niya nang walang lingon-lingon. Ngunit nang makilala ang tinig, dahan-dahan siyang tumingin pataas. "J...J-Jack?!"

Sa sobrang pagkagulat niya, nabitawan niya ang mga papeles. Ang masaklap? Eksaktong sa paa ni Jack iyon bumagsak. Kaya naman napasigaw ito nang malakas. Mabuti na lang at wala nang mga empleyado roon dahil lunch break na ng mga oras na 'yon.

"Aghhh!" Napaupo si Jack sa sahig, hawak-hawak ang paa na tila ba sobrang sakit ng tinamo niya. "Ang s-sakit...!"

Nanlaki ang mata ni Bhem. "Jack! Oh my God, sorry! Hindi ko sinasadya! Please, huwag kang magalit!"

Mission accomplished.

Sa kabila ng pagpapanggap, lihim na natawa si Jack sa kanyang isipan. Kitang-kita niya kung paano natataranta si Bhem sa harapan niya, at sa totoo lang, nag-e-enjoy siya rito.

"Aghhh… Hindi ko na kaya, Bhem," bulong ni Jack habang kunwaring namimilipit sa sakit. Mas lalo pang nag-panic si Bhem at halos maiyak na sa takot.

"Jack, Diyos ko! Ano'ng gagawin ko? Wala nang tao rito! Tatawag ako ng HR!"

Ilang minuto lang matapos niyang tumawag, dumating na ang medical team—at hindi lang basta-basta. May kasamang VVIP medical unit na tila ba isang importanteng personalidad ang tinutulungan. Lalong lumaki ang pagtataka ni Bhem.

Habang inaalalayan ng doktor si Jack papunta sa stretcher, napatingin si Bhem sa kanya. "Jack, paano ka kilala ng mga doktor na 'to?"

Napangiti si Jack. "Secret," sagot niya, may kasamang wink.

Napabuntong-hininga si Bhem. Wala siyang ideya kung paano niya nalagay ang sarili sa ganitong sitwasyon.

Habang nasa loob ng ambulansya, hindi mapakali si Bhem. Siya pa ang napilitang pumirma bilang "guardian" ni Jack, dahil ayon sa doktor, hindi maaaring dalhin sa ospital ang pasyente nang walang pumipirma sa waiver.

"Bakit ako pa?" mahina niyang bulong sa sarili.

Samantala, si Jack naman ay nakikipag-usap nang pabulong sa doktor. Isang mapanuksong ngiti ang sumilay sa kanyang labi nang sumulyap siya kay Bhem. Alam na agad ng doktor ang ibig sabihin nito, kaya naman habang nasa biyahe, tila ba masyadong maalaga ang staff kay Jack, kahit hindi naman ganoon kalala ang sinapit nito.

"Ganito pala mag-alala si Bhem..." bulong niya sa sarili, napapangiti habang lihim na pinagmamasdan ang babae.

Pagkarating sa ospital, agad siyang ipinasok sa isang VIP room. Hindi mapakali si Bhem habang hinihintay ang resulta ng pagsusuri sa paa ni Jack.

Ilang oras ang lumipas, lumabas ang doktor. "Miss Acson, maaari na po kayong pumasok."

Dali-daling tumayo si Bhem at nagmamadaling pumasok. Ngunit ang nadatnan niya ay isang eksenang ikinagulat niya.

Si Jack, nakahalukipkip at nakangiti sa kanya—walang kahit anong bakas ng sakit sa mukha nito. "Oh? Bakit parang mas worried ka pa kaysa sa akin?" aniya, sabay kindat.

Napanganga si Bhem. "Ano'ng ibig sabihin nito?!"

Ngumisi si Jack. "Na-miss lang kitang makita nang ganito ka-close, Bhem."

Nanlaki ang mga mata niya. "Jack Lee! Niloko mo lang ako?! Grabe ka naman! Akala ko naman kung napano ka na! Nataranta ako nang sobra! Iba pala ang plano mo."

Ngunit bago pa siya makapagsalita pa ulit, lumapit si Jack sa kanya, may kung anong init sa tingin nito.

"Bakit? Ayaw mo bang inaalagaan ako? O baka naman gusto mong ikaw naman ang alagaan ko… sa mas espesyal na paraan? O baka naman gusto mo nang maging misis ko?"

Napalunok si Bhem. Masyadong malapit si Jack sa kanya. Masyadong nakakapasong ang kanyang presensya.

"Kailangan ko nang umalis!" paimpit niyang sabi, mabilis na tumalikod.

Ngunit bago pa siya makalayo, hinawakan ni Jack ang kanyang kamay. Malambot. Mainit. At tila hindi balak pakawalan.

"Where do you think you're going, sweetheart? Hindi pa tayo tapos. Alagaan mo pa nga ako eh. Tingnan mo, ang sakit pa ng paa ko! Ikaw kasi, nakakita ka lang ng angel, parang gusto mo nang sumama."

Dahan-dahan siyang napalingon… at ang ngiti ni Jack? Mapang-akit, may halong pilyong panunukso.

Ano'ng gagawin niya ngayon?

Ano ang magiging reaksyon ni Bhem sa sunod na gagawin ni Jack? Hahayaan ba niyang mahulog siya sa bitag ng mapang-akit na billionaire? O tuluyan na siyang mafafall kay rich man?

To be continued.........