Chapter 3 – HIRING DAY :))

Trabaho o Pride?

Halos hindi na nakatulog si Bhem nang gabing iyon. Pagkahatid niya kay Jack sa mansyon nito, sinubukan pa niyang magpahinga. Ngunit tila sinadya ng tadhana na guluhin ang kanyang umaga. Bago pa mag-ika-anim ng umaga, narinig na niyang mag-ring ang kanyang cellphone.

“Hello, Miss Bhemzly, good morning po. Pasensya na po sa aga, pero may good news po kami. Ang isa po naming VIP client ay nangangailangan ng sampung abogado upang ayusin ang mga legal na dokumento ng mga ari-arian niya, lokal at internasyonal. Matapos naming suriin ang inyong credentials, napili po namin kayong irekomenda. Puwede po bang maghanda na kayo ng inyong application?”

“Salamat po, Ma’am Vhie. Opo, aayusin ko po agad.”

Bitin pa sa tulog, nagdesisyon si Bhem na bumangon. Hindi niya kayang palampasin ang ganitong oportunidad—baka ito na ang matagal na niyang hinihintay na pagbabago sa kanyang karera.

Habang naghihintay ng masasakyan, sumagi sa isip niya ang isang posibilidad.

“Wait… baka si Jack ‘yung VIP client? Pero hindi, imposible. Nagkataon lang siguro na andun siya kahapon. Nag-a-assume na naman ako.”

Mabilis na naputol ang kanyang pag-iisip nang bigla siyang tinawag ng jeepney driver.

“Hoy, Miss! Sasakay ka ba o tatayo ka na lang diyan buong araw?”

“Pasensya na po, sasakay na,” iritado niyang sagot. “Grabe, ang sungit n’yo. Pang-Biyernes Santo agad ang mood.”

Makalipas ang mahigit isang oras sa biyahe, nakarating siya sa kanilang building—late ng eksaktong 45 minutes. Dahil puno ang elevator, pinili na lang niyang maghagdan kaysa maulit ang trauma niyang ma-trap muli doon ng apat na oras.

Ngunit sa ikatlong palapag, isang pamilyar na tinig ang pumigil sa kanya.

“Miss Beautiful, musta ang cardio mo? Nakakapanakit ba ng legs?”

Halos malaglag ang folder na hawak ni Bhem. “Jack?! Anong ginagawa mo rito? At… teka, kahapon halos hindi ka makalakad. Bakit parang wala nang nangyari?”

Ngumiti ang binata, ang mga mata'y naglalaro. “Miracle healing. Siguro dahil sa magaling na nag-alaga.”

“Jack, seryoso. Wag mo akong lukuhin. Kahapon may benda ka pa. Ngayon, nakikihagdan ka pa talaga?”

Bago pa siya makapagsalita, marahan siyang hinila ni Jack pataas.

“Come on, late ka na. Bilisan natin.”

At sa hindi niya namalayang pagkakataon, nakahawak na pala ang binata sa kamay niya hanggang sa makarating sila sa ikapitong palapag. Hindi ito bumitiw. Kung hindi pa nila nasalubong ang kanilang manager, baka inabot pa sila ng lunch break na magkahawak-kamay.

Nagkunwari na lang si Jack na busy makipag-usap, ngunit lihim na sinundan ng mata si Bhem hanggang sa ito ay pumasok sa isang silid para sa hiring interview.

Nang tawagin ang kanyang pangalan para sa application review, huminga muna ng malalim si Bhem bago pumasok. Ngunit sa pagbukas ng pinto, tila nabura ang lahat ng kanyang paghahanda.

Doon, nakaupo sa gitna, ang lalaking ayaw na niyang makita sa ganitong sitwasyon.

Si Jack Devera.

Ang ngiti pa lang nito, habang hawak ang kanyang resume, ay parang gumuho ang mundo ni Bhem sa kinatatayuan.

“Wow,” bulong ni Jack habang binabasa ang application niya. “Iba pala talaga ang baby ko.”

Hindi pa man nagsisimula ang interview, tumayo na nang marahan si Bhem.

“Pasensya na po, pero… hindi ko yata kaya ang trabahong ito.”

Agad siyang lumabas ng silid, halos hindi makapaniwala sa nakita. Tinangka pa siyang habulin ni Jack.

“Sandali lang, Bhem! Hired ka na agad, hindi mo ba gusto ‘yon?”

Ngunit mas matimbang ang pride kaysa sa oportunidad. Pinili niyang talikuran ang lahat.

“Hindi ko kailangang magtrabaho sa kanya. Hindi niya ako puwedeng gawing empleyado niya. Hindi ngayon, hindi kailanman.”

Naglakad siya palayo, patungo sa ladies' room sa dulo ng hallway. Pilit niyang kinakalma ang sarili habang tumutulo ang inis sa kanyang dibdib.

Ngunit ilang minuto lang ang lumipas, bumungad sa kanya si Jack. Nakangiti, ngunit bakas ang lungkot sa kanyang mga mata. Hinila siya nito nang marahan patungo sa gilid ng hagdan kung saan wala masyadong tao.

“Bhem, bakit ka umalis? Hindi mo man lang tinapos ang interview. Hindi mo ba gustong subukan?” mahina nitong tanong.

Nakapamewang si Bhem. “Sorry, Mr. Devera, pero hindi ko kailangan ang offer mo. Masaya na ako sa trabaho ko ngayon. Naiintindihan mo ba?”

Bibig pa lang sana niya ay may isusunod pa, ngunit si Jack na ang nagsalita.

“Sigurado ka bang masaya ka? Kaya nga kita pinili, hindi lang dahil sa credentials mo… kundi dahil alam kong deserve mo ‘yung opportunity. Pero mas pinili mong ipagsigawan ‘yang pride mo.”

Tahimik si Bhem.

“Hindi mo pa rin ako maintindihan,” aniya. “Wala ka namang alam sa pinagdaanan ko, sa mga dahilan kung bakit hindi ko gustong tumanggap ng—”

“Then explain it to me,” sabat ni Jack, masuyo ang boses. “Pakinggan mo naman ako kahit ngayon lang.”

Tahimik ang paligid, tanging pintig ng damdamin ang naririnig ng dalawa. Saglit silang nagtitigan—isang sulyap na puno ng kasaysayan, isang kwento na hindi pa tapos.

Tumalikod si Bhem, pinili pa ring lumayo.

Ngunit sa likod ng kanyang likod, may isang lalaking nagtatangkang intindihin ang katahimikang iniwan niya.

At sa pagsara ng elevator door, isang boses ang bumulong sa isipan ni Jack.

“Kung hindi ngayon, kailan? At kung hindi kita pipilitin, sino pa ang maglalakas-loob?”

To be continued…