Kabanata 26

Matapos niyang magsibak ng kahoy ay umigib kami ng tubig. Ako ang tiga-bumba at siya naman ang tiga-buhat ng balde. 

Nang matatapos na kami ay agad kong binuhat ang isang maliit na balde. 

"Ako na, honey. Huwag ka nang magbuhat," ani ni Gio sa akin, ngunit nagmatigas ako. 

"Ako na kaya ko namang buhatin eh, maliit lamang ito," saad ko sa kaniya. 

"Hindi—" Hindi niya natapos ang kaniyang sasabihin nang nabitawan ko ang aking balde at nadulas. Napahiyaw ako sa kaba at takot.

Handa na sana akong maramdaman ang sakit sa pagkakadulas pero imbis na sa semento ako bumagsak ay matitipunong bisig ang naramdaman. Ang kaniyang kamay ay nasa aking beywang mahigpit itong nakayakap. 

Biglang tumibok ng mabilis ang aking puso dahil sa lapit ng aming mukha sa isa't-isa. Nakatitig ito sa akin at ako nama'y napapanganga dahil sa gulat.