Sassy 3

Napatulala ako sa likod ni Hendrix habang naglalakad siya palayo. Is he insane? Ibig sabihin ba ng working naked ay magwawalis ako nang walang suot? Like, literal na hubad?! My goodness! Ang bastos pala niyang lalaki kung ganun?! 

Pero teka, sinabi din niyang malawak ang kwarto niya? Ibig sabihin ba niya doon, ino-offer niya sa akin ang kuwarto niya? Wow, ha! Eh di kung ganun, siya ‘yung tipo ng lalaki na maginoo pero bastos? Err.. parang ang dugyot naman ng dating n'un!

"Hey, Mr. Ice Cube! Wait!" sigaw ko, hila-hila ang pagkalaki-laki kong maleta. 

Papasok na siya sa isa sa elevator dito nang maabutan ko siya. Pagkasakay namin doon ay kinulit ko siya nang kinulit tungkol sa sinabi niya. Pero ang lalaki, parang walang naririnig dahil hindi niya talaga ako sinasagot. 

Ilang saglit lang ay bumukas na ang elevator. Bumungad sa amin ang tingin ko'y kuwarto niya dahil sa lawak at elegante ng silid. Sa sobrang lawak ay singlaki na ata ito ng buong sala namin sa bahay. 

Lalaking lalaki estilo ng silid. Kulay charcoal gray at black ang tema, may king-sized bed sa gitna na mukhang masarap higaan, at may malaking glass wall kung saan tanaw ang buong skyline ng lungsod. 

"Wow..." hindi ko napigilang mamangha.

Binitawan ko ang maleta ko at dire-diretsong naglakad papasok. Lumundag ako sa kama niya at dinama ang lambot ng mamahaling mattress nito.

"Okay na ako rito, pwedeng-pwede na 'to sa'kin!" sabi ko. 

Paglingon ko sa kaniya ay nakasandal na siya habang nakahalukipkip sa gilid. 

"Sinong nagsabing matutulog ka sa kama ko?" malamig niyang untag.

Tinaasan ko siya ng kilay saka ako naupo na sa kama. "Sabi mo kanina, 'My room has plenty of space.' Eh ano pala gusto mo iparating kung hindi ka nag-o-offer?" 

"I said my room has plenty of space. Hindi ko sinabing sa kama ko ang pwesto mo," patag ang boses niya habang naglalakad papalapit sa gilid ng higaan. Huminto siya sa tapat ko at itinuro ang sahig gamit ang kaniyang sapatos. "Dito. Sa sahig. Maglalagay si Manang ng manipis na sapin para sa'yo mamaya."

"What?!" Halos mapatayo ako sa kutson sa sobrang gulat. "Are you out of your mind?! Masasaktan ang likod ko! Ayoko! Ayoko! Ayoko! No way!" 

Gigil na gigil kong pinagdaop ang mga palad ko. Grabe, ang sarap niyang saksakin ng nail file! Partida, parang wala lang sa kaniya ito kung sabihin niya iyon. Ano, ganoon siya kawalang puso para matiis ang isang tulad ko?

Suminghap ako at sinubukan kong pakalmahin ang sarili ko. 

'Yung plano ko… 

Kailangan kong pakalmahin ang sarili ko para masimulan ko na ang plano ko.

Operation: Make This Ice Man Falls In Love With Me starts now!

Huminga ako nang malalim at binago ko ang ekspresyon ng mukha ko. Mula sa pagtataray, dahan-dahan akong ngumiti nang matamis—yung ngiting ginagamit ko tuwing nasa runway ako bilang top model. Umupo ako nang tuwid at hinawakan ang laylayan ng silk robe ko, bahagyang ipinakita ang makinis kong binti.

“What are you doing?" kunot-noo niyang tanong. 

"Well... kung gusto mo talaga akong patulugin dito, bakit sa sahig pa?" malambing kong sabi. "Hindi ba mas okay… kung sa tabi mo? What do you think?"

Yuck! Yuck! Kadiri! Sa oras na mauto ko siya, siya ang dapat matulog sa sahig! Hindi kami pwedeng magtabi sa kama dahil unang una, hindi ko siya kilala. Panglawa, siya na ngayon ang itinuturing kong mortal kong kaaway!

Tiningnan ko siya nang diretso sa mata habang dahan-dahan kong pinadalos ang mga daliri ko sa ibabaw ng kumot niya. Iniisip ko na kahit gaano kasama ang ugali niya, lalaki pa rin siya. Walang lalaking hindi tatablan sa alindog ng isang Hiraya Shane Morana!

Ang kaso…

"Ang cheap ng moves mo, Miss Morana…" blangko niyang pambabasag sa akin na saglit kong ikinatigil. "Don't try to pull the same stunt you used on that director that ended your career. It won't work on me.”

What the— ano raw?!

Nawala ang ngiti sa mga labi ko. Akma ko siyang sisigawan nang bigla siyang yumuko nang bahagya, inilapit ang mukha niya sa akin— dahilan para maamoy ko ang panlalaki at mamahalin niyang pabango. 

"Blow job, Miss Morana. You still don’t get it?” 

Muntik na akong mapapikit nang maamoy ko ang amoy mint niyang hininga. Pero pinigilan ko.

“B-Blow job, duh!" halos nauutal kong sabi. “Tingin mo talaga sa'kin stvpid, ’no? Of course I know what a ‘blow job' is. Where's the dust? I'll blow it off for you! Come on!” panghahamon ko. 

Pero mahina niya lang ako tinawanan, pagkatapos ay medyo tumuwid siya ng tayo. Agad nangunot ang noo ko nang sunod niyang ginawa ay nagsimula na siyang magtanggal ng belt sa suot niyang slacks. 

“H-Hey… what are you doing?” kinakabahan ko nang tanong, ang mata ko'y dilat na dilat na nakaalinsunod lang sa mga kilos niya. 

"You wanted to sleep on my bed, right?" walang kaemo-emosyon niyang saad habang tuloy lang siya sa pagtanggal ng kaniyang belt. "I can let you sleep here. But nothing in this world is free, Miss Morana. Kung sa kama ko ka matutulog, may kapalit 'yun."

"A-Anong kapalit?!"

Natapos na siya sa kaniyang belt at ang sunod na nangyari ay basta na lang niya ibinaba ang slacks niya. Sa gulat ko ay mabilis akong pumikit at sumigaw-sigaw.

“Ahhhhh! Help! Help! Someone just violated my eyes! Help!” paulit-ulit kong sigaw. 

Tumayo ako at nilakasan pa lalo ang pagsisisigaw ko, pikit na pikit pa rin ang mga mata ko. 

“Hey, stop! I'm just kidding!" dinig kong sabi niya sa tabi. Mayamaya ay naramdaman ko ang paghawak niya sa bandang siko ko kaya mas lalo ko pa nilakasan ang sigaw ko. 

“Mānyak! May mānyak dito! Manang! Help!" 

Wala pang ilang segundo ay may narinig akong pumasok. Pagmulat ko ng mata ko ay nakita ko si Manang na nagkukumahog na tumakbo palapit sa gawi namin. Pero bago pa man niya kami marating ay aksidente kong nabalingan si Hendrix. Agad namilog ang mata ko nang bumaba ang tingin ko sa binti niya at nakitang naka-boxer brief na lang ito. 

“Ahhh! So big! No waaaay! My innocent eyes, ahh!!!” sigaw ko ulit at bigla na lang ako nagkandahilo-hilo.

Matutumba na sana ako sa sahig pero agad akong nasalo ni Hendrix. Kaso muli na naman akong napasigaw nang dumirekta ang tingin ko sa binti niya at nakita ko ulit na naka-boxer brief lang talaga siya. 

“Help! M-May mānyak ho rito—" hindi ko na naituloy ang sasabihin ko nang kusa na lang bumigat ang talukap ko sa mata. 

Bago ako tuluyang mahimatay ay narinig ko ang boses ni Manang na pinapagalitan si Hendrix. 

"Diyos ko kang bata ka! Ano ba kasing gusto mong mangyari at naisip mong pagtripan ang mapapangasawa mo?!”